標籤: AK

娛樂

「豬肉檔AK」紅到加拿大 首拍品牌廣告 阿威:全靠粉絲「威威豬」支持 森美等佢出歌

「荃灣豬肉檔AK」劉宋威(阿威),因貌似MIRROR副隊長AK(江𤒹生)、MC張天賦、小豬羅志祥等而受網民追捧,每日都有不少靚太排隊買豬肉和打卡,他的「威威豬」(阿威粉絲名稱)在5月4日幫他開的fb群組「荃灣鮮肉威威應援團」,現時粉絲人數已超過1.4萬,除了淘寶有阿威攬枕出售,日前有粉絲為阿威製作了一系列Whatsapp Stickers,短短幾日已超過13,000人下載,還有「威威豬」在家中自製阿威超靚拉花Coffee放上fb群組開心Share,又有粉絲將阿威的相印落咕𠱸,帶返公司陪坐,可見阿威魅力沒法擋!

荃灣豬肉檔AK
「荃灣豬肉檔AK」阿威受網民追捧,情人節時他更送花給顧客!(荃灣鮮肉威威應援團fb群組圖片)

為SKECHERS拍工作鞋廣告

阿威成為話題人物後,還紅到去加拿大,日前身在加拿大的李婉華就越洋訪問他,想不到阿威還火速拍了首個品牌廣告,認真威威!身為豬肉檔店長的阿威在工作的「鮮味」為SKECHERS拍攝工作鞋系列廣告,他坦言:「長時間站立雙腳有時都會倦,始終街市地面有時會比較濕滑,所以揀選工作鞋時,舒適和抗滑是首要條件。前排有粉絲擔心我企得攰送咗啲足貼俾我,而家有咗SKECHERS工作鞋,佢地可以放心喇!SKECHERS都送咗波鞋俾我一家大細,我同屋企人都好開心。」得到廣告商垂青,阿威指是粉絲功勞:「好開心,全靠『威威豬』的支持!我相信用心去做就係專業,喺街市嘅行業都唔例外!」很懂得冧粉!

荃灣豬肉檔AK
想不到阿威火速拍了首個品牌廣告!
荃灣豬肉檔AK
身為豬肉檔店長的阿威在工作的「鮮味」為SKECHERS拍攝工作鞋系列廣告。
荃灣豬肉檔AK
阿威每星期工作六天,他坦言:「長時間站立雙腳有時都會倦,始終街市地面有時會比較濕滑,所以揀選工作鞋時,舒適和抗滑是首要條件。」
荃灣豬肉檔AK
阿威說:「我相信用心去做就係專業,喺街市嘅行業都唔例外!」
荃灣豬肉檔AK
得到廣告商垂青,阿威指是粉絲功勞:「好開心,全靠『威威豬』的支持!」
荃灣豬肉檔AK
阿威說:「SKECHERS都送咗波鞋俾我一家大細,我同屋企人都好開心。」
荃灣豬肉檔AK
在「鮮味」豬肉檔工作六年的阿威,每天凌晨5點半便回店準備,比同事足足早一小時。
荃灣豬肉檔AK
阿威說:「前排有粉絲擔心我企得攰送咗啲足貼俾我,而家有咗SKECHERS工作鞋,佢地可以放心喇!」

阿威除了得到廣告商支持,連香港開電視《疫境中的餐桌》監製張志明亦關注他,有興趣約見商談合作機會。監製張志明接受傳媒訪問時說:「咁啱我都有朋友認識阿威,知道佢靚仔又煮得,但聽講較少說話,所以要先見面才知是否有合作機會。」張志明指《餐桌》剛剛拍完,新節目《煮題Cook》是名廚Jacky(余健志)和Ricky(張錦祥)主持:「依家我嘅幕後係最強嘅烹飪節目團隊,未來節目發展有很多可能,有不同合作機會。」

