Hillary Archives - METRODAILY

娛樂

《膠戰SSP》鐵定10.8播　Edan被爆如廁塞爆廁所肥腸徒手通渠獲激讚

MIRROR演唱會事故後，12子即時停工兩個月，隨着鏡仔下月復工，他們拍攝的劇集和節目都陸續解禁。今日ViuTV宣布由MIRROR成員呂爵安（Edan）、岑珈其、劉沛蘅（Hillary）、徐浩昌（肥腸）、黃正宜（阿正）和魏浚笙（Jeffrey）六位膠人主持的《膠戰SSP》──《膠戰盛夏祭！爭奪高級浴衣大作戰！》，鐵定在10月8日（星期六）晚上9時30分播出！

膠人將會大玩特玩夏日遊戲，爭奪最終著高級浴衣的資格。全集一共有四個遊戲，每個遊戲的勝出者都可以得到扭蛋機會，而扭蛋機裏面有不同的貼紙，膠人集齊一套 4 款浴衣配件(浴衣、扇、腰帶、木屐) 貼紙，就為之勝出，可以著上高級浴衣、企C位影終極大合照，而其他失敗者就會着上普通浴衣，畫上醜妝於大合照上出現。而這張終極大合照會在10月9日至13日期間，登陸尖沙咀九龍公園巴士站的燈箱，歡迎各位膠粉看完節目，再去打卡留念。

節目中其中一個遊戲「死都唔眼閉」，六位膠人需要在坐過山車的時候，擘大雙眼望向前面的鏡頭，瞪開眼睛時間較長的參賽者則勝出遊戲。珈其未玩先驚，多次企圖臨陣退縮，都被隊員捉回來。Edan期間不斷露出經典驚青樣，不停大叫，而阿正玩之前更緊張得想大便，場面搞笑。

而在另一個遊戲「答咗嘢試吓唔好撞」，膠人需根據題目而寫出答案，如果答案同其他人不同就可得到一分，相反答案一樣就無分。Edan被其他膠人玩踢爆，大爆之前拍攝節目一同去宿營，Edan如廁後塞爆廁所，珈其形容整個廁所塞滿紙巾，最後肥腸竟然徒手通渠獲得大量讚賞！

2022 年 9 月 29 日2022 年 9 月 29 日

娛樂

同粉絲玩「2選1」住一晚曱甴房有一億 / 打女友一巴有一億洪卓立竟然咁樣揀

洪卓立和膠戰女神劉沛蘅（Hillary）自從公開戀情後，不時在IG貼相放閃，近日還首次以情侶檔拍廣告，公然打情罵俏，互餵對方，甜到漏！日前Hillary在IG和粉絲玩「你問我答」，大爆她和立立打台灣牌認識，當粉絲讚Hillary和立立很Sweet，Hillary還晒兩人合照寫道：「Good Taste！」

昨日輪到立立和粉絲玩「2選1」，有粉絲問：「媽媽同女朋友同時跌落水揀一個。」立立便說：「ER…其實我永遠都答唔到呢條問題，因為我由細到大都學唔識游水，又驚水，連風水師傅都話我忌水，如果我跳埋落去，邊個救我？我會搵救生衣、水泡、樹枝、長竹、長繩、長髮公主嘅頭髮，掉晒落去俾佢哋自己救自己！」

有粉絲開出奇情選擇題：「住一晚成間房都係曱甴有一億 / 打你女朋友一巴有一億。」要立立二揀一，怎料立立竟然揀打女友，他爆笑說：「一晚一億同一秒一億嘅分別喎，我會揀先同佢溝通，打佢一巴俾八千萬佢，先打五次，如果五次OK，再繼續，直到佢或者我忍唔到為止，俾錢嘅你大鑊喇！」立立當然是說笑，不過如果是真的，不知Hillary會否同意！

2022 年 9 月 2 日2022 年 9 月 2 日

娛樂

Hillary 為愛唔住豪宅蝸居舊樓洪卓立認拍拖：見過最善良嘅女仔，努力令佢貪慕虛榮 Hillary：我哋每一日都好開心

35歲英皇歌手洪卓立（Ken）被爆暗撻ViuTV《膠戰》女神Hillary（劉沛蘅），雖然兩人不認拍拖，但有傳媒拍得兩人同居關係，身為富家女的Hillary放棄住何文田千萬豪宅，為愛蝸居在立立大圍舊樓，Hillary連日出入男方家，還做外賣妹餵飽男友，愛得甜蜜！

