標籤: ERROR

食玩

【屯門】6大食玩打卡好去處!最新空中滑板場開幕/超IGable韓式牛角包窩夫/區內名物炸雞髀/紅橋烏冬配咖啡新食店

屯門 近年憑住電影《幻愛》一夜爆紅,大家都驚歎鏡頭下的「屯元天」原來可以唯美如此,甚至有日本的氣息,吸引大家慕名前來。人人都識「幻愛橋」屯門碼頭海濱長廊和輕鐵站,但 屯門 的打卡熱點又豈止兩個,全新空中滑輪運動場剛於上星期開幕,可以踩滑板、玩軸溜冰之餘,也不缺打卡位,任大家玩夠半日!要數屯門美食,不得不提很得輝的招牌生炸雞髀,堪稱「屯門名物」;近年還有超 IGable 的韓式牛角包窩夫,而紅橋一帶也新開了主打烏冬配咖啡的新食店,到底吃起來是新奇有趣定古怪?一於今個 weekend 去個 屯門 去趟小旅行,慢慢發掘啦。

屯門好去處 01|最新滑板場!佔地3.8萬呎空中滑輪運動場開幕

自從滑板項目在去年東京奧運初次登場後,香港也掀起了一陣滑板熱潮,每逢放假或者入夜之後總見到有人踏住滑板穿梭在公園、街道上,受歡迎程度可見一斑。近日屯門就有個剛開幕的新滑板場,位於愛定商場平台的「空中滑輪運動場」佔地 3.8 萬呎,分為三層,集滾軸溜冰場、滑板場及單車、平行車場於一身,為大家提供更大空間踩板及試玩滾軸溜冰。另外,全港首個空中滑板祭將會在今年年底舉行,等各位滑板好手落場切磋較勁!

空中滑輪運動場
地址:屯門鄉事會路 2A 號愛定商場D區停車場上蓋

屯門好去處 02|《Error 自肥企画》取景地!「笑,嘻」主題打卡運動場

空中滑輪運動場以外,屯門兆禧苑商場還有另一個人氣打卡運動場—兆禧主場,以「笑,嘻」為主題,佔地逾 4 萬呎,設有多個籃球場、多用途球場、緩步徑及平衡車賽道,將本來破舊的停車場上蓋球場改造成運動共享空間,連 ViuTV 人氣綜藝節目《Error 自肥企画》亦曾在這裏取景玩遊戲。兆禧主場另一賣點是設計年輕有活力,採用藍、白和橙色為主調,顏色繽紛之餘,場內的球場、樓梯位和牆身都是打卡位,個個都前來舒展筋骨兼朝聖。

【屯門】6大食玩打卡好去處!最新空中滑板場開幕/超IGable韓式牛角包窩夫/區內名物炸雞髀/紅橋烏冬配咖啡新食店
屯門兆禧苑商場 兆禧主場

兆禧主場
地址:屯門湖翠路 201 號兆禧苑停車場上蓋

屯門好去處 03|超IGable!熱賣韓式牛角包窩夫

遊遍 屯門 的特色運動場,當然要在附近覓食醫肚。離愛定商場空中滑輪運動場約 12 分鐘步程的 Kuru Lab 主打韓式烘焙美食,推介熱賣牛角包窩夫(Croffle),有香蕉朱古力、芒果、提子麻薯、伯爵茶無花果等口味,店家特別把牛角包放入窩夫機烘壓成格仔坑紋,外層香脆可口,內層卻保留了牛角包酥軟濕潤的口感,配埋香滑忌廉和新鮮水果,好吃得來賣相又 IGable,深得一眾少女的歡心。Kuru Lab 最近也推出鮮果批,包括蘋果吉士忌廉批、韓國草莓批、濟洲柚子菠蘿批、榛子朱古力香蕉批,每小時新鮮出爐。

【屯門】6大食玩打卡好去處!最新空中滑板場開幕/超IGable韓式牛角包窩夫/區內名物炸雞髀/紅橋烏冬配咖啡新食店
Kuru Lab 韓國草莓牛角包窩夫

Kuru Lab
地址:屯門屯順街1號屯門市廣場 1 期 1 樓 1268 號舖
電話:21318988
網址:https://bit.ly/3sebfZO

屯門好去處 04|屯門名物!很得輝招牌生炸雞髀

如果話三多雞髀是大埔名物, 屯門 亦有很得輝作為生炸雞髀的代表!由屯門仁愛堂街起家的很得輝賣多款即炸小食,其中招牌炸雞髀出名皮脆肉嫩,全部即叫即炸,超 juicy,而且店家也供應海苔椒鹽、死神辣椒粉及魔蠍辣椒粉等調味料,食起來就更惹味!嫌炸雞髀油膩熱氣的話,很得輝還有滷水或沙薑雞髀可選,照顧不同人的口味。

【屯門】6大食玩打卡好去處!最新空中滑板場開幕/超IGable韓式牛角包窩夫/區內名物炸雞髀/紅橋烏冬配咖啡新食店
很得輝生炸雞髀(圖片來源:yellowmeals @IG)

很得輝小食
地址:屯門仁愛堂街 46 號金滿閣地下 C2 號舖
電話:9194 8386
營業時間:12:30pm-2:00am
網址:https://bit.ly/3yiDIkR

屯門好去處 05|紅橋新食店!烏冬配咖啡食出朱古力味?