荃灣豬肉檔AK
阿威成為話題人物後,還紅到去加拿大,日前身在加拿大的李婉華就越洋訪問他。

阿威已開設YouTube頻道

而森美亦喺專欄提及阿威:「疫情期間大家都太悶了,難得有事情令大家開心,希望『街市AK』帶起的風潮,能令一班在街市工作的俊男組成新組合,網民更稱隊名為Supermarket,希望他們快點推出新歌,屆時我第一個為他們播放!」阿威將來會否出歌真的不知道,但他今日已經開設了自己的IGfbYouTube頻道「威威劉宋威Samuel」,將會拍片教大家煲湯煮餸和分享日常生活,認真快手!6月8日是他36歲生日,有粉絲計劃慈善應援,買豬肉給食店,為有需要人士提供免費餐,相當有善心,阿威對此很支持,表示做善事任何時候都可以。

森美亦在專欄提及阿威:「希望『街市AK』帶氣的風潮,能令一班在街市工作的俊男組成新組合,網民更稱隊名為Supermarket,希望他們快點推出新歌,屆時我第一個為他們播放!」
荃灣豬肉檔AK
阿威除罩look。(荃灣鮮肉威威應援團fb群組圖片)
荃灣豬肉檔AK
很型!(荃灣鮮肉威威應援團fb群組圖片)
荃灣豬肉檔AK
「威威豬」在「荃灣鮮肉威威應援團」貼相指阿威似徐天佑(右)。(荃灣鮮肉威威應援團fb群組圖片)
荃灣豬肉檔AK
有「威威豬」在家中自製威威超靚拉花Coffee放上fb群組開心Share。(荃灣鮮肉威威應援團fb群組圖片)
有粉絲為阿威製作了一系列Whatsapp Stickers,短短數日已超過13,000人下載!
又有粉絲將阿威的相印落咕𠱸,帶返公司陪坐!(荃灣鮮肉威威應援團fb群組圖片)
荃灣豬肉檔AK
淘寶有阿威攬枕出售。
荃灣豬肉檔AK
阿威魅力沒法擋!(荃灣鮮肉威威應援團fb群組圖片)
娛樂

【新歌訪問】《信之卷》MV化身動漫主角 AK:搵返童年初心勇往直前

AK(江𤒹生)今日推出推出新歌《信之卷》,以J-Rock曲風配合他自細已十分鍾愛的動漫作為歌曲主題,AK在MV中更化身動漫主角,非常突破,一圓童年夢想之餘,也藉此向樂迷推廣香港創作及文化藝術工作者,難怪花姐在IG留言:「睇完個MV,講咗一句『係咪痴線㗎!』」

AK
AK今日推出推出新歌《信之卷》,以J-Rock曲風配合他自細已十分鍾愛的動漫作為歌曲主題,AK在MV中更化身動漫主角,非常突破!

今次《信之卷》AK邀來Van@Nowhere Boys作曲、Oscar Lee填詞、王雙駿監製新歌,歌曲風格雖然也如《黑之呼吸》一樣以J-Rock作招徠,但相比《黑之呼吸》的暗黑風,今次《信之卷》卻予人很陽光的感覺。而一向鍾情動漫的AK,更特別喜歡《龍珠》及《數碼暴龍》,所以他邀來香港本地動漫師崔氏兄弟及Tommy Ng兩個單位,攜手炮製新歌MV,講述男主角經歷低潮後,集合眾人力量,戰勝心魔的故事。

AK
新歌MV講述男主角經歷低潮後,集合眾人力量,戰勝心魔的故事。

AK說:「我由細到大都好鍾意動畫、動漫,一直都被當中的美好世界、主角吸引住,更會幻想自己就係動漫男主角。今次新歌歌詞係講大家可以搵返童年時嘅初心,好似動漫男主角一樣勇往直前乜都唔怕,成件事整合起上嚟,就好似動漫主題曲,好適合做埋動漫MV,然後問咗公司又肯俾我做,所以就極度自肥,將自己鍾意嘅動漫元素,擺晒落去,例如裡面會有好多《數碼暴龍》嘅元素,男主角會有一隻好似神獸但又似寵物嘅物體做陪伴。」

