人氣男團MIRROR成員姜濤、Anson Lo、Jer、Stanley和Jeremy，早前踩入主題樂園拍攝，引起鏡粉哄動，一向出名為食的姜B今次大解放，攞正牌瘋狂喪食，連Anson Lo都笑他：「你又肚餓呀？咁不如我帶你去食好嘢啦！」入到餐廳，姜濤即現bling bling眼，忍不住笑咪咪，為食樣盡現！之後兩人明顯未滿足，再到室外食西班牙油炸鬼Churros，兩個食到嘴嘟嘟，姜B的面珠脹卜卜，很卡哇伊！
Jer（ 柳應廷）最近推出「重生系列」二部曲《砂之器》，新歌講述母子之間的爭執和仇恨，最後以「對不起」令關係和好如初。Jer接受本網專訪，自言生於幸福家庭，但亦會向媽媽發脾氣，有時工作太忙會忽略父母，Jer坦言要珍惜眼前人：「依家諗番覺得唔應該，因為搵到一個人着緊你同愛你，係一件好難嘅事！」
MIRROR夏日企劃第二擊登場！繼盧瀚霆（Anson Lo）後，成員柳應廷（Jer）再度攜手「狂人班底」小克、王雙駿，推出「重生系列」二部曲《砂之器》。Jer表示新歌以親情為題，希望提醒聽眾珍惜眼前人：「同家人相處難免會有不愉快，我哋係咪可以主動踏出一步、講一聲對唔住，去緩和雙方關係呢？唔好等到錯過，先學識珍惜身邊人。」
新歌呼應《狂人》
承接《狂人日記》，「重生三部曲」的第二生《砂之器》，講述前世情人約定來生以母子相見，即使角色更改、但血脈相連，Jer透露新歌暗藏小巧思：「歌曲前奏其實都係緊接《狂人》尾段，希望用少少嘅承接去串連成件事。」
有別於上次的瘋狂演繹，Jer笑言今次MV比較「貼地」，劇情亦偏向生活化，其中與失智母親上演的親情戲碼，令他直呼難忘：「MV最後一幕，講到失智嘅媽媽做住一啲好愛我嘅事情，望住佢嘅背影，我有好多後悔，所以我要喺凝結嘅空氣下同佢道歉。其實無聲嘅『對唔住』威力最大，我都培養咗好耐情緒，先做到嗰個感覺。」提到MV當中一幕喊戲，Jer亦坦言全靠家人打開淚腺：「當日我真係諗住自己嘅媽媽，最近因為工作，少咗返屋企，冇見一排發現佢嘅白頭髮同皺紋都多咗；所以拍攝時代入真實嘅畫面，就好容易喊得出。」
冀MV呈現電影感
向來被視為團隊的「品質保證」，Jer認為歌曲和MV有著千絲萬縷的關係，開拍前亦不時與導演開會，希望呈現電影感：「平時聽歌除咗專注喺音樂上面，我覺得畫面都好有幫助，點樣透過鏡頭引導觀眾思考，又要喺短短四分零鐘帶出訊息、講故事，其實真係好難，所以事前都要同導演傾劇本；另外我都有提早到場，睇下大家嘅演出，希望可以將佢哋嘅感覺，放喺自己嘅角色入面。」
人氣男團MIRROR 愈來愈紅，擁有超多「鏡粉」支持，近日有「鏡佬」在fb開了個「我老婆嫁咗比Mirror導致婚姻破裂關注組」訴苦，短短數日，加入群組的「苦主」已經超過25萬，很誇張。今日有「鏡佬」貼出惡搞MIRROR成員變女人的相，中招的包括姜濤、Anson Lo、Ian、Jer，這位「鏡佬」還留言：「唔抗衡一下，搞唔惦！你有Mirror, 我有 She乸！」超爆笑！
網友睇完姜B張相便說：「姜濤化濃妝戴假髮就已經係咁嘅樣，天生個樣太似女仔！」有網民說看見Ian張相「開始有心跳」，還說似葉佩雯。有人替Jer由原名柳應廷改名柳應婷，指相中人「堅似中森明菜+松田聖子」！至於最近IG追蹤紛絲人數超越姜B的Anson Lo，就獲網民大讚：「陰公，靚過幾多女仔啊！」之後有網民貼出資深女演員馮素波和 Anson Lo的相對比，想不到兩人激似樣，十足兩母子！
MIRROR成員Anson Lo昨日26歲生日，在《大叔的愛》飾演田田的Edan就和Jer、Jeremy送上蛋糕和壽星仔慶生，Edan還作狀錫錫飾演「阿牧」的Anson。Edan在IG寫道︰「阿牧生日快樂﹗雖然田田好麻煩又唔知自己想點，但其實佢都好重視你㗎，包容吓佢啦﹗#好耐冇一齊食飯 」Anson Lo就搞笑覆他︰「日日都包容緊。」
昨日Anson Lo還出了新歌《不可愛教主》，這首是《大叔的愛》片尾曲，出了不夠一日已經有超過33萬觀看次數，反應極好。 Anson Lo表示：「呢首歌唔係送俾自己，而係送俾神徒嘅生日禮物。」對於陳漢娜（Hanna）擔任MV女主角，Anson Lo說很緊張：「人生第一次拍MV係有女主角，最難忘係同Hanna頭貼頭嘅場面，第一次同女主角有咁貼身嘅接觸，真係好緊張！」為了向神徒派糖，他還谷肌出浴：「今次有啲鏡頭比較大膽，例如露背肌、甚至沖涼，對我嚟講算係幾大尺度，拍攝展示身材嘅場面之前，我就不停做掌上壓，埋位前都要做多幾下。」要給心心眼呢！
ViuTV全新節目《調教你MIRROR》成為全城熱話，MIRROR十二位成員接受梁祖堯「調教」，務求令十二位成員進化成更團結的「Better MIRROR」！明晚（9日）播出的一集將圍繞Ian（陳卓賢)，Ian認為MIRROR不如初成軍時般齊心：「力量比起我哋成軍第一個演唱會薄弱咗。」全因大家需要兼顧各自的工作，令大家步伐不一致。
花姐希望阿祖可以幫Ian「Open Up」自己，她直言很擔心Ian：「佢令人覺得同佢有好大距離，呢個距離連我同佢都有，遇到問題或者唔開心都唔會講，咁樣容易令人有誤會。」花姐還自爆經常和Ian吵架，連阿祖都覺得Ian很保護自己，有些難搞。於是阿祖安排Ian和另一成員Jer到麵包店跟老闆阿Kit學整麵包，原來老闆是Ian的忠實粉絲。過程中，老闆一句說話Hit中Ian，令他心情複雜。
