193 Archives - METRODAILY

娛樂

鄭伊健演唱會台上感謝ERROR節目助減壓

鄭伊健「HERE & NOW 演唱會2022」昨晚（23日）在紅館舉行第五場演出，除了有來自新加坡、日本的歌迷捧場外，台下還有一眾圈人藝人如蔡一智、NowhereBoys主音Van、周秀娜、Error的梁業（肥仔）、何啟華（阿Dee）和郭嘉駿（193）、ANSONBEAN、譚旻萱、劉沛蘅和林熙彤等。

全場《極速》High爆

主角鄭伊健一出場即全場尖叫，快歌《極速》和《全城效應》時全場High爆起身跳舞！到《感激我遇見》、《一生愛你一個》、《動地驚天愛戀過》和《只會因你唱》等慢歌時，全場則亮起手機燈大合唱，一片星海，氣氛動人。

「Cup Noodle 2.0」合唱

而音樂總監陳光榮就率領樂手，與伊健、雲浩影（Cloud）和Rapper 朱雋言組成「Cup Noodle 2.0」合唱《For U & Me》、《心照》和《一對對》時大合照，又與觀眾互動，氣氛熱鬧。

鄭伊健台上感謝ERROR 靠睇《ERROR遊》減壓

去到Encore環節，《數碼暴龍》主題曲《自動勝利 Let’s Fight》前奏一起，觀眾隨即起哄，伊健升上舞台，全場起身一齊跳唱，然後舞蹈員出場表演《遇怪魔我識得變大個》，全場氣氛再度升溫。之後伊健感謝大家熱情反應，揚言令他極之開心，他說：「我另外想多謝Error，點解要多謝佢哋？」話未說完，全場尖叫，觀眾席上的肥仔和阿Dee立即舉手向台上伊健膜拜，193向他做出心心動作。

伊健繼說：「我上一次演唱會，返去減壓就係睇你哋嘅《ERROR遊》。我知道今次得兩集，所以我未睇住，多謝，Thank You，多謝你哋畀我哋歡樂。仲有，我知你哋開演唱會，我知㗎，加油啦！」三子齊齊起立向伊健鞠躬，全場歡呼。

2022 年 11 月 24 日2022 年 11 月 24 日

食玩

【土瓜灣】Tanuki Coffee聯乘本地小店推特調手沖咖啡＋草本通力水特飲

由ERROR成員193（郭嘉駿）與幾位中學同學夾份的咖啡店 Tanuki Coffee 於今年4月在土瓜灣開張，一眾粉絲已經紛紛前去排隊打卡兼碰運氣，希望可以與偶像會面。Tanuki Coffee主打精品咖啡及推廣本土文化，因此與不同的本地咖啡豆烘焙店合作，為品牌調配獨家的House Blend及挑選各式手沖咖啡豆。House Blend特別調配以突顯甜度為主，帶有不同莓果味道。而手沖咖啡方面，咖啡師會不定期更換合時的新鮮烘焙及淺炒為主的咖啡豆，而且部分咖啡會帶有果茶、果汁或花香味。

黑糖檸檬咖啡（$65）：將草本通力水加入沖繩黑糖和新鮮檸檬汁，混合特別挑選的咖啡豆製成的咖啡，Kokuto Lemon Black帶著淡淡如錫蘭檸檬茶的甜味，以及汽水般酸爽的口感。

除了上述的新款食品及飲品之外，Tanuki Coffee亦與本地品牌「閣樓釀造」合作舉辦工作坊，讓大家了解品牌故事及通力水製作方式，而Tanuki Coffee就會講解不同精品咖啡及咖啡豆風格，費用全免。

「Tanuki Coffee x 閣樓釀造」工作坊
日期：7月27日、31日、8月7日及14日
時間：1030-1200
參加方法：顧客只需公開發布Tanuki Coffee的草本湯力水特飲 (草本通力水濃縮咖啡/黑糖檸檬咖啡) 的照片，追蹤及標籤『Tanuki Coffee』 @tanukicoffeehk與『閣樓釀造』@mezzaninemakers的官方Instagram平台，同時標籤三位朋友，店家會精選5張「最出色照片」，並邀請獲選拍照者，免費參加「Tanuki Coffee x 閣樓釀造」工作坊。

