Ian Archives - METRODAILY

娛樂

MIRROR 演唱會主題曲《WE ARE》MV放笑料姜濤：Anson Lo點Fing個蔭都唔郁

MIRROR 一連12場《MIRROR.WE.ARE LIVE CONCERT 2022》將於7月25日（下星期一）展開，演唱會舉行在即，MIRROR順勢推出演唱會主題曲《WE ARE》。在MV中，可見12子零偶包玩到癲，懶理已可預見的大量黑圖湧現。

MIRROR成軍3年多來，由《全民造星》到首度踏上紅館舞台，除了12子努力不懈外， Fans一直對他們的不離不棄、力撐支持亦絕不可少，今次新歌《WE ARE》，MIRROR透過歌聲，感謝每一位粉絲之餘，亦約定不論在開心戀愛、寂寞害怕之時，只要有需要，MIRROR都會一定陪伴在側，與大家一起走過高低起跌。MIRROR視《WE ARE》為入場睇演唱會前給粉絲的熱身作，AK分享道：「呢首主題曲係比較開心啲，希望大家入場睇嘅Fans同埋觀眾都能夠感受我哋嘅正能量。編舞方面，Rock Sir特別編咗一段比較Signature嘅舞蹈，唔算好難，希望大家可以跟住一齊跳，一齊開心！」

歌曲題材夠溫馨又滿滿的正能量，但MV內MIRROR眾人側放低偶包，聯手炮製笑料十足的畫面。Lokman道：「我哋係銀河宇宙守護隊，保衛宇宙和平，但宇宙已經和平咗好耐，所以我哋有工返等於冇工返，因為太無聊，大家就搵嘢做。」而身為MIRROR隊長的Lokman，在守護隊內亦繼續他的隊長角色，並介紹道：「我係好認真、正義凜然嘅隊長，雖然冇嘢做但都會督促隊員做嘢，最後就真係有嘢做喇！」

這班銀河宇宙守護隊隊員的任務，就是要保衛地球，而Alton則在隊中負上重責！Alton說：「今次遇到嘅隕石問題，係可以透過《石破天驚動舞拳》呢本秘笈得到答案，而我係帶領大家拯地球！」聽似非常認真的拯救故事，但實情是MIRROR人人都發揮其搞笑細胞，在MV中大放笑彈。Alton續道：「以往會放低偶包拍攝嘅MV有《Ignited》或《All In One》裡面扮鬼臉一幕，而拍攝《WE ARE》時同導演溝通，想今次有啲周星馳嘅舞步，起初做出嚟都太似跳舞，導演想睇落唔似舞步嘅步法，咁先俾大家睇到亂舞嘅MIRROR俾大家睇，所以喺現場就度咗一啲發癲、發狂、發喪嘅舞姿，都幾有Feel！」

若有欣賞過《Boss》MV，都應該記得Edan與Jer相映成趣的搞笑功力，今次他們又再合體，並親自度出瘋狂絕妙的搞笑場口，Edan笑道：「《WE ARE》MV都好適合我哋，繼上次《Boss》之後又再搵我同Jer玩。」Jer也說：「導演一嚟到就話，喂！好掛住你哋兩個孖寶呀！今日都係整返個孖寶先啦！」對於自己度的笑料，Edan亦很滿意，並說：「我哋創作咗好多Scene，真係創作力量同幻想，會嚇你一跳。」

要搞笑，免不了要放低偶包，型格全清，換來的是醜化自己的畫面，但分分鐘會成為製作黑圖的最佳材料，不過Anson Lo一聽到即表示：「黑圖？完全唔介意，因為平時都大把黑圖！」姜濤也說：「我哋平時都會Post大家嘅黑圖。」Anson Lo也認同，更說：「就算我哋以往嘅MV，睇落冇黑圖，但其實喺某啲位嘅0.1秒突然pause，我哋啲跳舞樣都會變咗黑圖。」姜濤即想起自己的「傑作」，指著Anson Lo笑言：「最終極係我Post你演唱會嗰張，屍骨分離。」Anson Lo回想起也大笑說：「所以我哋已經慣咗，呢個係我哋嘅傳統，有別於對上幾次偏向型格男團風嘅團歌。」雖說放低偶包，但姜仍大讚Anson Lo，叫大家留意MV當中細節，說：「今次係第一次大家都咁癲，《Ignited》、《Boss》都冇咁瘋狂，不過呢個MV最勁係Anson Lo個頭點揈個蔭都唔會郁！」Anson Lo聽罷也自豪道：「我係Spray王，ok？！」

