ViuTV新女團COLLAR昨天正式出道，8位成員包括Marf（邱彥筒）、Gao（沈貞巧）、Day（許軼）、芯駖（李芯駖）、So Ching（蘇芷晴）、Winka（陳泳伽）、Candy（王家晴）和Ivy So（蘇雅琳），COLLAR由阿Gao做隊長，暫時未有副隊長。她們首出道歌《Call My Name》的MV今晚8時在YouTube首播，不過昨晚她們已經開Live和粉絲傾偈，大做COLLAR手勢，Gao用兩隻手做出槍的手勢說：「 將兩把槍拍埋佢，手指公唔好蹺出嚟，就係三角形，類似衣領嘅物體！」其間有粉絲留言幫她們改名：「領女！」、「領嘢！」Marf之後說：「好得意，我見有個留言話COLLAR係衫領，不如粉絲叫鈕扣！」芯駖回應：「佢哋話叫領粉！」So Ching即講笑話：「粉嶺！」有粉絲就留言大讚：「粉嶺正喎，夠土炮！」
隊中最細成員是18歲的Candy，她亦是最嗲那個，Candy自爆：「佢哋話Collar係7個人加一隻蚊，我就係嗰隻蚊，我永遠喺佢哋篤緊電話嘅時候，就會黐住佢哋講：『同我玩呀！』但佢哋依家成日都寸我，無論工作人員或者佢哋，依家成日唔理我，我講嘢冇人會應我！」Winka立即說：「 冇呀，冇呀，我會應你㗎 ，你咁講嘢就唔啱喇！」大家爆笑！今日8位成員齊齊戴上COLLAR專屬口罩接受商台《叱咤樂壇》梁文禮訪問，其間Candy不時拖着So Ching和Winka，又攬Ivy So，好像樹熊那麼黐身，相當可愛！
另一方面，有傳ViuTV有意招攬6位參賽者組成第二隊女團，成員包括Sica（何洛瑤）、早前離婚的Ash（鍾卓穎）、Yoyo（葛綽瑤）、Win Win（楊安妮）、Alice（許寶恆）和超酸（陳昭煊），團名就叫「#DOLLAR」，兩隊團名的第一個英文字分別是「C」同「D」，意味兩隊並肩而行。事實上除了超酸外，其餘五人的IG個人簡介已經標明是ViuTV藝人，或標籤「@viutv」，有傳ViuTV簽她們主力拍劇，而首套作品是新劇《季前賽》。而IG上亦出現一個名為「dollar.weare」的帳戶，但這個帳戶只追蹤了超酸、穎蕎（Ziva）、Alice、Win Win、ViuTV、MIRROR、ERROR和COLLAR、不過翻查知識產權商標署的網頁，未見有ViuTV官方名義註冊的「DOLLAR」商標！
