MIRROR六子姜濤、盧瀚霆(Anson Lo)、呂爵安(Edan)、陳卓賢(Ian)、江𤒹生(Anson Kong)和柳應廷(Jer)，昨晚完成一連兩場音樂會。一向錫妹錫到燶的Edan回到家中，第一時間和細妹小如豬影相。他在IG留言：「今次冇得後台合照，惟有返屋企補返！個衰妹次次扮咗靚靚先肯同我影相，我梗係把握機會。一連兩日演唱會終於完結，Hope you guys enjoy it!」Sweet爆！

Edan每次和小如豬合照樣子都特別溫柔，十足前世情人，難怪填詞人黃偉文（Wyman）羨慕：「嘩，好幸福，請問我認你做大佬得唔得呀大佬？」Edan回覆：「嘩，大佬講呢啲！不敢當啊大佬！」有爵屎留言：「繼眾港爸嘅女婿安之後，又多個眾人大佬安嘅朵，鬼叫Edan咁charm！」、亦有爵屎說Edan是「世界第一妹控」。至於拍電影做Edan阿媽的毛舜筠留言：「妹妹好可愛！」Edan就搞笑說：「有哥哥的影子！」