AK
AK說:「我由細到大都好鍾意動畫、動漫,一直都被當中的美好世界、主角吸引住,更會幻想自己就係動漫男主角。」

由於AK自小已很渴望成為動漫男主角,所以動漫師亦應要求,把男主角畫得很像AK本人,AK說:「動漫MV可以將所有想像嘅嘢天馬行空放晒落去,我同動漫師講我好想做一次動漫男主角,佢哋就幫我畫到個男主角好似我之外,角色身邊又會出現好多我平時生活上成日會出現嘅物件,成為咗彩蛋,就好似人哋睇Marvel電影咁,大家睇MV時都可以搵下啲彩蛋喺邊。我都未知彩蛋喺邊,要同大家一齊搵,好似尋寶一樣。」

AK
AK說:「裡面會有好多《數碼暴龍》嘅元素,男主角會有一隻好似神獸但又似寵物嘅物體做陪伴。」
AK
畫面很美!

經過今次MV製作,AK見識到香港動漫師的功架,AK不禁讚嘆道:「睇咗Rough Cut(粗剪)成品已經好開心。其實香港都有好犀利嘅人,睇到動漫師做嘅過程,同佢哋開會,知道佢哋點樣畫,所有嘢都非常專業,所以再一次多謝佢哋,同時希望多啲人發現,香港有好多藝術工作者,不同嘅創作或文化藝術都係非常優秀。」

AK
AK早前為單曲拍攝封面,也展現了樂天的一面,他說:「影嘅時候想似小朋友,可以傻笑望住個天空發白日夢一樣!」

為了貫徹整體概念,AK早前為單曲拍攝封面,也展現了樂天的一面,他說:「影嘅時候想似小朋友,可以傻笑望住個天空發白日夢一樣,因為好多時動漫俾我嘅最大感覺,就係咁樣。」粉絲們今次可以同時擁有動漫與真身兩個AK陪伴在旁聽新歌《信之卷》,絕對是雙重福利!

AK
像不像AK?
娛樂

「荃灣鮮肉AK應援團」逾6.6千粉絲 除罩勁似沈震軒 阿威經理人疑係豬肉店地區經理

近日有女網民在「荃灣人」FB群組,上載和靚仔豬肉檔員工嘅合照,網民看完相大讚靚仔貌似MIRROR副隊長 AK(江𤒹生)、MC張天賦、台灣藝人小豬羅志祥等,一眾靚太爭相前往影合照,相當墟冚!「荃灣豬肉檔AK」被傳媒廣泛報道後爆紅,他接受訪問時透露現年36歲,名叫阿威,入行6年,阿威表示:「新聞多咗嘅時候就多咗人嚟打卡,尷尬,怕醜呀嘛。做緊嘢時要擺低嘢同人影相,平時自己都唔係咁鍾意同人影相。」不過阿威相當樂意教街坊煮飯煲湯,又坦言不覺得自己似AK,但很多人說他似羅志祥、沈震軒,他自評樣貌只有6分左右,亦已有另一半,有網民更爆他已婚和有小朋友!

荃灣鮮肉AK
「荃灣鮮肉AK」被傳媒廣泛報道後爆紅!
荃灣鮮肉AK
阿威未除罩前被網民指似AK。

阿威爆紅後,有粉絲立即開設「荃灣鮮肉AK應援團」Fb群組,現時已有超過6.6千粉絲,相當厲害!當中有網友貼出疑似阿威的除罩相,相中人有深邃眼神,上身和手都有紋身,相當有型,而另外一張黑白側面相就激似沈震軒!有網民留言指沒有失望:「係靚仔㗎,除咗(罩)都係靚仔!」、「憂鬱嘅眼神,唏噓嘅鬚根:百份百係肉類分割員嘅表表者👍🏻型,英,帥,靚,正!」、「一啲娘炮都無,似番個男人!」不過亦有網友說:「唔係好靚仔!」不過阿威已火速簽了經理人,有自稱文哥向記者交出卡片,指訪問事宜會代阿威安排,難道想鋪路出道?

