黎諾懿與太太李潔瑩、囝囝「小春雞」黎峰睿，日前聯同譚玉瑛出席醫健中心開幕典禮暨嘉年華活動，活潑可愛的「小春雞」無懼大場面，開心「搶Fo」滿場飛，爸爸黎諾懿笑言不介意人氣被搶，只希望兒子認識何謂「慈善」。藉活動植入助人為本之心，果然是個健康暖爸！

盈健醫療 捐200萬助弱勢重見光明

盈健醫療集團旗下的超大型醫健旗艦中心「昇康滙H2」日前於尖沙咀星光行隆重開幕，代言人黎諾懿與家人、譚玉瑛擔任開幕嘉賓，對於大會以慈善方式捐出七位數手術費，黎諾懿直言會繼續身體力行，向「小春雞」灌輸做慈善工作、助人的理念：「佢經常聽爸爸講做慈善，但唔會明，一定要一齊出嚟做，先知道呢個世界原來好多人需要幫助，令佢慢慢習慣去照顧人，最近放暑假，佢都成日跟住我做唔同嘅慈善工作，最近一次我哋做義工帶咗一班小朋友到樂園玩。」

對於「小春雞」在活動成功搶風頭，黎諾懿笑言令自己更輕鬆：「佢分擔咗啲影相時間，見到個仔好享受畀一班姐姐圍住影相，佢嘅笑係發自內心，我覺得小朋友係要多啲接觸唔同嘅人，咁佢哋成長先會快，同埋識得與人溝通。」

譚玉瑛生活規律年年驗身

至於向來注重健康的譚玉瑛，不僅生活規律，更會年年驗身，談到工作與健康生活之間的取捨，她直言必以後者行先：「我甚少日夜顛倒生活，一開始選擇做兒童節目，就係欣賞日光白白嘅工作，無需做到半夜三更，因為我個人好執着，細個老師話要早睡早起，我就入咗腦、堅持住，九點就要瞓覺。」

譚玉瑛又大讚盈健醫療集團捐出白內障手術予100名患者，認為是很大的功德，譚玉瑛謂：「曾經有醫生講，人若唔死，都會有白內障，所以每個人都會經過呢個階段，年紀大咗，各方面負擔大咗，如果仲要睇嘢唔清，會冇晒心機，可以重見光明係好重要，真係好大功德！」

黎諾懿、譚玉瑛最近合作拍攝微電影廣告，在片中飾演姊弟，劇情講述二人原本感情深厚，不過隨着歲月流逝及疫情洗禮，關係漸變疏離，而黎諾懿因忙於工作忽略了家姐譚玉瑛，最後才知道原來家姐患病。雖然只短短數分鐘的劇情，但卻意味深長，宣揚親情可貴，令活在忙碌的都巿人得以反思。

黎諾懿驚喜與「兒時偶像」譚玉瑛姐姐合作

能跟「兒時偶像」譚玉瑛姐姐演對手戲，黎諾懿大呼驚喜：「譚玉瑛姐姐係我前輩兼兒時偶像，同佢演戲係好緊張，幸好譚玉瑛姐姐和藹可親又專業，拍攝過程好愉快，鏡頭後佢仲分享好多『煮食經』、人生點滴畀我，仲叫我要好好享受人生。」

提到今次拍攝的難忘事，黎諾懿指目睹飾演家姐的譚玉瑛患病，自己在旁愛莫能助的感受，令他勾起兒子「小春雞」黎峰睿早前感染病毒，持續發高燒致肺部發炎的經歷，他憶述當時心痛感覺表示：「寧願自己病，都唔想見到屋企人病，睇住佢哋病，自己又幫唔到手係最痛苦。」

是次微電影宣揚親情可貴，而黎諾懿為了多陪伴家人，近年也選擇「減產」，他說：「現時主要朝綜藝方面發展，因為時間比較容易控制，做埋綜藝節目監製，因為監製嘅工作可以留喺屋企搞，方便湊仔，加上年紀大啦，唔想捱太多夜，拍劇方面打算貴精不貴多，兩年左右一部。」

譚玉瑛坦言作品很有意思，喚醒大眾要重視健康及親情：「雖然香港人好忙，但都唔好忽略情感啊！我相信大家都應該重視『情』，同埋身體健康嘅寶貴，我一向都注重健康，所以非常喜歡將呢個訊息宣揚出去。」