標籤: Dear My Friend

娛樂

新歌《Dear My Friend,》揚威日本 姜濤:真的沒想到 姜糖:亞洲第一不是夢

人氣男團MIRROR爆紅,近日港版《大叔的愛》在日本熱播,日本網民大讚選角出色兼搞笑,想不到姜濤亦憑新歌《Dear My Friend,》揚威日本。《Dear My Friend,》是姜B悼念亡友「中峰」的感人之作,自推出後令不少姜糖爆喊,MV上載不足20日已超過430萬觀看次數,成續亮麗,前晚更獲日本電台J-wave在節目《Step One》內播放,由於日本電台甚少播放廣東歌,今次播出《Dear My Friend,》,是非常難得。

《Dear My Friend,》是姜B悼念亡友「中峰」(左)的感人之作,自推出後令不少姜糖爆喊。
MV上載不足20日已超過430萬觀看次數,相當受歡迎。
《Dear My Friend,》獲日本電台J-wave在節目《Step One》內重點推介,相當威水!

姜濤知道後立即在IG分享電台的聲音片段,還留言說:「真的沒想到!」又以日文表達感受:「非常感謝,我會努力!」之後這首歌的作曲人林奕匡亦留言讚好,大量姜糖興奮留言:「為你驕傲!」、「好感動!」、「要衝出香港了!」更有粉絲用日文留言表示:「我哋各自都有向自己嘅日本朋友介紹姜濤俾佢哋認識!」 姜B曾經豪言:「我哋呢班後生仔、香港歌手,一定可以再次變成亞洲第一。」難怪有姜糖留言說:「亞洲第一不是夢!」

姜濤知道後開心到癲,立即在IG分享電台的聲音片段,還留言說:「真的沒想到!」
大量姜糖興奮留言:「為你驕傲!」、「衝出香港!」
姜B曾豪言:「我哋呢班後生仔、香港歌手,一定可以再次變成亞洲第一。」難怪有姜糖留言說:「亞洲第一不是夢!」
《Dear My Friend,》成續亮麗,若「中峰」知道,應該會感到安慰!
娛樂

【親解新歌MV密碼】悼亡友哭崩靈堂 姜濤:拍完望住棺材係咁喊

人氣王姜濤昨日推出新歌《Dear My Friend,》,獻給今年3月猝逝的摯友阿Kin(花名中鋒),MV一出令不少姜糖爆喊,超級催淚!今日姜B親自拆解MV密碼,他坦言希望藉著歌曲,為已故摯友獻上最後的一封信:「《Dear My Friend,》係為咗紀念一位離開咗嘅朋友,歌名亦都係我諗嘅,好想話畀大家知,呢首歌係專屬於佢;希望大家聽歌嘅同時,可以望下身邊嗰位最親近嘅人,好好珍惜佢哋。」

人氣王姜濤昨日推出新歌《Dear My Friend,》,獻給今年3月猝逝的摯友阿Kin,MV一出令不少姜糖爆喊,超級催淚!

雙林打造新歌

故人玉樹長埋, 作為好友的姜濤雖然有意以歌悼念,卻坦誠起初一度採取「拖字闕」:「可能唔想面對朋友已經離去嘅事實,所以當初喺揀曲方面拖咗好耐,而且喺一時三刻亦好難搵到一首好稱心嘅歌,最後聽到林奕匡寫嘅呢隻歌,一聽就有命中注定嘅感覺;至於填詞方面,因為林若寧老師係一位好擅長描寫故事嘅作詞人,所以我同監製Edward講,方唔方便搵林老師聽下我呢個故仔,睇下佢有乜感覺,然後就促成呢件事。」

姜B希望藉著歌曲,為已故摯友阿Kin獻上最後的一封信。

日前姜濤為《Dear My Friend,》拍攝MV,特地走訪機場、籃球場、表演場館等多個拍攝地點,當中最令他難忘的場景,絕對是靈堂一幕,自認哭點高的他亦不禁眼角失守、淚灑當場:「導演希望我寫一封信畀呢位朋友,然後喺靈堂讀出嚟,但係我寫唔出,因為我有太多說話想講,所以我建議乜都唔寫,由得我自言自語。因為呢段時間好忙,我想藉著呢個機會,同佢好好傾偈,所以封信只係道具,其實喺MV入面我都係同佢分享我嘅近況、佢屋企人嘅近況,講講下就喊咗出嚟;另外因為製作組預備咗一副假棺材,完咗嗰場戲之後,我都一直望住個棺材係咁喊。」

MV中,姜B帶了籃球入靈堂送別好友。
最令姜B難忘的場景絕對是靈堂一幕,自認哭點高的他亦不禁眼角失守、淚灑當場。
姜B說:「因為製作組預備咗假棺材,完咗嗰場戲之後,我都一直望住個棺材係咁喊。」

重現好友造型

姜B和阿Kin因籃球結緣,為紀念識於微時的珍貴友情,導演特地加入不少籃球元素,姜濤亦親自拆解多組神秘密碼:「因為我呢位朋友係做飛機維修師,所以我哋突登喺機場隔離拍攝奔跑場面,起初仲想拍埋飛機起飛,寓意佢嘅離開,可惜最後因為落雨拍唔到。」提到MV後段以卡通形式呈現好友,營造二人在籃球場對望的畫面,姜濤坦言:「真係根據佢嘅衣著打扮嚟塑造,對我嚟講感觸好大,雖然我唔知佢依家係以乜嘢形式存在,但係我希望佢可以喺呢個MV出現,我相信當下我係同佢對視,亦都希望佢睇完之後可以安息。」

姜B和阿Kin因籃球結緣,為紀念識於微時的珍貴友情,導演特地加入不少籃球元素。
提到MV後段以卡通形式呈現好友,營造二人在籃球場對望的畫面,姜濤坦言:「真係根據佢嘅衣著打扮嚟塑造,對我嚟講感觸好大。」
姜B希望阿Kin看完MV之後可以安息。