屯門 紅橋一帶可算是區內的美食集中地,由文青 Cafe、日本丼飯、台灣菜至西餐牛扒都有,最新一間叫頂立,今年初才開業,專注炮製日式烏冬,腐皮醬油燒海老烏冬、醬油燒魷魚湯烏冬、油揚烏冬⋯⋯每款湯底都是以天然鰹魚、北海道昆布、特製醬油和清酒每日新鮮熬製而成,味道清甜濃郁。店主教路,最正食法是烏冬配搭自家製的罐裝 cold brew 同食,「先飲啖湯再食烏冬,再飲啡」,不只令湯底的鮮味更加突出,吃起來還有淡淡的朱古力味,非常有趣!

【屯門】6大食玩打卡好去處!最新空中滑板場開幕/超IGable韓式牛角包窩夫/區內名物炸雞髀/紅橋烏冬配咖啡新食店
頂立 醬油燒海老烏冬

頂立 – 烏冬珈琲店
地址:屯門井財街 9 號 20b 地鋪
營業時間:11am-9pm
網址:https://bit.ly/38WP5nM

屯門好去處 06|T · PARK對住海景免費歎SPA+質感小茶館

城市人長期對住電腦日做夜做,加上低頭玩手機,容易頸緊膊痛,所以成日都想按摩做 SPA,好好放鬆一下。位於 屯門 稔灣的 T · PARK 不只是一座污泥處理設施,將每日產生約 1,200 公噸污泥焚化並轉化成能源,更設有 3 個不同溫度的水療池和戶外足浴池,讓大家對住后海灣的無敵海景免費歎 SPA 超梳乎,不過疫情關係,[源·泉] 暫時仍未對外開放,想預約水療池道要留意官方最新消息喇!另外,T · PARK 還有 9,800 平方米的戶外花園,走入雀鳥保護區不難發現小鸊鷉、翠鳥、苦惡鳥等。一場來到,不妨去埋館內的自助茶館 [源 · 茶] ,這裏的食物都不是重點,喜歡它利用舊灣仔碼頭的防撞木回收改造成一室木傢俬,有質感又能貫徹環保概念。

T · PARK 源 · 區
地址:屯門曾咀稔灣路 25 號
電話:2910 9700
開放時間:星期一、星期三至日 10am-7pm
網址:https://bit.ly/38atoRh
註:需提早於官網預約參觀

娛樂

魯庭暉任MakerVille CEO公布大計 MIRROR ERROR COLLAR晒冷 5月成立鏡仔官方FC 可訂演唱會飛

ViuTV總經理魯庭暉上週二(19日)調職,出任電訊盈科媒體集團旗下新公司MakerVille行政總裁,新公司主力內容創作、藝人管理、活動業務,集中火力發展公司旗下MIRROR、ERROR、P1X3L和COLLAR 等,為藝人作多元化發展,將ViuTV版圖擴大,昨日MIRROR紅館演唱會記者會上,魯庭暉首以MakerVille行政總裁身份出席。

魯庭暉
ViuTV總經理魯庭暉調職,出任電訊盈科媒體集團旗下新公司MakerVille行政總裁,今日MakerVille在九展Star Hall舉行記者會,介紹新公司的標誌和發展方向。
魯庭暉
MIRROR首次公開演唱新歌《Innerspace》,跳得相當落力!

今日MakerVille在九展Star Hall舉行記者會,介紹新公司的標誌和發展方向 ,並設Youtube直播,MIRROR、ERROR、P1X3L、COLLAR和6膠岑珈其、魏浚笙、徐浩昌(肥腸)、黃正宜(阿正)、劉沛蘅(Hillary)等齊齊現身,更有不少電影勁人助陣,包括杜琪峯、游乃海、銀河映像CEO朱淑儀、導演鄭保瑞,戲劇製作人袁劍偉、馮志強、趙善恆、羅嘉駿等出席,相當熱鬧!