Tanuki Coffee
時間：1100-1900
地址：土瓜灣馬頭圍道63號啟岸地下18號地舖
查詢：https://www.instagram.com/tanukicoffeehk/

2022 年 7 月 13 日2022 年 7 月 13 日

娛樂

Ian、Jer做尾場嘉賓好驚喜王菀之約定下世再見張敬軒感動爆喊

張敬軒紅館演唱會昨晚（29日）尾場，MIRROR成員Edan（呂爵安）、193（郭嘉駿）、谷德昭等前往捧場，昨晚皇上破天荒請了三位嘉賓，包括「皇后」王菀之，MIRROR成員Ian（陳卓賢）和Jer（柳應廷），令觀眾超驚喜！

王菀之第一個出場，她讀出寫給皇上的信：「張敬軒，你過得好嘛？沒見面的日子，我同你同好多人一樣，都係好努力咁追尋自己夢想，有時好困難，但冇放棄，因為放棄咗成為定局，但唔放棄一直行落去仲有希望，所以我哋彼此努力啦，無論將來點，我都祝福你未來有更多個廿年做你夢想嘅事，生活開心自在；幾年前我哋喺同一地方你問我，如果下一世遇唔番我點算呢？」此時皇上忍不住爆喊，王菀之說:「我會搵番你！」皇上回應：「多謝皇后！」兩人相擁，場面催淚感人！

第2位嘉賓是Ian，他送上自己第一架擁有的模型車：「皇上好好，教我好多嘢，銘記於心，做人一定要有目標，我將模型車送俾你先，他日我有真車，第一時間車你遊車河。」皇上勁冧：「阿叔我心都融晒呀，陰公！好珍貴，有歲月痕跡！」皇上知道Ian 6月生日，又說：「我好老實，特別而家收入唔多，廣告又唔夠你哋多，我啲廣告賣咗幾年都俾你哋搶咗，我見到你拍銀行廣告好開心，開心見到你哋喺樂壇有成績，好多人支持你哋，接受長輩祝福，我同你唱隻生日歌。」

至於壓軸出場的Jer收工趕到紅館做嘉賓，Jer送禮時拿出自己珍藏多年的《酷愛》CD說：「今次禮物我有少少私心，係隻CD，呢隻係我人生第一次買嘅CD，所以今次我超榮幸可以喺台上請軒仔簽名….」皇上搞笑說︰「大家聽唔聽到個代溝，佢人生買嘅第一隻CD，就係我嘅碟，所以你送隻碟俾我幫你簽名。」見到皇上簽名，Jer即開心大叫︰「Yeah！多謝你呀！」場面搞笑！

2022 年 5 月 30 日2022 年 5 月 30 日

食玩

193紅磡開精品咖啡店Tanuki Coffee 打造太空艙風格＋勸坐10分鐘好走

ERROR成員193（郭嘉駿）自開設時裝品牌Lilaboc後，最近聯同3位中學同學投資二百多萬，於紅磡開設精品咖啡店。咖啡店以太空艙和日本狸貓做主題，並以狸貓的日本字Tanuki作店名，打造一間於舊區內，既日系又科幻的新式咖啡店。

193與SHO、Adam和Ringo是中學同學，也是透過籃球隊去建立友誼。過去4人經常尋覓香港大大小小的打卡Cafe，亦讚歎日本和韓國不斷有新式咖啡店冒起，惟香港欠缺獨特風格的咖啡店。經過約4年時間，4人決定創立一間有特色的精品咖啡店。

由於店舖座落的商場正在打造日本飲食街，所以4位也決定配合商場概念，以日本狸貓作生招牌。4人力撐本地製作，邀請本地師傅逐片瓷磚砌成店內椅子，並尋找本土烘焙店協助研發麵包。

原本打算去年12月底開張，奈何因疫情關係一直順延至今，4人透露基於已一早聘請員工，所以薪金加上租金已虧蝕了20至30萬。不過他們對營運抱有信心，希望1年內可以回本。