被傳媒踢爆之後，今日洪卓立大方承認戀情，他在IG貼出3隻狗仔相寫道：「多謝大家關心。佢係我見過最善良最有愛心嘅女仔，我哋每一日都好開心。」立立又回應Hillary放下富貴生活，跟他蝸居舊樓：「其實呢個單位買咗好幾年，我哋亦都係財政獨立，我好開心看到她的發展，而我自己一直都有工作在身，識我嘅朋友都知我從來都靠自己。當然我會努力，令她成為『貪慕虛榮』的人！」

Hillary回覆傳媒時說：「多謝大家關心，我哋每一日都好開心！我覺得任何關係都唔應該建基於金錢上，最重要係用心去交流、溝通，而搵到一個能夠互相支持大家嘅人係好難得。我真係唔係一個富家女，一直都要努力工作，希望大家俾返少少空間我哋！」

30歲的Hillary家底豐厚，家住何文田豪宅，有「模界薛凱琪」之稱，近年因主持ViuTV節目《膠戰》而大受歡迎中，還被封為「索膠」，她在TVB剛剛播完的話題劇《家族榮耀》，飾演熊黛林囡囡，人氣急升！早前洪卓立在IG Story上載Hillary抱狗仔的相片，之後再秒刪，由於Hillary曾經做過洪卓立兩次MV女主角，所以被網民笑他錯手公開戀情，當時立立強調兩人只是好朋友，當日和數位朋友一起吃飯，本來想將Hillary張相send給好朋友看，怎料按錯掣，想不到立立今日終於承認戀情，恭喜！

2022 年 3 月 30 日2022 年 3 月 30 日

娛樂

《膠戰S2》幕後花絮超爆笑珈其笑煨Sir係「細鵰」 Jeffrey：我俾Edan含…

《膠戰S2》由呂爵安（Edan）、岑珈其、魏浚笙（Jeffrey）、徐浩昌（肥腸）、黃正宜（阿正）和劉沛蘅（Hillary）主持，播出以來大受歡迎，雖然節目1月尾已經播完，但膠粉直到依家都不捨得，狂推拍第3季！昨晚Edan在自己YouTube頻道上載《跟我去返工EP.10：史上尺度最大😱！！膠戰S2冬季旅行VLOG！》短片，還說：「可能我地平時溝通尺度都比較大，希望大家唔好見怪😂我哋S3見！」

短片一開始除了煨Sir Jeffrey外，5膠一起坐車去開工，阿正說：「冇Jeffrey冇動力，我同你講呢個Opening冇人睇！」之後阿正忽然捉着Edan的手狂讚他：「我不嬲都覺得Edan係一個好嘅Artist ，好全能，同埋佢對朋友好好，一定唔會post一啲或者出一啲好核突嘅圖同片，係唔係？」怎料轉頭Edan就出了阿正低炒、露出爆牙的「黑片」，結果當然被阿正打啦！

之後大家去到拍攝現場，終於見到Jeffrey了，Edan問大家：「覺唔覺得Jeffrey學壞咗？」阿正立即說：「學壞咗啦！」Edan重提Jeffrey之前的有味留言：「有冇見佢喺我個post留言？我話我想做楊過，你就做隻鵬，佢就喺我個post留言：『佢話做你隻鵰？』仲要講咩……」Jeffrey接着說：「你想做細鵰定大鵰？」Edan向阿正投訴：「佢跟得你多！」阿正就問Jeffrey：「其實你本身想講咩鵰先？」 Jeffrey解釋：「大家都有睇《神鵰俠侶》！」這時珈其忽然說：「佢哋話你係細鵰喎！」Jeffrey即時很尷尬，Edan就幫講說：「我見過，唔係嘅！」怎料Jeffrey忽然說：「我俾你含……」全場立即瘋狂爆笑！Edan說：「喂，我條Vlog出唔到街呀！」