魯庭暉
ERROR於台上獻唱《愛情值日生》。
COLLAR於台上獻唱《Call My Name!》。

魯庭暉介紹公司說:「MakerVille係一個地方,係做啲嘢出嚟嘅,做咩呢?三樣嘢,內容、藝人、活動,點先叫做得好呢?第一要做唔同類型新嘅嘗試,更好嘅作品俾ViuTV嘅觀眾,第二要做到喺香港以外嘅人可以透過唔同嘅方式睇到我哋嘅作品,第三要做到更多合作,無論係台前幕後,香港以至全世界,要同更多嘅唔同嘅製作單位、平台一齊合作,一齊令大眾感動,咁多位我哋會好努力咁做,我哋嘅make it happen!」

魯庭暉
P1X3L於台上表演《Just Lean On Me》。
魯庭暉
(左起) 六膠(徐浩昌、劉沛蘅、岑珈其、呂爵安、黃正宜、魏浚笙)。

全個記招最精彩是由MIRROR、ERROR、P1X3L 和COLLAR表演唱歌,MIRROR壓軸出場時唱出新歌《Innerspace》,之後宣布5月成立MIRROR官方歌迷會(FC),會員可獲得會員專屬迎新禮盒,有訂購演唱會、粉絲見面會,和會員專屬商品的機會,詳情就要留意MIRROR FB和IG!隊長Lokman說:「我代表MIRROR上上下下同大家講唔好意思,係遲咗少少,知道大家對呢個Fan Club有期望,所以不想大家失望,所以要計劃周詳啲,做多少少,同公司傾吓點樣執行,先俾個好嘅大家,多謝大家支持!」

魯庭暉
MIRROR宣布5月成立MIRROR官方歌迷會,有訂購演唱會、粉絲見面會,和會員專屬商品的機會!
娛樂, 熱話

Chill Club 推介榜年度推介21/22   欣宜大熱奪年度女歌手金獎  Anson Lo雙喜臨門

ViuTV主辦嘅第二屆本地流行音樂頒獎典禮「Chill Club推介榜年度推介21/22」,今晚在九展匯星舉行,主題爲「人人樂壇,音樂第一」,評選範圍是2021年3月7日至2022年2月27日「Chill Club 推介榜」的上榜歌曲和歌手,除了幕後獎外,各大獎項都是由全港市民投票產生。

Chill Club
頒獎禮一開始由鄧建明、Cousin Fung、T-ma等音樂人帶隊,加上 Edan、衛蘭、姜濤等一起jam歌,炸爆舞台!
Chill Club
姜濤表演時相當有型!

頒獎禮一開始由鄧建明、Cousin Fung、T-ma、CMgroovy、波多野裕介、何秉、徐浩等音樂人帶隊,加上 Edan(呂爵安)、衛蘭、馮允謙、姜濤、林奕匡、C AllStar、泳兒、AGA和MIRROR 一起jam歌,炸爆舞台!之後主持駱振偉(Thor)陸續頒發「Chill Club 年度十大歌曲」,第2位至第10位順序為MIRROR《BOSS》、姜濤《Master Class》、Edan《E先生 連環不幸事件》、張敬軒《俏郎君》、Jer(柳應廷)《狂人日記》、 C AllStar《留下來的人》、 MC 張天賦《記憶棉》、 林家謙《神奇的糊塗魔藥》、RubberBand《Ciao》。

「Chill Club年度之歌」最終由Anson Lo #盧瀚霆《Megahit》驚喜奪得,教主攞獎時說:「好多謝公司好多謝ViuTV,好多謝Wyman,呢首歌係講溝通,溝通係我2021年學到嘅最大課題,同屋企人溝通、同工作人員溝通、同Mirror成員溝通,好多謝投票俾我嘅你哋,無論任何事情發生都好,我係唔會放棄繼續做我鍾意嘅跳唱歌,多謝大家包容,我嘅不足好多,有好多嘢需要改善,所以多謝大家!」

Chill Club
「Chill Club年度之歌」由Anson Lo盧瀚霆《Megahit》奪得。
Chill Club
「Chill Club 年度十大歌曲」,第2位是MIRROR《BOSS》。
Chill Club
第三位是姜濤《Master Class》。

「Chill Club年度男歌手」金獎亦由Anson Lo奪得,雙喜臨門,他發表感言:「好多謝投票俾我嘅人,多謝每位MIRROR成員,今年踏入第四年,冇MIRROR冇人會留意Anson Lo 呢個人,最近MIRROR嘅成員都有好疲倦嘅感覺,大家都好攰,但我想講我哋就算幾攰都好,都唔會嫌攰,因為我哋每日都做緊好鍾意做嘅嘢,我承諾大家我會繼續努力,多謝大家!」至於銀獎則由姜濤奪得,他說:「我記得上年喺呢個舞台上面,我話相信我哋可以成為亞洲第一,經過一年之後,其實每一位嘅歌手已經係我心目中嘅亞洲第一,我真係好愛好愛呢個地方,只要你每一位唔放棄我哋,我會永遠喺度唱歌俾大家聽!」至於銅獎就是家謙:「今年做咗好多嘗試,試吓唱人哋嘅歌,好開心有人喜歡!」