問到ERROR成員有否落店支持，193表示成員工作繁忙未有前來，不過阿Dee（何啟華）現正拍劇，193也有為劇組送上店內美食。

講到研發食材，4人力推這款為店內第一款被研發出來的Brown Cheese Croffle。鬆餅由牛角包製成，再配上雪糕、忌廉和Brown Cheese。他們表示Brown Cheese貨源極少，只能透過「搭單」於挪威訂購。

過去193曾透露新店「明呃你錢」，今日他與合伙人接受本刊訪問時就表示，坊間咖啡店經常以低成本的牛油果和雞蛋入饌，售價竟然達3位數字。193笑言：「不過我哋再Cheap啲，牛油果都要幾蚊雞，我哋用洋蔥代替。」又道：「我哋真心有良心，因為其實我哋本身Set咗個冇良心嘅價錢出嚟，跟住我哋諗，真係好冇良心喎大佬，跟住改返個價錢。」合伙人Ringo續：「同埋啲料係高質嘅，你可以食得出同出面普通嘅麵包真係有啲距離。」店舖亦有黑、白咖啡、梳打、朱古力等提供，定價為$35至$68不等。

193認為會有不少「前夫」被要求陪伴另一半前來打卡，相信Croffle未能令他們飽肚，所以再研發出3款專屬前夫的爆餡Egg Drop。有多年餐飲業經驗的Adam表示，他們尋求本地烘焙店為他們研發這款厚多士：「唔係普通一塊方包，你食過就知。」

對於「明呃你錢」的說法，193和合伙人表示會出周邊商品，包括限量版Tee恤、杯和Tote bag，賣完一批後會出雨傘等其他商品。各位粉絲準備好支持了嗎？

Tanuki Coffee
開業日期：4月10日
時間：待定
地址：紅磡馬頭圍道63號啟岸地下18號鋪

2022 年 4 月 7 日2022 年 4 月 7 日

娛樂

伍詠薇大讚姜濤：好勤力，我幾like佢坦承亡夫係真愛同練海棠性生活激減

伍詠薇和蘇皓兒近日在《金宵大廈2》最新單元《雙魚》演出，演技大爆發，令人驚喜！53歲的伍姑娘接受林柏希主持的網上平台BOX channel節目《月傾會》訪問，大談為演神經質阿媽芬姐，刻意減磅，整個人又凹又乾：「本身我都唔係肥底嘅人，我特登跌磅跌到去47 kg然之後再dehydrate（脫水），拍緊嘅時候唔飲水、唔食嘢再dehydrate，乾住唔上妝！」非常專業！問她有沒有介意要演蘇皓兒阿媽，一貫真性情的伍姑娘說：「黐線㗎！我之前做過黃宗澤阿媽啦（《飛虎之潛行極戰》）！」

想同姜濤談戀愛

問伍姑娘有沒有留意現今樂壇，不得不提最紅的MIRROR，伍姑娘說：「193最近嗰隻歌都幾好聽喎！仲有姜濤《蒙着嘴說愛你》嗰啲啦，我覺得佢好勤力囉，我幾like佢，如果佢做我個仔，我會教得佢更加好！」如果有套戲新開找伍詠薇搭姜濤，想做母子？還是姊弟戀？伍姑娘說：「母子啦！」不過她想了一會又說可以用西片《畢業生》條橋：「姜濤鍾意咗我，我其實係阿姜濤同學嘅阿媽嚟嘅，咁就得！」

婚姻危機變轉機

談到婚姻生活，林柏希直接問：「依家嘅性生活愉唔愉快？定係dry咗好耐？」真性情伍姑娘說：「性生活少咗好多，因為對咗同一個樣二十年，你試下對一個女人二十年，靚到李嘉欣咁樣呀，都要搵阿伍詠薇啦！」多久一次？「唔定㗎喎，咁八年都有一次嘅！你問我問題，你理得我點答你啫！」認真抵死！

談到老公練海棠曾被拍得同妙齡少女出街，當年伍姑娘選擇原諒：「我個人自己食嘢都……我係唯靈嚟嘅，食家，哈哈哈！我係冇嬲，我反而第一係諗吓自己，呢件事發生一定有原因，自己有咩問題，有冇問題，有問題，咁佢更加有問題啦，所以你嘅問題大啲，我嘅問題都有我嘅問題存在，大家商討囉，傾得埋就合，傾唔埋就分手！」婚姻危機變轉機，現在伍詠薇和老公練海棠更加珍惜對方！