阿威爆紅後,有粉絲立即開設「荃灣鮮肉AK應援團」Fb群組,現時已有超過6.6千粉絲。
荃灣鮮肉AK
有網友貼出疑似阿威的除罩相,相中人有深邃眼神,上身和手都有紋身,相當有型。
荃灣鮮肉AK
阿威坦承已有另一半,有網更爆他已婚和有小朋友!

不過記者問文哥除罩相是否阿威本人,文哥就未回覆。有女網民還爆經理人文哥疑是豬肉店高層:「 以我所知個經理人文哥,就係豬肉店建華集團地區經理!」有網友就回覆說:「豬肉店經理做埋經理人!」、「其實唔知係咪建華嘅marketing campaign嚟,即管睇下之後會點!」亦有網民指想請阿威出活動,十足明星一樣,真是魅力沒法擋!

荃灣鮮肉AK
阿威另一張黑白側面相激似沈震軒!
阿威像不像沈震軒?
荃灣鮮肉AK
沈震軒
娛樂

荃灣豬肉檔AK 靚仔識煲湯 靚太爭住買: 肯定係MIRROR執漏一子 網民懷疑係佢……

MIRROR紅得發紫,全城熱撲演唱會飛,有鏡粉坦言買到紅館飛等如中六合彩,可見鏡仔魅力無窮,最近有豬肉檔員工因為貌似MIRROR副隊長AK(江𤒹生)而受網民熱烈追捧!近日有女網民在荃灣人FB群組,上載和靚仔豬肉檔員工的合照寫道:「 平時少去買餸,真係冇諗過會有咁靚仔嘅豬肉佬。」靚仔豬肉檔員工雖然載着口罩,但染有一頭金髮,濃眉大眼,打扮型格,又潮又靚仔!

荃灣豬肉檔AK
近日有女網民在荃灣人FB群組,上載和靚仔豬肉檔員工的合照寫道:「 平時少去買餸,真係冇諗過會有咁靚仔嘅豬肉佬。」
荃灣豬肉檔AK
靚仔所屬的豬肉檔「鮮味」位於新村街,在楊屋道街市對面隔2條街的位置,有女網民特意去幫襯「豬肉檔AK」,怎料撲空!

網民看完相大讚靚仔員工貌似AK和MC張天賦:「 肯定係MIRROR執漏一子!」、「楊屋道AK?呢個我見過!」、「咁靚仔俾我老婆見到唔得掂!」、「記得唔好買晒啲豬肉呀,其他姐妹都想去幫襯!」、「小鮮肉賣鮮肉!」、「我都好少見會有師奶周街搵個豬肉分割員影相!」、「靚仔喎,但除咗口罩係點樣先?」有光顧過的網民還讚他服務態度好:「呢個靚仔得嚟仲幾好人,上次買豬肉教埋我煲湯!」靚仔還要識煲湯,和喜歡下廚的AK很Match!靚仔所屬的豬肉檔「鮮味」位於新村街,在楊屋道街市對面隔2條街的位置,有女網民特意去幫襯「豬肉檔AK」,怎料撲空,但網民鼓勵她不要放棄,十足追星一樣!

荃灣豬肉檔AK
網民看完相大讚靚仔員工貌似AK:「 肯定係MIRROR執漏一子!」
荃灣豬肉檔AK
亦有網民指靚仔貌似MC張天賦。

荃灣「豬肉檔AK」係天水圍「靚仔豬肉佬」?

似唔似?