「Chill Club年度男歌手」金獎由Anson Lo奪得,雙喜臨門。
姜濤奪「Chill Club年度男歌手」銀獎。
銅獎是林家謙,

「Chill Club年度女歌手」由鄭欣宜奪得金獎,她拿獎時說:「好多謝投票俾呢位死中女嘅各位,頭先一路宣布完銅獎銀獎之後,我以為我冇機會上台得獎,我真係要喺呢度多謝Chill Club同ViuTV,多謝公司上上下下嘅同事,同我做咗好多歌,令大家重新認識香港歌手鄭欣宜!」而銀獎由Serrini奪得,銅獎就是陳蕾!

「Chill Club年度女歌手」由鄭欣宜奪得金獎!
銀獎由Serrini奪得。
陳蕾得銅獎。

「Chill Club年度組合」由MIRROR奪得金獎,Lokman說:「想多謝呢度嘅台前幕後,都好多謝大家發放熱力俾大家感受,多謝在座嘅觀眾,令大家感受到熱力!」AK亦說:「好多謝幫我哋嘅每一位!」銀獎則由C AllStar奪得,銅獎就是ERROR,肥仔說:「多謝投票嘅所有粉絲們!」Dee則多謝爹哋媽咪:「係你話俾我聽做咩最緊要開心!」

「Chill Club年度組合」由 MIRROR奪得金獎。
銀獎則由C AllStar奪得。
銅獎就是ERROR。

「Chill Club年度新人」由MC張天賦奪得金獎,他拿獎時說:「出咗道先知,每一個崗位都好重要,要重視每一個人工作,曲詞編監,每一環都唔可以缺少,我呢個新人獎都係佢哋一手幫我包辦,多謝鍾意MC嘅人!」銀獎則由Edan奪得,他說:「好開心同時都有啲矛盾,我嘅起步好好,我係MIRROR嘅一份子,我有好多機會令人見到我,所以我要變得更優秀。希望大家都關注其他歌手,支持我之外都要支持其他歌手,令到香港樂壇百花齊放!」銅獎是193,他搞笑說:「我最想多謝ViuTV所有幕後工作人員,好包容我哋,多謝ERROR,Poki下年拎新人獎,阿Dee下年拎視帝!」

Chill Club
「Chill Club年度新人」由MC張天賦奪得金獎。
Chill Club
銀獎由Edan奪得。
Chill Club
銅獎是193。
Chill Club
Wyman奪「Chill Club年度填詞人」,他沒有到現場,他在錄影片段搞笑說:「以後繼續留意我嘅作品就可以啦,唔需要選我入『世界百大美男』,我OK嘅!」

得獎名單:

「Chill Club年度男歌手」

金獎:Anson Lo

銀獎:姜濤

銅獎:林家謙

「Chill Club年度女歌手」

金獎:鄭欣宜

銀獎:Serrini

銅獎:陳蕾

「Chill Club年度組合」

金獎:MIRROR

銀獎:C AllStar

銅獎:ERROR

「Chill Club年度樂隊」

金獎:Dear Jane

銀獎: RubberBand

銅獎: ToNick

「Chill Club年度新人」

金獎:MC張天賦

銀獎:呂爵安(Edan)

銅獎:193

「Chill Club年度唱作歌手」

金獎:林家謙

銀獎:馮允謙

銅獎:Serrini

「Chill Club 年度十大歌曲」

Chill Club年度之歌:《Megahit》 – 盧瀚霆

第2位《BOSS》 – MIRROR

第3位《Master Class》 -姜濤

第4位《E先生 連環不幸事件》 -呂爵安

第5位《俏郎君》-張敬軒

第6位《狂人日記》 – 柳應廷

第7位《留下來的人》- C AllStar

第8位《記憶棉》 – MC 張天賦

第9位《神奇的糊塗魔藥》 -林家謙

第10位《Ciao》 – RubberBand

「Chill Club年度作曲人」:吳林峰

「Chill Club年度填詞人」:黃偉文(Wyman)

「Chill Club年度編曲人」:Ariel Lai

「Chill Club年度監製」:Edward Chan

娛樂

入行3年終推處男歌《猥瑣》  保錡:真的忍不住淚水哭了 Pokimon 大叫感動 

宇宙天團ERROR成員吳保錡(Poki)入行3年,今年成功單飛,今日推出首支派台歌《猥瑣》,歌曲找來黃偉文(Wyman)填詞、Larry Wong作曲、舒文監製,當Poki聽到電台首播,忍不住哭了,他在IG寫道:「第一首聽自己的作品在電台首播,真的忍不住淚水,哭了!」

保錡
宇宙天團ERROR成員吳保錡(Poki)入行3年,今年成功單飛,今日推出首支派台歌《猥瑣》。
保錡
Poki在IG寫道:「第一首聽自己的作品在電台首播,真的忍不住淚水,哭了!」
保錡
保錡粉絲Pokimon紛紛感動力撐!