忘不了亡夫翁江培

提到亡夫翁江培，伍姑娘說如果當年不是翁江培提議她選亞姐，她很大可能已經行了另一條歪路：「我成日諗，我做乜嘢呀，我可能『華燈初上』咗！如果冇支明燈點過我，我應該會行歪路多，我覺得應該會做咗啲名媛呀，名媛唔係話壞呀，名媛之前呢，我應該會做咗，送上千萬溫柔嗰啲囉，舞小姐囉！」

她又說：「呢個明燈，亦都係我第一個丈夫，冇血緣關係但係最親密嘅人，佢教我最多嘢，係我老師亦都係我丈夫、係我明燈。如果冇佢教我點樣用第一張信用卡，我唔會去到今日咁有骨氣嘅伍詠薇！我係掛住你㗎，翁，所以我覺得啲人話我生命裏面咩遺憾，真係陰功呀，咩陰功啫，上天有好多嘢安排晒，我無悔第一段婚姻，因為第一段婚姻，令到我學識好多嘢，同埋係我真愛！」

「芳華絕代」男星一個玩失蹤一個醉酒

去到重頭環節《大膽答冇膽食》，今次預備了伍姑娘最怕的食物—榴槤！林柏希先問入行33年的伍姑娘，遇過令她發脾氣的對手是誰？竟然有兩個，伍姑娘雖然沒有開名，不過就大爆：「兩個字，男人，兩個！失蹤唔到、另一個飲醉！」男星A玩失蹤、男星B就入廠拍劇拿着汽水罐，原來入面是是酒：「因為我同呢個人真係好多戲。（成浸酒除？）唔，真係汽水味囉，但一身酒氣！」問她是否亞視年代？伍姑娘說：「我仲去得邊度呀？」她給了四個字提示：「芳華絕代」！這四個字，大家猜到哪兩位男星嗎？

再問伍姑娘，最曳做過哪一件事？「最曳嗰件事咪讀中學嗰時，被迫踢入三合會囉，跟住咪1個打14個，我勁過甄子丹！」感情上面最曳呢？「溝人哋老公囉！」溝了多少個有婦之夫？「計唔到……計到，五個以內啦！」大膽答，不過伍姑娘都捱義氣吃了榴槤！

回顧入行歷史，伍姑娘出身1989年亞姐，當年冠軍翁虹、亞軍萬綺雯、季軍趙靜儀，屬頂頭大熱的伍姑娘只獲「最上鏡小姐」。問她當年最不喜歡誰？「又係兩個字呀！翁虹其實係炒作到我同佢唔啱咋嘛！冇乜特別憎，當時可能憎幾嘢咁囉，即係可能覺得你咁樣撥吓啲頭髮，作狀，作狀到佢；萬綺雯『耶』一聲咁樣，作狀，即係呢啲囉！」

還原被女高層羞辱事件

談到她2013年曾經離開TVB，當時有報道指伍姑娘曾被女高層羞辱！林柏希叫她還原實況：「當日就喺一個conference room，約咗我開會，再傾吓個角色！」伍姑娘立即女高層上身：「其實講晒㗎喇，你知唔知呀，林柏希（假設）做主角，林柏希都未知個劇情係點樣呀，你伍詠薇已經知咗好多㗎喇！」

伍姑娘回憶：「跟住鬧到我呢，我開始唔反駁喇，因為見到你咁燥底，我識咗你咁多年，你咁燥底，我咪開始唔反駁。我話，唔係，我都係想嚟問一問呢個角色啫，佢就執住呢一樣嘢，話你要咁多戲做咩啫，得呀，我寫好多場俾你都得，你咪棟喺度，即係something like佢冇話丫鬟，未必係呢兩個字！」伍姑娘繼續女高層上身：「林柏希都未必鍾意你做㗎！」