今次MIRROR眾人埋位都參與了小創作，令笑料貫穿全MV，被問到當中誰最高笑，結果Frankie及Jer都大熱當選，Lokman解釋選Frankie原因道：「皮皮平日係一嘢就中，但佢今日好高功，嘢嘢都中，今日算爆燈！」Frankie聽到讚賞，即謙虛道：「我不嬲都唔覺，你哋開心，我就開心。」Jer當選，但Edan卻酸言，說：「佢今日懶特別，著單邊，我哋11個都著成件，結果犯連戲問題。」Jer即扁咀回應：「花姐話OK嘅。」二人一唱一和，繼續發揮他們的搞笑本色。至於Alton見大家談得興起，即笑言自己都落力搞笑，想盡最後一分力拉票，Ian聽見，即起哄道：「佢想要票，俾晒佢喇！」而向來都屬文靜派的Jeremy跟Tiger，均表示已盡力搞笑。忍笑方面，眾人不敢認叻，但身為隊長的Lokman都大讚各隊友，說：「大家都幾叻，今日大家都好高功，但冇爆蟹情況出現，大家都有一個非常專業嘅演出，俾啲掌聲自己。」

《MIRROR.WE.ARE LIVE CONCERT 2022》下星期一便舉行，MIRROR除了推出新作外，亦不忘提提大家入場備忘，Lokman率先提醒：「背好晒歌詞，聽多幾次我哋嘅歌，順手撐一下Hit Rate。」AK則溫馨提示：「帶多個口罩，因為跟住我哋跳舞會濕晒，另外我哋勁歌熱舞跳到濕晒呢，大家都會好興奮，都會出晒汗跟住濕晒喇，所以要帶定毛巾抹汗。」Jeremy提大家要帶飛，Ian則道：「去定Toilet，因為冇廁所位。」AK聽到即強調：「特別唔好揀佢唱時去廁所呀！」

22 7 月, 202222 7 月, 2022

食玩

foodpanda x 麥當勞Ian主題餐廳登場尖沙咀設3D立體廣告＋推熊貓造型蛋糕

麥當勞近年和MIRROR 合作，拍攝多條廣告又推出應援物，吸引不少鏡粉支持。最近麥當勞聯乘 foodpanda推出兩款限定Pau-Pau造型蛋糕，一款表面鋪上烏龍味芝士慕斯，另一款則鋪滿乳酪慕斯，並找來Ian （陳卓賢）擔任代言人。由即日起，尖沙咀碼頭還有 Ian x Pau-Pau的3D立體戶外廣告，而金鐘海富中心分店、尖沙咀星光行分店及沙田新城市廣場分店，將會佈置成限定主題餐廳，設有櫥窗打卡位及Ian與Pau-Pau的宣傳硬照，讓一眾Hellosss盡情打卡！

由8月8日起至8月21日，凡訂購指定「Pau-Pau蛋糕3人餐」，除了可獲贈「Pau-Pau x Ian Chan MIRROR即影即有相框」乙張（共1款），更會首次送出Pau-Pau商品「Pau-Pau x McCafé 零食碟仔」乙份。

22 7 月, 202222 7 月, 2022

娛樂

陳卓賢新歌《Distance》剖白真發呆假黑面 Ian：傷心失望會令你封閉自己

陳卓賢@MIRROR (lan）今年先後推出了《留一天給你喘息》及《GotU》兩首甜到漏情歌，並預告會在演唱會前再推一首新歌；一首自己好喜歡沖涼聽、瞓覺聽的新歌。今日lan趕在演唱會前天再推出新歌《Distance》。新歌繼續由lan作曲、他和T-Rexx聯合填詞，但內容卻是講人與人間的距離，最後甚至學會沉默、收起情感去保護自己，MV亦全程Poker Face示人。lan為力求完美，更主動要求重錄新歌，將最好的呈獻給樂迷，他說：「聽完覺得自己唱得唔好，仲有進步空間，vocal係同之前有啲唔同，唔知大家聽唔聽到，我自己真係幾鍾意，都希望大家鍾意。」

《Distance》的歌名，lan表示打從demo時已經決定好，是講述一段關係的距離。lan說：「係源自於一段關係曾經好close，演變到無以前咁好就會開始慢慢覺得有一段距離。距離如同封閉自己，曾經在一段關係、一件事上放了很多心機，用心去經營，付出許多，但結果不是理想中，彼此愈走愈遠會有不甘心，傷心失望會令你封閉自己，以免自己再受傷害。」所以今次MV lan演繹時不會有太大情緒起伏，由開始接受傷心不懂反應，到強迫說服自己接受，Poker face會一直存在，像歌詞「撲克式的臉」喜怒不形於色，是一種保護自己的意識。