今晚播出《猥瑣》MV,Poki找來偶像李靜儀(Heidi)擔任MV女主角,打造最強慘情情歌,保錡粉絲Pokimon紛紛感動力撐:「恭喜保錡出第一首個人單曲好好聽,歌詞好感人加油啊!」、「保錡嘅努力大家都有目共睹,今日4月18日終於等到機會,等到出頭嘅一日,感動!」、「感情做得非常細膩,咬字好清晰,好好聽好impressive嘅第一首作品!」

保錡
今晚播出《猥瑣》MV,Poki找來偶像李靜儀(Heidi)擔任MV女主角,打造最強慘情情歌。

Poki指這個是難得機會去證明自己:「我嘅終極夢想係想成為一個歌手,但歌手唔係自己覺得,係要人哋話你係,你先係,所以今年嘅目標係想做好多大家唱K會唱、搭車時會聽,甚至係陪到大家成長嘅廣東歌。」《猥瑣》是一個外表猥瑣的人的自白書,Poki解釋:「猥瑣係人哋望你嘅一種感覺,人哋唔鍾意你,覺得你猥瑣就係一世猥瑣,就算你係一個正常人,就算你幾努力,對對方幾好,你做嘅嘢都係令人討厭。有啲人慘過做兵,因為連做兵都冇機會。」

保錡
Poki指這個是難得機會去證明自己:「我嘅終極夢想係想成為一個歌手,但歌手唔係自己覺得,係要人哋話你係,你先係。」

Poki特別感謝監製舒文:「錄歌之前,舒老闆用咗幾日時間搵我唱歌個Range,同埋用咩方法唱《猥瑣》會較好,繼而喺錄音時又會教我唱呢個年代嘅流行歌應有嘅態度同情緒,因為呢首歌好講究歌唱技巧同埋感情運用,但我本身咬字最弱,唱得又唔連貫,所以舒老闆今次特別同我就呢兩方面加強訓練。」

保錡
Heidi繼綜藝節目《ERROR自救TV》驚喜亮相後,二人首度合作。

至於MV女主角Heidi是繼綜藝節目《ERROR自救TV》驚喜亮相後,二人首度合作,Poki表示:「因為MV需要一個會演嘅演員擔任女主角,而Heidi近年都係一個公認嘅電影演員,大家都覺得佢非常適合。」但Poki未有自肥,最親密都是Heidi用雙手推Poki入浴缸:「我哋係用作品說話,所以一定係以歌曲同MV能表達當中意思行先,就好似我喺MV入面嘅造型係有疤痕,用以表達人生有好多傷痛都會留下瘡疤,只有自己先知,所以要走入教堂搵上帝哭訴。至於可以同Heidi合作係非常開心,因為我真係好崇拜佢,讀大專時已經係佢嘅小Fans,有聽佢嘅歌、睇佢嘅戲,可以同自己偶像合作,係難以形容嘅感動。」

保錡
Poki說:「可以同Heidi合作係非常開心,因為我真係好崇拜佢,可以同自己偶像合作,係難以形容嘅感動。」
食玩

AK、Jer、肥仔主理!日式串燒店 影の鳥 推4款便當 最平$268嚐5款皇牌串燒

第五波新冠肺炎疫情肆虐,多間食肆及零售店都抵不住疫市來襲,決定暫停營業或關門大吉。同時也有餐廳緊守崗位推出外賣優惠或抗疫飯盒,與市民共渡時艱。而去年年底令鏡粉和404為之瘋狂,由MIRROR成員江𤒹生(Anson Kong)、柳應廷(Jer)和ERROR成員梁業(肥仔)合資開設的日式串燒店 影の鳥 亦推出4款「匠の膳」日式便當,讓大家在疫情下都可以在家品嚐美食。

影の鳥受粉絲捧場,去年12月開業時訂座已去到今年2月中旬,可謂一席難求。不過粉絲又無需灰心,因為由明天(3月9日起),餐廳推出4款選用料矜貴的「匠の膳」日式便當,每款便當即叫即做,每款每日限量供應約20個,售完即止,相信又會引來一眾粉絲搶先落單!