伍姑娘話：「我嗰吓真係着啦！我真係走，我話唔該晒，咁我考慮一下，佢話，咁咪好啦，你唔做嘅話呢，我哋搵第二個做呢個角色！」伍姑娘還說一年之後，另一個女高高層先搵返佢了解詳情：「一年之後，有一位高高層問我，到底嗰日發生咩事，點解你唔作出解釋！」

2022 年 4 月 7 日2022 年 4 月 7 日

娛樂

ERROR 首次出情歌《愛情值日生》 404錯粉：好好聽，希望推到年尾拎獎

ERROR 相隔7個月，終於有新歌了，還要是首次出情歌！肥仔（梁業）、阿Dee（何啟華）、193（郭嘉駿）和保錡（吳保錡），今日推出新歌《愛情值日生》，雖然MV今晚才有得看，但ERROR官方IG貼出預告片留言：「無獎競猜ERROR情人s大賽，究竟今次我哋請咗邊幾個飾演佢哋四個嘅情人s呢？ #ERROR首次出情歌 #開唔開心驚唔驚喜？」

MV很有80年代feel，為新歌填詞的Wyman（黃偉文）就在IG解釋：「Error 終於搵我寫，咁我點樣寫先至最似佢哋呢，我自己都好期待！其實主題大橋係佢哋四個俾我嘅（我覺得係一個好勁好大膽嘅idea，大家聽歌時可以留意吓），80年代 mood 呢，係作曲兼監製 @hobing_goomusic 定嘅，我只係試吓寫返80‘s 啲配合返，工作好輕『擎』。至少『愛情值日生』呢啲名，『浸除』都唔似而家啲歌啦呱。」保錡在IG Story多謝Wyman：「多謝你，人生中能唱一首你填詞的作品，是我其中一個夢想！」Wyman就回覆說：「咁客氣㗎！圓咗夢之後，唔好咁快停呀喂！我好Ready再玩㗎喂！」

ERROR出新歌，經理人花姐（黃慧君）亦有幫忙宣傳新歌：「Sweet sweet 嘅歌曲由佢地演繹，別具風味，仲有一隻勁正MV。」新歌今日下午1點已經在各大音樂平台上架，404（ERROR粉絲名稱）聽完大讚：「好冧！」、「So sweet！」、「已經聽咗幾次，真係好好聽，四個唱得好好！」、「四個唱歌真係進步咗好多好多。」「Error 世一！」、「好好聽，希望推到年尾拎獎！」

2022 年 2 月 18 日

娛樂

193、肥仔生日同出新歌粉絲大讚《Dear MAMA》感動爆喊《再次Puppy Love》夠真摯

193、肥仔生日快樂！ERROR成員很Friend，但想不到隊長肥仔（梁業）和193（郭嘉駿）除了是隊友，還是同一日生日，兩人今日齊齊踏入32歲，很有緣份！193的老婆（粉絲名）和肥仔的小草（粉絲名）各自集資為他們安排生日應援，包括有主題巴士、巴士站大型燈箱、銅鑼灣LED大電視播生日片等，而兩人亦在今天各自出新歌送給粉絲，新歌今日中午12時已經在商台叱咤樂壇首播，MV就要今晚才有得看！

ERROR成員很Friend，但想不到隊長肥仔（梁業）和193（郭嘉駿）除了是隊友，還是同一日生日，兩人今日齊齊踏入32歲。

193 — 肥仔的小草（粉絲名）亦為他安排生日應援。（IG@fatboy.hkfc圖片）

193新歌《再次Puppy Love》描述青少年時期最懵懂、最純真的戀愛，有鮮明的懷舊Synth Pop風格，193親自填詞，又請來「大馬女神」林明禎擔任MV女主角：「佢好好肯收我友情價，今次我自己課金希望將個Budget壓到最低。」還說林明禎鏡頭多過自己，但他不介意！而肥仔的新歌《Dear MAMA》講述親情，肥仔在IG留言：「想講但一拖再拖，直到夢到你離開我，So I sing a love song for ya！」他又請來影后鮑起靜做MV女主角，又說拍MV時喊了很久！

兩人的粉絲聽完大讚：「兩首都好聽！」、「肥仔同193一齊播，個感覺好特別，肥仔唱得好好，33做自己唱得真摯！」、「193首歌有80年代feel！」、「聽到fatboy感性嘅歌聲，已經忍唔住爆喊！」、「 FatBoy新歌點解聽聽下會喊㗎，今晚決定要返屋企食飯！」

