標籤: Kay

娛樂

謝安琪 方皓玟亞博騷增網上直播  預告Encore無極限

謝安琪(Kay)和方皓玟(Charmaine)的亞博騷由Live Nation HK主辦,將於下周六、日(13及14日)開鑼!今日兩人宣布將於尾場(14日)推出網上直播,勢以旋律連繫身處海外的聽眾,實現音樂無遠弗屆的精神。

謝安琪
謝安琪和方皓玟的亞博騷由Live Nation HK主辦,將於下周六、日開鑼!

方皓玟被歌詞考起

早前Kay和Charmaine率先透露將於音樂會上對唱、互唱及獨唱,務求滿足觀眾所有願望。近日二人密鑼緊鼓籌備演出,Charmaine不諱言被Kay的歌曲考起:「佢啲歌好難唱,而且每一段歌詞都唔同,所以有好多歌詞要記。到時會唔會有提詞機㗎?我唔知自己挑唔挑戰到啊!」為了完美演繹對方作品,Kay也特地化身「謝升Key」:「因為我哋嘅音域好唔同,唱佢嘅歌我要升三度半先唱到!」

兩大本地歌姬主打貼地,首首金曲膾炙人口,讓人格外期待音樂會的歌單編排,對此Charmaine卻笑指導演是「魔鬼」:「佢話我哋有好多歌可以揀,但係最後又唔俾我哋唱。」為求唱好唱滿,Kay更笑言:「我哋可以照唱,到時唔走、繼續唱!」

謝安琪
近日二人密鑼緊鼓籌備演出。
謝安琪
為了完美演繹對方作品,Kay也特地化身「謝升Key」。

《年度之歌》唱出心聲

音樂會的完整歌單尚未出爐,但是問到Kay和Charmaine最希望對方演唱自己哪首歌曲,Charmaine毫不猶豫選擇《異流》:「《異流》係我加入獨立公司後嘅第一首歌,亦都係我第一首獲得普遍認同嘅作品,每一次聽到呢首歌我都會喊!我有諗過如果由Kay去演繹我嘅『里程碑』會點呢?相信會有好大感受。」Kay則希望對方透過《年度之歌》,訴說歌者心聲:「好幾位歌手講過,會喺自己嘅騷選唱呢首歌,因為歌詞好體貼到佢哋嘅內心。好老實講,我得到呢首歌嘅時候,入行資歷尚淺,錄音當下仍未領略到歌曲裡嘅景致、人生嘅高低起跌;但係到咗依家,每一次唱都會好觸動,所以我都好想聽到小明唱,可能我都會喊。」

謝安琪
問到Kay和Charmaine最希望對方演唱自己哪首歌曲,Charmaine毫不猶豫選擇《異流》。
謝安琪
Kay希望對方透過《年度之歌》,訴說歌者心聲。

852FES 「覺醒音樂 方皓玟 x 謝安琪 Awaken Music Kay Tse x Charmaine Fong」

日期:2022年8月13及14日

時間:晚上8時正

地點: AsiaWorld-Arena

網上直播門票資訊:

網上直播場次: 8月14日晚上8時15分 (香港時間GMT+8) 

網上重播場次: 8月15日早上8時15分 (香港時間GMT+8)

直播門票開售日期: 8月8日早上11時至8月14日晚上7時

直播門票票價:HKD$380

“購票及直播平台 KKTIX” www.kktix.com/

今日兩人宣布將於尾場(14日)推出網上直播。
娛樂

謝安琪 周身飛債 方皓玟被囝囝影響生命「期間限定女團」下月空降亞博

由Live Nation HK主辦的852FES「Awaken Music Kay Tse x Charmaine Fong 覺醒音樂 方皓玟 x 謝安琪」音樂會將於下月13及14日假亞洲國際博覽館登場,兩大本地歌姫謝安琪(Kay)和方皓玟(Charmaine)破天荒同台演出,勢以歌聲傳達正能量、溫暖疫下苦況;兩人受訪期間亦藉著育兒分享,以行動訴說生命影響生命的偉大力量。