問到lan予人性格內斂、收埋自己，是否都是一種自我保護意識，lan笑說：「可能我俾大家誤會，無表情就係嬲或者唔開心，就好似大家俗稱嘅黑面，但其實唔係，真實我成日都放空發呆，唔係有咩情緒，純休息狀態。」lan亦補充有些人外向、有些人較内向内斂，内斂的人性格就可能收埋自己，好少將情緒掛在口邊，但這是他的性格亦不代表這就是負面。

lan說：「可能我俾大家誤會，無表情就係嬲或者唔開心，就好似大家俗稱嘅黑面，真實我成日都放空發呆。」

lan說：「曾經在一段關係、一件事上放了很多心機，用心去經營，付出許多，但結果不理想。」

至於《Distance》的創作上，lan繼續身兼作曲外，自《Got U》與T-Rexx首次合作後，今次再找來他填詞，lan說：「上次《Got U》合作好開心，所以直接問T-Rexx有無興趣一齊寫，而因為一齊寫就傾咗好耐，大家都諗咗不同故事，然後一直修飾到現有版本。」不過原來現時出街版本是重錄，lan解釋之前瞓覺聽、刷牙沖涼聽是demo版本，但在歌曲錄完再完成後期後，lan反而明顯少聽。在他認真再三聽過幾次後，發現原來是自己問題，說：「聽多幾次係自己唱得唔好，所以喺度同喲合作單位致歉，始終麻煩到大家。但我諗法係一日未面世，仲有進步空間，一定要做過最好版本，今次Vocal上大家可以留意吓，希望會俾大家家發現有所不同。」

15 7 月, 202215 7 月, 2022

娛樂

MIRROR 推BABY MIRROR 疑登陸時代廣場預購演唱會周邊產品有BABY MIRROR X MIRROR Pin Set

MIRROR 將於7月尾舉行紅館演唱會，現時正忙着排練，想不到近日都有新搞作！MIRROR官方IG帳號日前（4日）發布12子的Q版影片，他們化身BABY MIRROR，擺出不同表情，可愛到爆！今日花姐又在IG貼出12子真人加BABY MIRROR的相留言：「Baby MIRROR好鬼cute！」相中見真鏡仔和BABY MIRROR很似樣，勁得意！鏡粉紛紛留言：「好可愛吖❤️❤️❤️❤️❤️❤️多謝花姐！」、「花姐，你12子愈嚟愈可愛，我哋頂唔住喇！」

除了MIRROR官方社交平台，MOOV亦在社交平台發布BABY MIRROR背面短片寫道：「OVER OVER！BABY MIRROR 來襲😎！想知呢12粒人仔即將喺邊到出現🤨？STAY TUNED！」而貼文有標記香港時代廣場，而香港時代廣場亦在社交平台寫道：「OVER OVER！BABY MIRROR 來襲！STAY TUNED！」不少鏡粉都估計時代廣場將舉辦活動和推出BABY MIRROR精品。記者向官方查詢，回覆指下星期會有新公布！

預購演唱會周邊產品：BABY MIRROR X MIRROR Pin Set

MIRROR官方IG剛剛公布了演唱會周邊商品，可供鏡粉在網上預購，最驚喜是除了有演唱會Boxset、postcard set、Tee等，還有BABY MIRROR X MIRROR的Pin Set：「立即睇睇今次有咩演唱會周邊商品先👀！有熱焫焫時最啱用嚟抹汗嘅應援毛巾🔥、極具收藏價值嘅演唱會Boxset🎞、印有12位成員靚相嘅應援扇、BABY MIRROR X MIRROR嘅Pin Set、亞加力人物座等。今次所有商品將於MOOV Shop率先獨家網上預購，購買詳情將於稍後公布，記得留意MIRROR及MOOV IG同FB嘅更新啦！」

6 7 月, 20226 7 月, 2022

娛樂

Ian為《Got U》兼做樂手　向全能唱作人進發預告演唱會前再出新歌：我好鍾意嘅作品

陳卓賢（Ian）於新歌《Got U》除了和T-Ma攜手作曲外，歌詞、編曲部分都參與很多，除此之外，他還兼任樂手，向全能唱作人方位進發。今次是Ian首度和填詞人T-Rexx合作，但原來二人的創作過程，多以英文歌作主導。Ian說：「我平時聽英文歌佔好大比重，聽到某隻英文歌嘅歌詞好啱《Got U》，就會成隻歌Share俾T-Rexx，跟住佢就會用佢嘅方法，消化下，再睇下可唔可以轉返做廣東話歌詞，放喺歌入面，《Got U》就有呢個元素喺入面。呢個係一個幾得意嘅溝通方式，咁當然，我亦有話佢聽想要乜嘢主題、感覺，但用唔同語言嘅歌曲嚟做reference都得意。」

