剛剛開完紅館演唱會的黎明，今日突然在FB上載一幅圖，圖中寫有「Lai X ??????」，他留言說：「究竟我同邊個合作???估到邊6個英文字母組合，送你 Clips（正在諗緊點送好，度度度緊…）」之後粉絲興奮留言，大部分人猜是MIRROR，有網友說：「MIRROR，熱切期待。」、「Leon主角已經無敵，如果加埋MIRROR，唔食早餐都要搶先睇！」不過亦有網友說：「可唔可以唔好又係MIRROR呀！」亦有人猜是張敬軒（Cheung），黎明這麼鬼馬，令人心思思，你又覺得是誰呢？