Dear Kagenotori燒物丼($268)

綜合五款「影の鳥」最受歡迎的串燒,當中包括鹽燒華味鳥雞肉串、燒手打免治雞肉棒、鹽燒華味鳥手羽、鹽燒厚切牛舌串及鹽燒黑豚腩串。

影の鳥
華味鳥為九州著名的雞肉銘柄,肉質呈粉紅色,口感嫩滑多汁。

水形日本鰻鱺丼($288)

將日本產鰻鱺(白鱔)以鹽燒方式燒至外脆內嫩,同時附上鰻魚汁,打造雙重鮮味。

影の鳥
每件鰻鱺切成足一吋厚

匠の膳燒米国牛小排丼($308)

採用美國牛小排,油花分布均勻、牛小排經燒炙至半熟後令油花更甘香,入口口感肉質滑嫩。

金星四色刺身丼(338)

選用4款大受港人歡迎的刺身,包括入口即融的拖羅刺身、鮮甜吞拿魚茸、原隻新鮮蟹肉拆肉製成的鮮松葉蟹肉和油份於口中爆開的三文魚籽,滿足一盡想念日本的你。

各位有興趣的話,可以到尖沙咀門市直接下單,凡惠顧兩客或以上外賣自取即可享9折,於Deliveroo點餐滿$600可全單享8折,而Foodpanda優惠則要留意「影の鳥」未來發布之最新消息。

影の鳥 Kageno Tori
時間:星期一至日及公眾假期12:00-15:00; 18:00-23:00
地址:尖沙咀亞士厘道9號順豐大廈地舖
電話:2335 972

娛樂

ERROR 首次出情歌《愛情值日生》 404錯粉:好好聽,希望推到年尾拎獎

ERROR 相隔7個月,終於有新歌了,還要是首次出情歌!肥仔(梁業)、阿Dee(何啟華)、193(郭嘉駿)和保錡(吳保錡),今日推出新歌《愛情值日生》,雖然MV今晚才有得看,但ERROR官方IG貼出預告片留言:「無獎競猜ERROR情人s大賽,究竟今次我哋請咗邊幾個飾演佢哋四個嘅情人s呢? #ERROR首次出情歌 #開唔開心驚唔驚喜?」

ERROR
ERROR官方IG貼出預告片,MV很有80年代feel。
ERROR
193的衣着都很有80年代feel!
ERROR
ERROR官方IG留言:「無獎競猜ERROR情人s大賽,究竟今次我哋請咗邊幾個飾演佢哋四個嘅情人s呢?」
ERROR
到底保錡的MV情人是誰?

MV很有80年代feel,為新歌填詞的Wyman(黃偉文)就在IG解釋:「Error 終於搵我寫,咁我點樣寫先至最似佢哋呢,我自己都好期待!其實主題大橋係佢哋四個俾我嘅(我覺得係一個好勁好大膽嘅idea,大家聽歌時可以留意吓),80年代 mood 呢,係作曲兼監製 @hobing_goomusic 定嘅,我只係試吓寫返80‘s 啲配合返,工作好輕『擎』。至少『愛情值日生』呢啲名,『浸除』都唔似而家啲歌啦呱。」保錡在IG Story多謝Wyman:「多謝你,人生中能唱一首你填詞的作品,是我其中一個夢想!」Wyman就回覆說:「咁客氣㗎!圓咗夢之後,唔好咁快停呀喂!我好Ready再玩㗎喂!」

ERROR
為新歌填詞的Wyman(黃偉文)就在IG寫道:「Error 終於搵我寫,咁我點樣寫先至最似佢哋呢,我自己都好期待!」
ERROR
保錡在IG Story多謝Wyman:「多謝你,人生中能唱一首你填詞的作品,是我其中一個夢想!」Wyman就回覆說:「咁客氣㗎!圓咗夢之後,唔好咁快停呀喂!我好Ready再玩㗎喂!」

ERROR出新歌,經理人花姐(黃慧君)亦有幫忙宣傳新歌:「Sweet sweet 嘅歌曲由佢地演繹,別具風味,仲有一隻勁正MV。」新歌今日下午1點已經在各大音樂平台上架,404(ERROR粉絲名稱)聽完大讚:「好冧!」、「So sweet!」、「已經聽咗幾次,真係好好聽,四個唱得好好!」、「四個唱歌真係進步咗好多好多。」「Error 世一!」、「好好聽,希望推到年尾拎獎!」

ERROR
404聽完大讚:「已經聽咗幾次,真係好好聽,四個唱得好好!」
ERROR
有404亦大讚:「好好聽,希望推到年尾拎獎!」
娛樂

ERROR 玩BIG BANG P圖宣布出新歌 肥仔變型 阿Dee迷幻 193變大 保錡零違和

近日MIRROR官方IG預告二月有四個驚喜,包括Jeremy終於出個人單曲,Alton和AK出合唱歌,而Anson Lo、Ian亦會出新歌,但想不到很快便到ERROR,令粉絲404超驚喜!ERROR官方IG上載一張韓國天團BIG BANG的P圖宣布出新歌:「ErRor Comeback 214+4 #劣質P圖 #點解保錡咁似!」ERROR 4子的頭分別P到BIG BANG成員身上,當中肥仔突然變瘦超型仔,阿Dee很迷幻,193變「大支嘢」,而保錡零違和,難怪404讚歎:「真係唔講唔知P圖,有啲料到!」、「保錡個樣好似無P到咁!」有404還笑193:「係咪特登P 33去最大抽嗰個度!」有人更提議:「覺得要P埋個星空背景襯返宇宙天團!」