193 — 肥仔的新歌《Dear MAMA》講述親情，他請來影后鮑起靜做MV女主角！

2022 年 1 月 14 日

娛樂

阿Dee越洋專訪自爆未成名前霉咗好幾年 ERROR加成員最好係靚女

人氣組合ERROR因193寸無綫「收視得幾百部電視機」後爆紅，甚至連美加都有404（ERROR粉絲名稱），ERROR成員何啟華（阿Dee）最近接受美國華語節目《偶像名人堂》越洋訪問，他說參加《全民造星》是因為很想成為電影演員：「我曾經拍過YouTube Channel，由嗰陣時開始就好想參加演員嘅工作，電影、電視劇個方面嘅嘢，之後霉咗好幾年，點解霉？因為冇曝光，對我嚟講《全民造星》叫做無路可揀，嗰陣時同另外兩位兄弟Alton（王智德）同Lokman（楊樂文），大家都跳舞識咗好多年，大家都話嚟到呢個年紀，有得玩不如大膽啲一齊試吓，我想清楚話俾人聽我哋係可以做戲，呢個係我把握得好好嘅機會！」

Dee — 人氣組合ERROR因193寸無綫「收視得幾百部電視機」後爆紅，甚至連美加都有粉絲。

因為阿Dee曾經參加內地火紅節目《這就是街舞》第一季，但他沒有把握機會，所以有深刻教訓：「當時同隊友一齊玩，海選過後，當時評判係羅志祥，佢話：『我淨係留你啦，我想你Battle多一round，爭入席位！』當時我兩個隊友foul咗，得番我一個，我真係好冇心情跳落去，結果我Hea咗去，我返到屋企就好後悔，我阿媽行出嚟問：『比賽點呀？』我答唔到佢，因為我知道自己未盡力就放棄咗，呢樣嘢係我最深刻嘅教訓！」提到能夠在參加《全民造星》時和Alton、Lokman完成去美國LA受訓的心願，他坦言：「好開心，如果有一日我要離開呢個世界，可以行一轉人生走馬燈，我會行番去嗰一幕！」

阿Dee曾經參加內地火紅節目《這就是街舞》第一季，但他沒有把握機會，所以有深刻教訓。

Dee — 提到能夠在參加《全民造星》時和Alton、Lokman完成去美國LA受訓嘅心願，他坦言：「好開心，如果有一日我要離開呢個世界，可以行一轉人生走馬燈，我會行番去嗰一幕！」

阿Dee說從來沒有想過自己會有個組合，當知道有ERROR時相當興奮：「我哋四個行出嚟，個身形已經話俾大家知係error，就出咗事，係好開心！」身為副隊長的阿Dee搞笑說：「我嘅職責係協助成員集體欺凌隊長！」他說從來沒想過ERROR紅得起：「其實紅係因為193嘅言論，大家翻睇我哋之前嘅節目，之後接住播《ERROR自肥企画》，擁有呢個成績好幸運！」

主持問阿Dee如果ERROR增加成員要甚麼條件，他爆笑說：「首先唔可以係男人，唔該係女人，最好係靚女，仲要有咁靚得咁靚，我哋做草佢做花，我諗呢個係最着數！」之後他又說：「我諗四個成員都夠，唔想影衰其他人，最衰嘅等我哋食住先！如果要加就百幾二百個，搞個邪教出來，我哋四個係教主，你哋供奉我！」

Dee — 如果ERROR增加成員要甚麼條件，他爆笑說：「首先唔可以係男人，唔該係女人，最好係靚女，仲要有咁靚得咁靚。」

談及經理人花姐，阿Dee說：「第一印象都係高高在上、好惡，你會有種唔敢接近佢嘅感覺，寧願激嬲自己阿媽都唔好激嬲花姐，但後來就見到其實所有女人，都有媽媽嘅心願同心腸喺入面，雖然佢對你嚴謹，但佢熟咗你認識你之後，係好Take care人嘅人，而佢自己好辛苦，我知佢好辛苦！」