作曲方面，繼《DWBF》和《搞不懂》後，Ian再次和T-Ma合作。有了上兩次嘅經驗，二人都很了解對方的喜好，創作上亦有了一定的默契，因而成就了《Got U》的誕生。Ian回憶道：「喺錄緊《留一天與你喘息》時，我哋已經決定咗用《Got U》嘅旋律，然後我哋上網聽下歌，聽完我就有啲諗法，T-Ma就話『Try it』，跟住就遞咗支結他俾我彈出嚟，錄咗入電腦，然後佢再砌啲嘢上去。T-Ma係好厲害亦好擅長呢一類曲風，所以我哋好快就完成新歌製作，呢首係幾隨心但唔輕率嘅作品，喺好自然環境下發生，然後有個Magic Moment促成呢個作品出現。」亦因為這次忽然靈感到，Ian多了編曲人身份，向全能唱作人方位進發。

Ian透露《Got U》過後，《MIRROR.WE.ARE LIVE CONCERT 2022》之前，將會推出多一首個人作品：「今年嘅第3首歌喺拍攝《Got U》MV期間已經開始錄音，所以如無意外會喺演唱會前會有多一隻歌出現。新歌係我好鍾意嘅作品，寫完新歌嗰日都幾興奮，返到屋企沖涼又聽，臨瞓前又聽，我好期待，希望大家都期待。」Ian表示新歌跟《留一天與你喘息》和《Got U》截然不同，除了作曲以外，他亦有參與填詞和其他部分，詳情將會稍後慢慢揭曉。

13 6 月, 202213 6 月, 2022

娛樂

陳卓賢29歲生日 Stanley晒Ian敷Mask剃鬚片姜濤搞錯日子再晒合照賀壽

Ian （陳卓賢）今日29歲生日，一眾Hellosss（Ian粉絲名稱）早已安排生日應援為偶像慶祝，除了在九展舉行Ian生日慈善展覽，又和保護遺棄動物協會（SAA）合辦「SAA x Hellosss毛孩助養計畫」，相當有意義！壽星仔Ian昨日就率先在IG貼出和兩位女生捧着蛋糕的合照，他寫道：「願望要用力許才會成真，幫大家許埋一份。」Ian的頭號粉絲AK（江𤒹生）就搞笑留言說：「聽日先生日，咁早衝出嚟，我係唔會講生日快樂！」

今日一班MIRROR兄弟輪流在IG Story出post賀壽星仔，姜濤未知是否很掛念Ian，4日前忽然貼出兩人合照祝Ian：「生日快樂哥！」之後發現搞錯日子就急刪post，相當可愛，今日姜Man再post同一張相說Happy Birthday，身在美國都這麼在意Ian生日，夠兄弟！Edan（呂爵安）就貼出MIRROR兄弟合照，相中他和Lokman（楊樂文）、AK、Jer（柳應廷）、Tiger（邱傲然）等，與捧着蛋糕的Ian影相。Stanley（邱士縉）則上載Ian「黑片」，片中Ian敷Mask剃鬚，樣子趣怪，Stanley還留言說：「呢條片每年都要拎出嚟一次！Happy Birthday ah陳！」Frankie 就拍片，向室外Ian大型廣告牌揮手，然後再對鏡頭說：「你對住我笑呀，生日快樂！」相當搞鬼！Tiger上載和Ian的舞台合照，兩人相望而笑，很Sweet！Jeremy（李駿傑）轉發MIRROR官方IG祝Ian生日快樂的相表心意。Anson Lo（盧瀚霆）在IG Story留言：「陳卓賢生日快樂，期待你下一首音樂！」

姜濤4日前忽然貼出兩人合照祝Ian：「生日快樂哥！」之後發現搞錯日子就急刪post，今日姜Man再post同一張相賀壽！

Edan貼出MIRROR兄弟合照，相中他和Lokman、AK、Jer、Tiger等，與捧着蛋糕的Ian影相。

Ian — Stanley還留言說：「呢條片每年都要拎出嚟一次！Happy Birthday ah陳！」

9 6 月, 20229 6 月, 2022

娛樂

花姐評MIRROR 讚Ian聰明 AK好Sweet Tiger必成大器 Jer應該擁有自己演唱會

MIRROR不單在香港爆紅，鏡粉亦遍及海外，日前加拿大中文電台節目《逍瑤郭杜》舉辦了「花姐我有嘢想問！」網上見面會，由加拿大鏡粉和經理人花姐（黃慧君）對話，讓大家更了解鏡仔。