很多膠粉都留言說看得很開心：「好掛住膠戰! 好掛住6膠! 多謝Edan！S2完咗就冇睇電視，每星期快樂泉源，一定要有S3 , S4！」、「好耐冇開心咁笑過，疫情期間真係需要多啲開心嘅嘢！」、「膠戰behind the scenes好搞笑，同埋六膠嘅火花好正，尤其係阿正同Edan呢對sister CP！」、「呢排啲新聞睇到令人好down及不能理解，疫症及戰爭沒完沒了，真係好需要搵啲嘢調劑輕鬆下，6膠嘅化學作用真係冇得頂！」

2022 年 3 月 2 日2022 年 3 月 2 日

娛樂

《膠戰》Hillary同洪卓立傳緋聞開Live唱《你最紅》甜笑迷人

30歲的Hillary（劉沛蘅）因主持節目《膠戰》而大受歡迎，樣子甜美的她在剛剛播完的《膠戰S2》，被其他膠人踢爆她戀愛經驗最豐富，怎料沒多久，洪卓立在IG Story上載了Hillary抱狗仔的相，之後再秒刪，被網民笑他錯手公開戀情，雖然洪卓立否認兩人拍拖，不過真相只有他們才知道！

最近Hillary有份參演無綫重頭劇《家族榮耀》，劇中她飾演的馬招娣是馬家大少奶熊黛林的大女，而潘藝桐飾演她的妹妹，最近Hillary和熊黛林、潘藝桐、唱劇中主題曲的鄭欣宜和唱片尾曲的陳維諾開Live，期間Hillary和潘藝桐唱《你最紅》助慶，Hillary的唱功當然不可以跟專業歌星比較，但見她全程四萬甜到漏，未知是否想起立立呢？

2022 年 2 月 8 日

娛樂

《膠戰S2》主題曲《膠on!》半日過10萬點擊膠粉：MV超mm7，跪求第3季

ViuTV節目《膠戰S2》由呂爵安（Edan）、岑珈其、魏浚笙（Jeffrey）、徐浩昌（肥腸）、黃正宜（阿正）和劉沛蘅（Hillary）主持，播出以來大受歡迎，昨晚那一集6膠回饋粉絲，炮製了《膠戰》主題曲《膠on!》。6膠匯報MV構思時已經相當爆笑，最靚仔的Jeffrey弄了個《Jeffrey煨自肥企劃》，講述5膠被綁架，綁架和營救5膠都由他飾演，還提議全部人以光頭拍攝，笑到大家反肚！Edan因為自小很喜歡戰隊，所以提議5膠扮五色戰隊，一起打殘扮怪獸的阿正，珈其就參考電影《落水狗》和《Now you see me》，他們的任務是潛入ViuTV偷《膠戰》合約，改做100季！阿正就想在MV入面和Jeffrey結婚，阿正說完，導演已經即刻搖頭。結果導演將眾人構思集大成拍成MV，而當中有一句歌詞「Jeffrey Loves Bonnie （阿正英文名）」明益阿正！

由於《膠戰S2》只剩下3集就播完，6膠當然不捨得，還呼籲膠粉狂loop MV，集氣叫ViuTV開拍第3季，Edan在IG留言：「睇咗MV未啊！未就即刻上YouTube睇啦！睇咗嘅就上去再睇！」阿正亦在IG留言說：「我哋嘅友誼已經超越咗物種，怪獸同戰隊都可以成為最好嘅朋友。我真係好愛六膠呀！《膠On!》MV出咗喇，一齊Loop爆佢！好冇？」Jeffrey亦出post寫道：「光頭煨正式誕生，邊個話我有偶像包袱！連光頭拍MV都俾我諗到，希望大家睇得開心聽得開心！愛六膠！」結果MV在YouTube上載半日，已經有超過10萬點擊，走勢凌勵！膠粉紛紛留言大讚MV搞笑：「首主題曲同MV真係超mm7（『正』字的速成碼）呀，笑到我癲！」、「上Chill Club唱live！」、「跪求第3季Please！」、「期待一百季！」、「呂爵安世一！」、「阿正做怪獸好正！」、「膠戰膠到暈，正！」群情洶湧！