謝安琪
「Awaken Music Kay Tse x Charmaine Fong 覺醒音樂 方皓玟 x 謝安琪」音樂會將於下月13及14日假亞洲國際博覽館登場。

相識多年雞啄唔斷

有時候緣分來了,擋也擋不住。兩位炙手可熱的女歌手相識多年、卻苦無合作機會;直至今年八月,她和她終於攜手舉行首個聯乘音樂會,Charmaine形容這是「最好的時機」:「知道有呢個合作覺得好開心,期待已久嘅一件事終於來臨!以前覺得Kay好靚,唔係淨係個人靚,個心都好靚;我本身唔係一個說話多嘅人,但係遇上佢就有好多話題,可能因為大家都係媽媽,而且我哋都好鍾意音樂,所以有好多事情可以分享。」Kay也自言是「方謝配」的粉絲:「我都好想睇呢個騷啊!身邊有唔少朋友打嚟訂飛,我個熱線好似無停過;有啲好耐無見嘅朋友、甚至小學同學都好想睇,我都好開心。」

謝安琪
Charmaine說:「我本身唔係一個說話多嘅人,但係遇上佢就有好多話題,可能因為大家都係媽媽。」

歌曲貼地觀眾共鳴

從《姿色份子》到《憶年》、《異流》走到《浮沙》,要數經典廣東歌,一定少不了Kay和Charmaine;二人亦不諱言將於音樂會上對唱、互唱以及獨唱,務求滿足觀眾願望。至於最令人頭痛的歌單編排,Kay卻無有怕:「我覺得我哋嘅歌都係貼地、親切、容易同觀眾有共鳴,所以設計歌單時好似幾容易,因為好多歌都可以放埋一齊。」Charmaine亦趁機透露二人的開會日常:「通常用一個鐘傾流程,然後用兩個鐘傾日常開心事,哈哈!」

謝安琪
Kay說:「我覺得我哋嘅歌都係貼地、親切、容易同觀眾有共鳴。」

生兒育女體悟人生

除了歌手身份,Kay和Charmaine還有一個年中無休的角色——母親!二人不時交流湊仔經。Charmaine說自己昔日個性跳脫,直至兒子出生才變得從容自在,生命從此影響生命:「生咗小朋友之後,成個人好似去咗第二個階段,佢嘅出現令我重新經歷一次人生。」兩子之母Kay也贊同成長是雙向的:「我兩個小朋友嘅性格好唔同,大仔好外向,同我30歲嘅時候好似,覺得成個世界好有趣、好想衝出去;到我40歲生細女時,因為我嘅人生踏入下一步,所以呢個小朋友同我一齊成長,又會經歷唔同嘅嘢,佢同我好似,都係鍾意安靜、懂得表達自己諗法,所以成長係互動嘅,就算我養育兩個小朋友,都會有兩次不一樣嘅經歷。」兩位媽媽歌手坦言不會干涉子女的音樂取向,Kay還透露大仔張瞻近年熱衷聆聽本地歌曲,更會主動翻查父母親的舊歌細味歌詞,讓她好不感動。

謝安琪
Charmaine說自己昔日個性跳脫,直至兒子出生才變得從容自在,生命從此影響生命。

為慶祝「852FES」的誕生,Live Nation HK推出「Awaken Music覺醒音樂」特別版門票慈善NFT套票,收益扣除成本後,將全數捐贈予「母親的抉擇」,對此Kay和Charmaine樂見其成,也寄望為弱勢少女燃點希望,讓孩子擁有一個溫暖的家。

Live Nation HK推出「Awaken Music覺醒音樂」特別版門票慈善NFT套票,收益扣除成本後,將全數捐贈予「母親的抉擇」,對此Kay和Charmaine樂見其成。