Ian係一個西瓜

Ian（陳卓賢）的粉絲Hellosss問花姐：「Ian將來會唔會多啲機會拍戲拍電影？」花姐就讚Ian：「我覺得Ian做戲係幾好睇，佢做戲好自然，你覺得佢好into個角色，我都好想Ian拍電影，其實好多導演都有搵佢，但佢有好多考慮。今年我同Ian傾落，好想佢所有歌都有份參與創作，奠定佢俾人感覺係一個唱作歌手，所以佢擺咗好多時間喺創作度，我問佢想唔想做電影，佢都話考慮當中，Ian係一個好聰明嘅人，佢希望揀一個好適合嘅劇本先參與，但好似聽講都近㗎啦！」

花姐形容Ian是一個西瓜：「我覺得佢係一個西瓜，佢係我哋自己相處入面係好硬淨，你好難入到佢嘅世界，我哋一齊有活動，佢都選擇自己聽歌坐埋一邊，但咁唔代表佢唔合群，因為佢好想好enjoy自己嘅世界，好想每分每秒都聽緊歌，所以佢俾我感覺好『硬弸弸』，有啲嘢喺個面度，好難入到去。其實你同佢傾偈呢，佢裏面係一啲好甜嘅嘢嚟，佢好暖男，佢雖然行埋一邊，但佢留意緊每一位做緊乜嘢，可能佢見AK今日心情唔係幾好，就會突然間放低自己做緊嘅嘢，走埋去同佢玩吓、攬下傾吓偈，佢好似個西瓜咁『硬弸弸』，但其實內心係暖笠笠、甜絲絲，好sweet嘅！」

花姐說：「佢好似個西瓜咁『硬弸弸』，但其實內心係暖笠笠、甜絲絲，好sweet嘅！」

講起Tiger好想喊

提起Tiger（邱傲然），花姐指他必成大器：「我記得今年同Tiger講咗四個字『必成大器』，我真係好欣賞Tiger嘅性格，我講呢個仔就好想喊，我覺得點解一個男仔年紀輕輕，喺MIRROR入面係最細個，但可以咁體諒佢嘅兄弟，點解佢嘅眼光可以望得咁遠！你唔好見佢23歲仔，其實佢內心入面嘅知識同睇法係好多，好多個人見解，我好想鼓勵Tiger，雖然依家你嘅機會比人哋少，唔係C位，唔係大家最注意嘅成員，但係我好想話俾你聽，你俾少少時間自己，一定必成大器！」

花姐又讚其實Tiger很有趣：「我覺得Tiger太禮讓，成日都話唔緊要，我咁細個，有機會俾咗啲兄弟先，永遠訪問就企埋一邊喺度聽，我好想話Tiger你要俾人睇到你好有趣，其實Tiger平時講嘢真係好好笑，佢講嘢係中point嗰啲人，我話點解你要浪費你嘅才華，唔俾人睇到你呢一樣嘢呢？不過大家有機會好快睇到Tiger另一個突破！」花姐又指正為Tiger爭取劇集和電影機會：「Tiger係屬於冇咁多機會嘅人，但我哋依家默默努力為佢搵緊啲啱佢嘅角色，本來有劇集嘅角色係好好嘅，但係又撞咗演唱會時段，依家我哋都爭取緊可唔可以俾佢做到。電影我都會不停喺導演面前話，不如你試吓Tiger啦，我哋唔介意唔係主角，只希望俾佢做戲嘅經驗，俾佢有曝光嘅機會就得㗎喇，我同Tiger都努力緊， Tiger係一個好努力嘅孩子嚟！」

好想Jer下年年頭出自己嘅碟

有柳柳粉問花姐Jer（柳應廷）會不會開自己的演唱會，花姐便說：「我唔會令大家失望嘅，今年嘅計劃已經塞唔落㗎啦，嚟緊我哋都希望俾單飛嘅歌手真係做歌手應該做嘅嘢，譬如開演唱會，例如有自己嘅碟呀，呢啲都係我哋計劃裏面，計劃咋，我冇應承大家。柳應廷真係唔係一個跳唱歌手，雖然好努力跳舞，但你見佢好辛苦，我見佢每次排MIRROR嘅歌，佢就尖叫，其實跳舞對柳應廷來講係吃力嘅，但佢唱歌真係好好聽，佢啱啱出唱嗰隻歌，未Mixing嘅版本我都聽到喊，我覺得呢啲嘢唔應該浪費，佢應該擁有自己嘅演唱會，將佢嘅歌聲俾更多人聽到，我好想佢可以上到紅館，好想佢擁有一隻對佢嚟講好有意義嘅碟，一隻有完整message pass到俾人嘅碟，我同佢都有傾過，好想下年年頭出到一隻好屬於佢自己嘅碟！」

