《2021香港小姐競選》準決賽今晚舉行，經過11日《We Miss Hong Kong STAY-cation晉級賽》後，28位佳麗foul剩20位，而20位佳麗中只有12位能進入9月12日的總決賽。今晚環節包括才藝表演、泳衣環節，之後到港姐互相Battle，由落後區佳麗挑戰優秀區佳麗，鬥行catwalk和答問題，8號宋宛穎在這個環節拿到滿分，狀態大勇！最終全晚foul走8位佳麗，包括1號粗口佳麗梁允瑜。入圍12強包括大熱佳麗14號邵初、15號梁凱晴，而關禮傑囡囡4號關楓馨，亦順利入圍，有到現場的關禮傑笑到見牙不見眼，飲得杯落！
事後梁允瑜接受傳媒訪問，直言對出局不忿：「自己輸在太多負面新聞同太過敢言，覺得自己今晚嘅表現應該唔會出局。（賽制不公？）我唔會話賽制唔公平，只係覺得呢個賽制唔適合我，做節目應該創新，用人唯才，香港小姐亦唔應該只得一個形象，亦都唔應該以佳麗嘅過去嚟判斷。」
入圍總決賽名單：
2號陳懿德
3號陳聖瑜
4號關楓馨
8號宋宛穎
10號楊培琳
12號葉靖儀
13號王嘉慧
14號邵初
15號梁凱晴
18號莫韻諰
19號施茉莉
20號梁菁琳
TVB《2021香港小姐競選》準決賽和決賽將，分別於8月22日及9月12日舉行，今屆港姐破天荒以真人騷形式舉行，安排28位入圍佳麗入住西貢WM Hotel，參與真人騷《 We Miss Hong Kong STAY-cation晉級賽》 ，四名佳麗趙美倫、馬祖雁、朱綽盈和賴彥妤已率先被淘汰，今日24位入圍佳麗首度以泳裝亮相。
當中大熱「豪放版方媛」陳聖瑜（Yvette），身高166cm、體重48kg，身材勻稱，不過右腹出現神秘瘀痕，另一大熱梁凱晴（Carina）身高167cm、體重48.5kg，狀態大勇。至於高161.5cm的星二代關禮傑囡囡關楓馨亦很省鏡，不過她右肋有紋身，但用厚粉遮掩，關楓馨指紋身小時候已經紋了，沒有想過洗走它。大會統籌經理何小慧指之後陸續會有佳麗被淘汰，但具體人數稍後才作公布。
昨天無綫舉行《2021香港小姐競選》首輪面試，參賽者質素非常參差，部分相當騎呢，好像「女版羅浩楷」Kirsten，由哥哥陪同面試，其「靚樣」一出震驚全港，令網友笑過不停。事後林作自爆由他提名，還說19歲的Kirsten內心很漂亮：「表面佛系，有佛相就得喇，Kirsten就係擁有呢份仙氣，你睇佢成個神仙咁嘅樣就知啦。」指有信心女方可成為冠軍！不過不懂中文的Kirsten可能很緊張，所以受訪時問非所答。黃建東就在IG貼出Kirsten跟記者的真實對話，相當爆笑！
傳媒：Your bf？Hushand？
準佳麗：（指着圓潤男）CoCo
傳媒：（搲頭）CoCo…？
準佳麗：Older brother（ 我猜她想說gor gor）
傳媒：（再問）Where do you come from？
準佳麗：（即接）I’m very good！I’m feeling good.
傳媒：No, Where u come from？（全世界以為她答一個國家時）
準佳麗：Tung Chung！
