《2022香港小姐競選》上周四（2日）首輪面試，因發表「香港小姐9成係豬扒」而收到TVB律師信的林作，當日去到港鐵康城站踩場選出「重慶綺夢」Atlantic為冠軍：「呢位絕對唔係豬扒，係極品！」昨晚林作開Live表明拒絕向TVB道歉，今日（7日）TVB火速進行第二輪面試，一眾佳麗現身電視城，但就不見「重慶綺夢」！

今日很多熱門佳麗都順利進入第二輪面試，包括27歲林俊賢囡囡林鈺洧（現名林卓錡），連詩雅師妹邢慧敏（Sharon），嫩版黎姿Janice和翻版朱千雪Robin等。而首輪面試當日，部分佳麗從外地來港要接受隔離，只透過網絡同考官見面，所以今日有新面孔出現，好像從美國返港的梁超怡笑容親切又靚女，似翻版黃翠如的她即時變大熱，她自爆25歲，讀商科，現時在facebook做工程師招聘員，而22歲的Naomi甜美得來似朱晨麗！

林作知道「重慶綺夢」被Out便留言說：「 佢老味我撐邊個佢foul邊個。我依家轉撐爆炸頭！」爆炸頭Astrid是內地佳麗，其造型被指激似歌手曾比特（Mike），令人印象深刻，林作果然眼光獨到！