AK成日都好Sweet

花姐讚AK（江𤒹生）經常都很Sweet：「佢冇特別做一件事令你好sweet，因為佢keep住都咁sweet，但係佢係唯一一個仔，會定期約我食飯，當然我未必一定出席到啦，但係佢會同你講：『阿媽我哋食飯囉！』佢會第一個同你講：『阿媽，母親節快樂！』我聽唔到佢講母親節快樂就收咗線，跟住佢就會send訊息嚟話：『你有冇搞錯，我同你講母親節快樂你唔應我！』你會感覺到呢個人好愛你，當你真係阿媽咁，你唔好睇佢粗粗魯魯，呢個人好大愛㗎！」

1 6 月, 20221 6 月, 2022

娛樂

Ian、Jer做尾場嘉賓好驚喜王菀之約定下世再見張敬軒感動爆喊

張敬軒紅館演唱會昨晚（29日）尾場，MIRROR成員Edan（呂爵安）、193（郭嘉駿）、谷德昭等前往捧場，昨晚皇上破天荒請了三位嘉賓，包括「皇后」王菀之，MIRROR成員Ian（陳卓賢）和Jer（柳應廷），令觀眾超驚喜！

王菀之第一個出場，她讀出寫給皇上的信：「張敬軒，你過得好嘛？沒見面的日子，我同你同好多人一樣，都係好努力咁追尋自己夢想，有時好困難，但冇放棄，因為放棄咗成為定局，但唔放棄一直行落去仲有希望，所以我哋彼此努力啦，無論將來點，我都祝福你未來有更多個廿年做你夢想嘅事，生活開心自在；幾年前我哋喺同一地方你問我，如果下一世遇唔番我點算呢？」此時皇上忍不住爆喊，王菀之說:「我會搵番你！」皇上回應：「多謝皇后！」兩人相擁，場面催淚感人！

第2位嘉賓是Ian，他送上自己第一架擁有的模型車：「皇上好好，教我好多嘢，銘記於心，做人一定要有目標，我將模型車送俾你先，他日我有真車，第一時間車你遊車河。」皇上勁冧：「阿叔我心都融晒呀，陰公！好珍貴，有歲月痕跡！」皇上知道Ian 6月生日，又說：「我好老實，特別而家收入唔多，廣告又唔夠你哋多，我啲廣告賣咗幾年都俾你哋搶咗，我見到你拍銀行廣告好開心，開心見到你哋喺樂壇有成績，好多人支持你哋，接受長輩祝福，我同你唱隻生日歌。」

至於壓軸出場的Jer收工趕到紅館做嘉賓，Jer送禮時拿出自己珍藏多年的《酷愛》CD說：「今次禮物我有少少私心，係隻CD，呢隻係我人生第一次買嘅CD，所以今次我超榮幸可以喺台上請軒仔簽名….」皇上搞笑說︰「大家聽唔聽到個代溝，佢人生買嘅第一隻CD，就係我嘅碟，所以你送隻碟俾我幫你簽名。」見到皇上簽名，Jer即開心大叫︰「Yeah！多謝你呀！」場面搞笑！

30 5 月, 202230 5 月, 2022

娛樂

MIRROR 拍《Innerspace》MV人人變落湯雞 Tiger：好似海嘯 AK連夜趕劇凍到打冷震

MIRROR 最新派台作《Innerspace》的MV自推出以來反應熱烈，當中「水舞間」一幕更成為熱話。早前眾成員分享了拍攝這一幕的點滴，讓樂迷可以見識到眾人有多貪玩。