有網民指荃灣「豬肉檔AK」和2019年接受《東張西望》訪問的天水圍「靚仔豬肉佬」外貌相似,懷疑是同一個人。天水圍「靚仔豬肉佬」名叫家麒,有「街市散打王」稱號,他曾經是香港散打代表隊隊員,試過回內地集訓,參加內地比賽時曾奪得銅牌,回港後參加泰拳比賽亦曾獲獎,之後轉行做豬肉檔員工,家麒媽咪接受訪問時對囝囝轉行雖然覺得很突然,但支持囝囝決定!但其實荃灣「豬肉檔AK」並不是天水圍「街市散打王」!

天水圍「靚仔豬肉佬」名叫家麒,2019年接受《東張西望》訪問。
家麒有「街市散打王」稱號,曾經是香港散打代表隊隊員。
家麒媽咪接受訪問時對囝囝轉行雖然覺得好突然,但支持囝囝決定!

荃灣「豬肉檔AK」叫阿威 自評樣貌得6分

荃灣「豬肉檔AK」現年36歲,名叫阿威,入行6年,他接受傳媒訪問時說,近日傳媒廣泛報道,單是今日已有超過30日人前來跟他合照,雖然開心但有些尷尬,因為平日不太喜歡跟人影相,不過阿威相當樂意教街坊煮飯煲湯。他坦言不覺得自己似AK,但很多說他似羅志祥、沈震軒,他自評樣貌只有6分左右,亦已有另一半。

荃灣豬肉檔AK
荃灣「豬肉檔AK」現年36歲,名叫阿威,入行6年。
娛樂

MIRROR專訪 姜濤腳痛Tiger爆笑叫換腳 粉絲罵戰無損教主兄弟情

MIRROR 近日推出新歌《Innerspace》,又公布於今年7月至8月舉行10場紅館演唱會《MIRROR.WE.ARE LIVE CONCERT 2022》,以及5月成立鏡仔官方FC,加上拍劇,成員們均相當忙碌!在MIRROR公布開紅館騷當日,有鏡粉留意到一直有腳患的姜濤蹲低起身時狀似腳痛,而Anson Lo(盧瀚霆)和AK(江𤒹生)樣子疲累!12子接受《都市日報》訪問,大談拍攝新歌MV趣事,姜Man提到腳患時指偶然會痛,但不影響跳舞,怎料一向沉默的Tiger(邱傲然),突然叫姜Man換腳,笑爆兄弟!談到「Chill Club推介榜年度推介21/22」頒獎結果引發姜糖和神徒罵戰,姜濤教主坦言私底下有傾過,事件絕對無損兩人兄弟情!

娛樂

姜濤晒《造星》兄弟舊照祝大家童心不泯   鼓勵姜糖將生日應援做慈善

姜濤正籌備十胎新歌,近日在IG透露新歌同樣跟湯令山合作:「每一首歌都有它的使命和靈魂,這一次,我為十胎,感到由衷的驕傲。@gareth_tong(湯令山)let’s go!」之後又表示:「歌詞完成!」令姜糖超期待!昨晚姜Man在將過兒童節前,貼出4年前參加《全民造星》和一眾兄弟,包括Anson Lo、AK、Ian、Lokman、Alton、Stanley、肥仔、阿Dee等溫馨舊照和黑圖留言:「祝大家童心不泯、永遠快樂!」

姜濤
昨晚姜Man在將過兒童節前,貼出4年前參加《全民造星》和一眾兄弟溫馨舊照應節。
姜濤
Anson Lo
姜濤
AK
姜濤
Ian

被貼黑圖的 大表哥Stanley留言:「弟,你為甚麼出賣我呢?你這樣對你的哥!」跟住在IG Story貼出姜Man將口罩當眼罩的睡覺相反擊:「口罩是這樣用的嗎?」阿Dee就轉發自己的黑圖說:「So I say I love you!」超爆笑!

姜濤
左起Lokman、Dee、Alton
姜濤
Stanley被姜Man貼黑圖。
姜濤
Stanley貼出姜Man將口罩當眼罩的睡覺相反擊,超爆笑!