談及經理人花姐，阿Dee說：「佢熟咗你認識你之後，係好Take care人嘅人，而佢自己好辛苦！」

談及早前和影帝劉德華、梁朝偉拍電影《金手指》，阿Dee說：「學到超多嘢同好開心，對我嚟講係一個夢，好似發緊夢，真係同嗰個級數，一班專業演員一齊做戲，我係冇機會同劉生合作，因為冇對手戲，我同梁生多啲對手戲，仲有另一位影帝華哥（任達華），我睇到佢哋嗰種專業！」

談及早前和影帝劉德華、梁朝偉拍電影《金手指》，阿Dee說：「學到超多嘢同好開心，對我嚟講係一個夢，好似發緊夢。」

阿Dee說：「我係冇機會同劉生合作，因為冇對手戲，我同梁生多啲對手戲，仲有另一位影帝華哥（任達華），我睇到佢哋嗰種專業！」

2021 年 12 月 29 日2021 年 12 月 29 日

娛樂

193網店退款回覆：定係燒俾你網民批態度差老婆力撐

人氣男子組合ERROR成員193（郭嘉駿），今年4月因寸無綫「收視得幾百部電視機」而爆紅，不過昨日有網民在連登討論區開post，指自己今年1月在193經營的網店LILABOC付款$319買帽，不過遲遲未收到貨，於是在2月和8月向網店查詢出貨和退款事宜，但得不到任何回覆，最終選擇在網上公開事件。

193網店即日在IG上載與該網民的對話截圖澄清，表示寫明9月尾先截單，預計約一個月內寄出貨品，似乎是誤會一場，不過193網店的回覆頗為寸嘴，如：「係咪唔識中文？」、「一月入錢嚟做乜X？」、「文盲？」、「定係燒俾你」，又說：「唔係佢公審我先咩？咩年代，仲罵不還口？」、「我不嬲對住啲我唔鍾意嘅人都係冇禮貌㗎，唔鍾意就唔好買囉！」網店還公開退款截圖，但該網民指因網店公開其PayMe戶口名和頭像，於是去信私隱專員公署投訴。

之後部分網民矛頭直指193，抨擊回覆態度差兼公開客人資料：「無貨俾人，追咗咁耐都唔覆，要人擺喺連登，你先俾返錢人，仲要發悔氣話人怪人，響埋人地名！」、「對佢好失望！」、「牽涉到錢銀嘅嘢，你自己又唔得閒就應該請條友睇！」不過亦有很多老婆（193粉絲專稱）力撐193：「193冇錯喎！」、「永遠支持老公193！」、「最樂意俾你呃錢，唔係，係俾你賺錢先啱。」

人氣男子組合ERROR成員193，今年4月因寸無綫「收視得幾百部電視機」而爆紅。

有網民1月在193經營的網店LILABOC買T-shirt不過遲遲未收到貨，又得不到任何回覆，於是在網上公開事件。193網店即日在IG上載與該網民的對話截圖澄清，表示寫明9月尾先截單，似乎是誤會一場。

不過193網店嘅回覆頗為寸嘴，如：「一月入錢嚟做乜X？」、「文盲？」、「定係燒俾你」。

該網民指193網店公開了其PayMe戶口名稱及頭像圖片，於是去信私隱專員公署投訴。

2021 年 9 月 2 日2021 年 9 月 2 日

娛樂

【估吓我係邊個星？】我哋都係靚仔

這兩個男孩這麼可愛，是誰呢？

左邊開估：193 郭嘉駿

出名敢言的ERROR成員193是潮人，很喜歡儲波鞋，更開設個人服裝品牌。早前他在IG Story貼出限量版波鞋照片，寫道：「I NEED THESE TWO PAIRS US 12 ，有冇人幫到手呀？」卻被KOL家明批評藉人氣攞着數，之後家明即被193的老婆（193粉絲專稱）炮轟，指193沒有拿着數的意圖，193亦指自己絕對買得起：「我拍一個廣告可能都買到十對、廿對，點解啲人會話我想要免費波鞋呢？如果佢有睇開我不嬲儲嘅波鞋，就知嗰對其實唔算係啲咩貴波鞋。」知佢咩料啦！