Lokman與AK今趟在《Innerspace》MV中成為了騷肌擔當，穿上背心展示強壯臂彎，為了顯示優美線條，二人在埋位前都狂做掌上壓，不過AK因為連夜趕拍劇又再拍MV，在水中起舞人也凍得打冷震，完成後更需要即時喝熱水。AK道：「拍親MV都好似同水分唔開，繼《特登》和《REBOUND》後，今次喺《Innerspace》又再濕身，但因為最近拍劇又冇乜食嘢，又俾件背心我著⋯⋯我都知我唔夠大隻，抵抗力差少少，仲要第3日拍到凌晨6點幾，攰都係正常，所以會覺得有少少凍。」而跳舞多年的Frankie對於今次「水舞間」一役則道：「我哋跳咗咁多年舞，但喺水裡面跳，好多人都係第一次，原來係非常困難，同埋好多隊友都好大力踏水！」愛乾淨的Alton被濺得全身濕透，但卻未有介懷，更說：「喺水上跳舞係最晚拍攝嘅最後一Part，但能量係幾何級數咁提升，加埋水花，大嘅腳步聲，令到個效果加成，第一次睇Playback嗰下，我哋自己都『嘩！』一聲。」

今次在水舞間起舞一幕，如要數到最貪玩的，應該非Edan、Stanley及Jer莫屬。Edan笑言出盡力起舞都多得Stanley，Edan解釋道：「嗰個景大家見到都好興奮，因為好靚，而喺水裡跳有水花都好有型。咁喺水裡面都要全力以赴，隻腳嘅力量都要全力以赴，而我係師承Stanley嘅大力踩水。」Stanley聽罷Edan的話，即道：「拍鏡頭水花大先好睇，咁為咗好睇，當然要出盡全力踏水。最後嗰幕Jeremy喺我後面，每次一完擰轉頭望住Jeremy，都係由頭濕到落腳。我有問佢使唔使細力啲，佢話唔使㗎！」Jeremy指為了有型又要靚，也未有阻止Stanley的「惡行」，並說：「冇理由叫Stanley細力啲就我嘛，只不過最尾Ending Pose，我成塊面流晒水，但都要Keep住有型。」

落湯雞 — Lokman與AK今趟在《Innerspace》MV中成為了騷肌擔當。

其實當災的不只Stanley，AK因為著背心，當Stanley大力踏水時，水便由AK的腋下濺入到胸前，難怪AK會凍得打冷震。另外，Jer鏟草式的舞技也令人很傷腦筋，事關其中一幕他要跣入中間位置，但AK、Ian、Lokman及Edan當時要踎低，結果Jer未有收掣直接鏟入，AK笑指「啲水有浪㗎！每次內心都不其然Wow一聲！」Lokman更將Jer這一鏟為「狂人踩」。Jer聽到大家的形容後，都不禁失笑說：「咁好玩嘛！」本來未有加入討論的Ian都開聲道：「我踎低㗎，你咁樣飛埋嚟，你就好玩囉！」眾人你一言我一語的，人人氣氛高漲，結果Jer打圓場道：「我太投入件事，大家都要濕下身啦！」

未有發言的Tiger，則表示這次拍攝上了人生寶貴一課：千萬別行差踏錯！他說：「個Intro本身好有氣勢好大力咁跳，咁啱嗰下係跪喺度，但音樂一起太細聲聽唔到，大家起晒身又好大力好有氣勢，我一不留神，就好似有個海嘯湧埋嚟一樣，嗰下就即刻醒咗！」但Anson Lo卻道：「我幾Surprise自己冇食到水。」Tiger聽到即突破盲腸說：「我知點解佢跳舞咁大力，可以擋返啲水出去。」

此外，今次姜濤首度在歌曲中唱Rap，更要用英文演繹，他直言要「用英文說話」，這跟他的Solo作品《作品的說話》一樣，姜濤希望能從作品中說出MIRROR的心聲。

21 5 月, 202221 5 月, 2022

娛樂

【新歌訪問】Hellosss大讚新歌《Got U》好甜 Ian：因為有你，所有問題解決晒

Ian （陳卓賢）在2月14日情人節推出《留一天與你喘息》，MV至今點擊率已超過千二萬，歌曲先後成為ViuTV CHILL CLUB推介榜、新城勁爆本地榜、叱咤903專業推介冠軍歌，是Ian個人首隻三台冠軍歌，成績驕人！Ian今日推出本年度第二首派台作品《Got U》，是繼2020年《正式開始》、2021《DWBF》後又一首甜度爆標嘅情歌，令Hellosss（Ian粉絲名稱）相當興奮！