早前填詞人黃偉文(Wyman)在IG寫道:「年初一嗰日,填到一半,個player突然變咗咁!搞到我霎吓眼以為自己喺度填緊Error嘅歌!#咁你估呢首歌其實係邊個嘅呢 #好似話二月十四號情人節上架。」之後Wyman加上「追加最新消息係二月十八先真」,令人猜測ERROR新歌由Wyman填詞,於下周五(18日)推出!

ERROR
ERROR形象搞笑,想不到公布出新歌的方法都與別不同!
ERROR
ERROR在官方IG上載一張韓國天團BIG BANG的P圖宣布出新歌,當中肥仔突然變瘦,阿Dee很迷幻,193變「大支嘢」,而保錡零違和。
ERROR
BIG BANG的原圖。(網上圖片)
ERROR
有404還笑193:「係咪特登P 33去最大抽嗰個度!」
ERROR
404大讚:「真係唔講唔知P圖,有啲料到!」
ERROR
ERROR新歌相信由Wyman填詞,於下周五(18日)推出。
娛樂

花姐 做PA被睇小變霸氣 訓示MIRROR、ERROR成員超爆笑

MIRROR和ERROR經理人花姐黃慧君直率又霸氣,經常鬧人很過癮,但她有時忽然扮鬼扮馬,十分可愛!其實花姐以前很溫柔,為何之後變霸氣呢?因為花姐19歲加入無綫做《勁歌金曲》PA,被當時的上司力勸辭職:「你辭職啦!你個樣斯斯文文又唔合群,係做唔到落去㗎!」花姐聽完很不忿氣,於是來個180度改變,如果不是,可能沒有今天的MIRRORERROR!我們找到2018年12月的考古直播片,當時MIRROR即將開第一次演唱會,部分成員做體能和排舞,而花姐就和ERROR成員身處日本拍攝,花姐十足阿媽教仔那樣訓示他們,用心良苦得來超好笑!

https://youtu.be/FBqYGJKpGEc

娛樂

患者曾到ViuTV大本營九展 MIRROR、ERROR接受強檢 檢測報告均為陰性

第5波疫情大爆發,連日多個地方列入強檢範圍,MIRRORERROR所屬公司ViuTV正位於九龍灣國際展貿中心,根據衛生防護中心早前公布,有患者到望月樓同日,亦曾到九龍灣國際展貿中心,因此九展被納入強制檢測公告,任何曾經在12月27日下午5時至7時身處該處的人士需要強制檢測。有報道指MIRROR和ERROR 16子當日曾回公司整裝待發出席《新城勁爆頒獎禮2021》,並逗留一段時間,因此需要強檢。

報道又指MIRROR和ERROR成員日前進行第一次強檢,全部屬陰性,昨日(8日)需再接受強檢,因此16子先後回公司交深喉唾液樣本,姜濤於早上11時現身九展正門,即獲姜糖問候,姜濤完成檢測後離開。而Anson Lo(盧瀚霆)去完銅鑼灣神徒為他預備的《2021教主歌•影•視》巨型LED幕打卡後,亦回公司接受檢測,而Edan(呂爵安)、193(郭嘉駿)就由後門回公司。消息傳出後,鏡粉和404(ERROR粉絲名稱)紛紛留言慰問!

事後ViuTV就藝人做強檢一事回覆傳媒:「由於有確診人士曾經於12月27日下午5時至7時出現在九展,我們已按政府規定安排於上述時間在ViuTV辦公室的同事及藝人進行檢測,檢測報告均為陰性。我們會繼續執行相關防疫措施及檢測程序。」

MIRROR
有報道指 MIRROR當日曾回公司整裝待發出席《新城勁爆頒獎禮2021》,並逗留一段時間,因此需要強檢。
MIRROR
ERROR當日亦有回公司預備出席《新城勁爆頒獎禮2021》。
MIRROR
昨日(8日)姜濤於早上11時現身九展正門回公司。
MIRROR
Anson Lo(盧瀚霆) 去完銅鑼灣神徒為他預備的《2021教主歌•影•視》巨型LED幕打卡後,亦有回公司。
娛樂