姜Man又寫道:「今天見到很多人po兒時照片,我也試著找回從前過兒童節的記憶,可惜的是真的沒太多印象。而因為最近在做新歌,我今天想到的更多是那些身處不和平地區的兒童,不知道他們今天是否在廢墟中度過,是否能吃飽穿暖,是否仍對未來充滿希望。」難過十胎的主題正正是「身處不和平地區的兒童」?

姜濤
阿Dee就轉發自己的黑圖說:「So I say I love you!」


姜Man又鼓勵姜糖將他的生日應援集資用來幫助有需要的人:「知道最近有些粉絲開始為我籌備生日和新歌的應援,對此我非常感激。我想說,你們的心意我全部都收到了,但今年我希望你們把應援集資用來幫助身邊更多有需要的人。特別是現在疫情時期,社會上每一個人都過得不容易。所以,我們更應該傳遞我們的愛心和力量。」

姜濤
姜Man又鼓勵姜糖將他的生日應援集資用來幫助有需要的人。

姜糖紛紛表示收到:「你的說話我們收到了!」、「你的心意我哋都明白,你用心做好你的新歌。願天主祝福你的一切,像你這樣善良的人,加上你的影響力,你的作品,你的說話,一定是對世界美好的祝福!」、「運用你嘅影響力推動別人獻愛心,真心RESPECT!!」、「善良的你,今年有很多善良的糖做慈善應援呀!」事實上,姜糖近日正舉行慈善應援活動,將4間茶飲店變成主題生日店,同時有義賣活動,而知聖雅各福群會的「助學改變未來服務」,正是這次活動的受惠機構,為基層小朋友解困,好有意義!

娛樂

【電話專訪】AK爆紅館演唱會有新火花   Alton出歌獲家人讚吐氣揚眉

MIRROR成員AK(江𤒹生)和Alton(王智德),近日推出新歌《REBOUND》,MV在YouTube上架至今,已累積超過240萬觀看次數,成績亮麗,兩人接受本網錄音專訪都說很開心!出道3年第一次出歌的Alton,在去年MIRROR演唱會曾經大爆媽咪以為他退團,Alton剖白媽咪3年來無限支持,今次出歌更獲讚吐氣揚眉!而副隊長AK就透露MIRROR 7月紅館演唱會將有新火花,令人期待!

娛樂

MIRROR 全團入選百大俊男   姜濤、AK、Ian、Jeremy、Lokman紅到去印尼

美國網站TC Candler每年都會舉行「全球百大俊男/美女」排行榜(The 100 Most Handsome Faces),早前已有11名MIRROR成員成功入圍角逐,最新連Alton(王智德)都榜上有名,MIRROR全團入選,為港爭光,恭喜!不只這樣,MIRROR成員近日亦紅到去印尼!

MIRROR
MIRROR人氣爆燈,成員多次衝出國際!
MIRROR
美國網站TC Candler每年都會舉行「全球百大俊男/美女」排行榜,早前已有11名MIRROR成員成功入圍角逐,最新連Alton都榜上有名,MIRROR全團入選。

繼近日姜濤連續兩年成為英文雜誌《Tatler》300位「亞洲最具影響力人士」之一後,《Tatler Indonesia》最近在官方IG和網頁以《Five watches worn by MIRROR, the rising Hong Kong Cantopop Boy Band》為題,介紹MIRROR五子姜濤、AK(江𤒹生)、Ian(陳卓賢)、Jeremy(李駿傑)、Lokman(楊樂文)戴過的名錶,又以「躍升的廣東歌男團」形容MIRROR!

MIRROR
《Tatler Indonesia》最近在官方IG和網頁介紹MIRROR五子戴過的名錶,包括姜濤!
MIRROR
還有Ian和Lokman。

其文章引言用印尼文寫道:「對於藝術家、運動員和公眾人物來說,豪華手錶似乎是日常活動中必須佩戴的配飾。從優雅的 Piaget Polo Blue Panda Automatic Chronograph, 到引人注目的 Santos de Cartier,這裏有一些亞洲人物佩戴的豪華手錶,如 Anson Kong、Keung To、Ian Chan、Lokman Yeung 和 Jeremy Lee。」認真威威,令五子的粉絲相當興奮,紛紛留言讚好!