Ian今日推出本年度第二首派台作品《Got U》，是繼2020年《正式開始》、2021《DWBF》後又一首甜度爆標嘅情歌！

ＭＶ今晚9時首播，Hellosss看完MV大讚：「Ian一貫作風好好聽，抒情王子誰可代替！」、「好甜好浪漫 love sooooo much！」、「冧爆甜歌！」、「Ian點解可以咁可愛！」、「睇完有啲眼濕濕！」、「MV 有啲短，但好Sweet！」、「好貼心嘅boy，我又喊咗！」、「好甜好甜好甜！好開心陳卓賢又邁向曲詞編監近一步了！」、「期待今年紅館演唱會大家最後一齊唱『Cause I got 陳卓賢』！」

Ian形容跟《留一天與你喘息》相比，《Got U》是一直白情歌：「其實《留一天與你喘息》我唔係好當佢係情歌，因為好多時候，擺喺唔同對象，好似朋友、家人、身邊所有人，甚至是寵物都啱用，但《Got U》就係好直白嘅甜蜜情歌，直接話俾對方聽，因為有你，所有問題都解決晒。」今次Ian繼續負責作曲部份，並首度與填詞人T-Rexx合作：「向來唔係自己填詞嘅作品，就會同填詞人溝通好多，然後大家就會揮筆寫一份好好嘅詞出嚟，今次同T-Rexx第一次合作，但都幾一見如故，好直接溝通到歌曲會係乜嘢嘅感覺，當中有啲乜嘢密碼藏喺入面，所以今次合作都好開心。」

《Got U》的歌詞甜到漏，但今次MV的故事卻十分傷感，講述女主角因眼疾，與Ian的甜蜜溫馨逐漸從幸福的日常中漸漸流走。

《Got U》的歌詞甜到漏，但今次MV的故事卻十分傷感，講述女主角因眼疾，與Ian的甜蜜溫馨逐漸從幸福的日常中漸漸流走，但Ian卻覺得導演構思了這個傷感的故事，卻十分合理，他說：「人生不如意事十常八九，淨返一二就係開心事，正正因為有傷感嘅事，當有令你好開心或者好難得嘅事情出現時先特別顯得珍貴，而每一樣好開心嘅事嘅背後都一定有好長篇嘅故事，例如：一對情侶走到白頭到老背後都經歷好多，甚或有好多爭執、唔愉快嘅事。每一個美好故事背後，都一定有個傷感啲、現實啲嘅背景，所以MV劇情好合理。」

MV中，為了呈現一對情侶的甜蜜溫馨畫面，Ian有機會首嘗騎馬的滋味，穿上黑色牛仔褸的他，騎上馬背即化身「黑馬王子」，型格帥氣兼備，而Ian自己拍攝當日也騎得十分開心，瞬間變大細路！他開懷道：「第一次騎馬，好開心又好玩，希望以後MV都會有多啲唔同類型嘅活動！因為我放假空餘時間，都應該唔會喺bucket list有想學騎馬呢個想法，但導演話今次要騎馬時我係好開心，我好想試下。今日拍攝可以將一啲平時唔會做到，但原來我都好想做嘅事做到出嚟，所以好開心。不過騎馬開心得滯，掛住望隻馬唔記得望女主角，結果導演要不停提住我，要對望；但都好開心，仲要幫隻馬沖涼，正！」

其實拍攝當日正值暴風雨前夕，氣溫逾30度，但另一甜蜜場口則讓Ian與女主角可以在天台的水池中玩樂，透心涼一番，但Ian笑指：「都舒服嘅，落去嗰下涼浸浸，但真係坐落去嗰下又怪怪地，可能因為知道自己著住便服，然後著住正常內褲，如果著住泳褲加沙灘褲，成件事就好啱數。Physically（肉體上）又唔係好唔舒服，只係心理上覺得唔係著住一件好Appropriate（合適）嘅衫褲，但熱辣辣浸住水食下西瓜幾爽。」

Ian開懷道：「第一次騎馬，好開心又好玩，希望以後MV都會有多啲唔同類型嘅活動！」

至於另一場景，只見Ian手執咪高峰，與女主角在鏡頭前忘形高歌，不過MV中卻未有聽到Ian在唱甚麼，相信很多粉絲都會即時猜想歌曲名字，Ian即給予點點提示，讓大家估一下，他道：「唱呢隻歌係因為近期睇咗一套電影，電影裏面有出現呢隻歌，當導演話要我唱一隻歌氹女主角開心，要成個人好開心好有氣氛嘅時候，腦內第一時間就Pop Up（彈出）呢隻歌。係一位好敬佩嘅藝人前輩作品，所以第一時間就諗到，同時亦係向呢位前輩致敬，我自己都好鍾意呢隻歌，細細個就聽㗎喇！」憑藉Ian的提示，大家又猜到了嗎？

5 5 月, 20225 5 月, 2022

標籤: Ian