阿Dee越洋專訪 自爆未成名前霉咗好幾年 ERROR加成員最好係靚女

人氣組合ERROR因193寸無綫「收視得幾百部電視機」後爆紅,甚至連美加都有404(ERROR粉絲名稱),ERROR成員何啟華(阿Dee)最近接受美國華語節目《偶像名人堂》越洋訪問,他說參加《全民造星》是因為很想成為電影演員:「我曾經拍過YouTube Channel,由嗰陣時開始就好想參加演員嘅工作,電影、電視劇個方面嘅嘢,之後霉咗好幾年,點解霉?因為冇曝光,對我嚟講《全民造星》叫做無路可揀,嗰陣時同另外兩位兄弟Alton(王智德)同Lokman(楊樂文),大家都跳舞識咗好多年,大家都話嚟到呢個年紀,有得玩不如大膽啲一齊試吓,我想清楚話俾人聽我哋係可以做戲,呢個係我把握得好好嘅機會!」

Dee
人氣組合ERROR因193寸無綫「收視得幾百部電視機」後爆紅,甚至連美加都有粉絲。
Dee
ERROR成員何啟華,最近接受美國華語節目《偶像名人堂》越洋訪問。
Dee
阿Dee說參加《全民造星》是因為很想成為電影演員。

因為阿Dee曾經參加內地火紅節目《這就是街舞》第一季,但他沒有把握機會,所以有深刻教訓:「當時同隊友一齊玩,海選過後,當時評判係羅志祥,佢話:『我淨係留你啦,我想你Battle多一round,爭入席位!』當時我兩個隊友foul咗,得番我一個,我真係好冇心情跳落去,結果我Hea咗去,我返到屋企就好後悔,我阿媽行出嚟問:『比賽點呀?』我答唔到佢,因為我知道自己未盡力就放棄咗,呢樣嘢係我最深刻嘅教訓 !」提到能夠在參加《全民造星》時和Alton、Lokman完成去美國LA受訓的心願,他坦言:「好開心,如果有一日我要離開呢個世界,可以行一轉人生走馬燈,我會行番去嗰一幕!」

Dee
阿Dee曾經參加內地火紅節目《這就是街舞》第一季,但他沒有把握機會,所以有深刻教訓。
Dee
提到能夠在參加《全民造星》時和Alton、Lokman完成去美國LA受訓嘅心願,他坦言:「好開心,如果有一日我要離開呢個世界,可以行一轉人生走馬燈,我會行番去嗰一幕!」

阿Dee說從來沒有想過自己會有個組合,當知道有ERROR時相當興奮:「我哋四個行出嚟,個身形已經話俾大家知係error,就出咗事,係好開心!」身為副隊長的阿Dee搞笑說:「我嘅職責係協助成員集體欺凌隊長!」他說從來沒想過ERROR紅得起:「其實紅係因為193嘅言論,大家翻睇我哋之前嘅節目,之後接住播《ERROR自肥企画》 ,擁有呢個成績好幸運!」

Dee
阿Dee說從來沒有想過自己會有個組合,當知道有ERROR時相當興奮。

主持問阿Dee如果ERROR增加成員要甚麼條件,他爆笑說:「首先唔可以係男人,唔該係女人,最好係靚女,仲要有咁靚得咁靚,我哋做草佢做花,我諗呢個係最着數!」之後他又說:「我諗四個成員都夠,唔想影衰其他人,最衰嘅等我哋食住先!如果要加就百幾二百個,搞個邪教出來,我哋四個係教主,你哋供奉我!」

Dee
如果ERROR增加成員要甚麼條件,他爆笑說:「首先唔可以係男人,唔該係女人,最好係靚女,仲要有咁靚得咁靚。」

談及經理人花姐,阿Dee說:「第一印象都係高高在上、好惡,你會有種唔敢接近佢嘅感覺,寧願激嬲自己阿媽都唔好激嬲花姐,但後來就見到其實所有女人,都有媽媽嘅心願同心腸喺入面,雖然佢對你嚴謹,但佢熟咗你認識你之後,係好Take care人嘅人,而佢自己好辛苦,我知佢好辛苦!」

Dee
談及經理人花姐,阿Dee說:「佢熟咗你認識你之後,係好Take care人嘅人,而佢自己好辛苦!」

談及早前和影帝劉德華、梁朝偉拍電影《金手指》,阿Dee說:「 學到超多嘢同好開心,對我嚟講係一個夢,好似發緊夢,真係同嗰個級數,一班專業演員一齊做戲,我係冇機會同劉生合作,因為冇對手戲,我同梁生多啲對手戲,仲有另一位影帝華哥(任達華),我睇到佢哋嗰種專業!」

Dee
談及早前和影帝劉德華、梁朝偉拍電影《金手指》,阿Dee說:「 學到超多嘢同好開心,對我嚟講係一個夢,好似發緊夢。」
Dee
阿Dee說:「 我係冇機會同劉生合作,因為冇對手戲,我同梁生多啲對手戲,仲有另一位影帝華哥(任達華),我睇到佢哋嗰種專業!」
View More