MIRROR
報道還有AK。
MIRROR
Jeremy亦有份。
MIRROR
《Tatler Indonesia》以《Five watches worn by MIRROR, the rising Hong Kong Cantopop Boy Band》為題,又形容MIRROR是「躍升的廣東歌男團」!
娛樂

Anson Lo 成功激增14磅  爆笑戴帽扮殭屍   AK、Jer正錄新歌  

MIRROR一連四個星期五晚,派出不同成員在ViuTV官方fb開live,和留家抗疫的鏡粉聊天,昨晚是最後一次,三位成員包括Anson Lo(盧瀚霆)、Jer(柳應廷)同AK(江𤒹生)。Anson Lo透露自己增肥成功:「2022年1月真係瘦咗好多,最瘦試過128磅!我由拍完《Mr. Stranger》MV之後就開始增肥,成功由一月時嘅128磅增到依家142磅,每日堅持食三餐,中間食小食,好似飯卷,每日飲兩支protein milk shake!」Jer踢爆教主平日飲齋啡瘦面,AK透露其實三個都有飲齋啡:「不過有時飲得齋啡多會胃痛,所以有時會飲黑豆水!」Jer就自豪說:「我瘦咗5kg,依家148磅。」Anson Lo驚訝:「咁叻,前幾日我見你都瘦咗好多!」

Anson Lo
MIRROR 成員一連四個星期五晚開live,昨晚是最後一次,三位成員包括Anson Lo、Jer和AK,教主透露成功增肥14磅!

三子早前都出了新歌,大家互讚對方MV,談到教主新歌《Mr. Stranger》以吸血鬼做主題,AK提議他可以扮殭屍:「點解唔試吓做殭屍呢,古代中國嗰隻!」Jer接着說:「戴住嗰啲帽,喺度跳嗰啲!」教主笑說:「下次試吓囉!」然後拿出帽子調轉放在頭上扮殭屍, AK亦將自己的帽調轉戴,場面搞笑!

Anson Lo
談到教主新歌《Mr. Stranger》以吸血鬼做主題,AK提議他可以扮殭屍:「點解唔試吓做殭屍呢,古代中國嗰隻!」
Anson Lo
教主笑說:「下次試吓囉!」然後拿出帽子調轉放在頭上扮殭屍, AK亦將自己的帽調轉戴,場面搞笑!

之後AK大爆MIRROR準備推出新歌,大家正在排舞,不過因為疫情關係,所以未拍MV,他說很喜歡新歌,因為編舞很有型,教主忽然提議每人劇透新歌舞步和動作,令鏡粉超興奮!除了團歌,三子亦為自己新歌做準備,AK新歌和另一朋友合寫,是正能量和開心的情歌,已經開始錄音。

Anson Lo
AK大爆MIRROR準備推出新歌,大家正在排舞,教主忽然提議每人劇透新歌舞步和動作,令鏡粉超興奮!

Jer透露已錄新歌第一個section,但由於難度很高,所以要再練習和揣摩。教主就正在揀歌中:「搵到一隻幾鍾意,但有少少保留,因為每次做跳唱歌,究竟揀一隻好pop嘅歌定唔同啲呢,可以表達多啲深層意思,我自己想今年第二隻玩多少少深層意思,今次《Mr. Stranger》大家俾咗一個勇氣我,可以試多啲。」

Anson Lo
除了團歌,三子亦為自己新歌做準備,AK新歌和另一朋友合寫,是正能量和開心的情歌,已經開始錄音。
Anson Lo
Jer透露已錄新歌第一個section,但由於難度很高,所以要再練習和揣摩。
Anson Lo
教主正在揀歌中。
View More