標籤: Lokman

娛樂

魯庭暉任MakerVille CEO公布大計 MIRROR ERROR COLLAR晒冷 5月成立鏡仔官方FC 可訂演唱會飛

ViuTV總經理魯庭暉上週二(19日)調職,出任電訊盈科媒體集團旗下新公司MakerVille行政總裁,新公司主力內容創作、藝人管理、活動業務,集中火力發展公司旗下MIRROR、ERROR、P1X3L和COLLAR 等,為藝人作多元化發展,將ViuTV版圖擴大,昨日MIRROR紅館演唱會記者會上,魯庭暉首以MakerVille行政總裁身份出席。

魯庭暉
ViuTV總經理魯庭暉調職,出任電訊盈科媒體集團旗下新公司MakerVille行政總裁,今日MakerVille在九展Star Hall舉行記者會,介紹新公司的標誌和發展方向。
魯庭暉
MIRROR首次公開演唱新歌《Innerspace》,跳得相當落力!

今日MakerVille在九展Star Hall舉行記者會,介紹新公司的標誌和發展方向 ,並設Youtube直播,MIRROR、ERROR、P1X3L、COLLAR和6膠岑珈其、魏浚笙、徐浩昌(肥腸)、黃正宜(阿正)、劉沛蘅(Hillary)等齊齊現身,更有不少電影勁人助陣,包括杜琪峯、游乃海、銀河映像CEO朱淑儀、導演鄭保瑞,戲劇製作人袁劍偉、馮志強、趙善恆、羅嘉駿等出席,相當熱鬧!

魯庭暉
ERROR於台上獻唱《愛情值日生》。
COLLAR於台上獻唱《Call My Name!》。

魯庭暉介紹公司說:「MakerVille係一個地方,係做啲嘢出嚟嘅,做咩呢?三樣嘢,內容、藝人、活動,點先叫做得好呢?第一要做唔同類型新嘅嘗試,更好嘅作品俾ViuTV嘅觀眾,第二要做到喺香港以外嘅人可以透過唔同嘅方式睇到我哋嘅作品,第三要做到更多合作,無論係台前幕後,香港以至全世界,要同更多嘅唔同嘅製作單位、平台一齊合作,一齊令大眾感動,咁多位我哋會好努力咁做,我哋嘅make it happen!」

魯庭暉
P1X3L於台上表演《Just Lean On Me》。
魯庭暉
(左起) 六膠(徐浩昌、劉沛蘅、岑珈其、呂爵安、黃正宜、魏浚笙)。

全個記招最精彩是由MIRROR、ERROR、P1X3L 和COLLAR表演唱歌,MIRROR壓軸出場時唱出新歌《Innerspace》,之後宣布5月成立MIRROR官方歌迷會(FC),會員可獲得會員專屬迎新禮盒,有訂購演唱會、粉絲見面會,和會員專屬商品的機會,詳情就要留意MIRROR FB和IG!隊長Lokman說:「我代表MIRROR上上下下同大家講唔好意思,係遲咗少少,知道大家對呢個Fan Club有期望,所以不想大家失望,所以要計劃周詳啲,做多少少,同公司傾吓點樣執行,先俾個好嘅大家,多謝大家支持!」

魯庭暉
MIRROR宣布5月成立MIRROR官方歌迷會,有訂購演唱會、粉絲見面會,和會員專屬商品的機會!
娛樂

姜濤晒《造星》兄弟舊照祝大家童心不泯   鼓勵姜糖將生日應援做慈善

姜濤正籌備十胎新歌,近日在IG透露新歌同樣跟湯令山合作:「每一首歌都有它的使命和靈魂,這一次,我為十胎,感到由衷的驕傲。@gareth_tong(湯令山)let’s go!」之後又表示:「歌詞完成!」令姜糖超期待!昨晚姜Man在將過兒童節前,貼出4年前參加《全民造星》和一眾兄弟,包括Anson Lo、AK、Ian、Lokman、Alton、Stanley、肥仔、阿Dee等溫馨舊照和黑圖留言:「祝大家童心不泯、永遠快樂!」

姜濤
昨晚姜Man在將過兒童節前,貼出4年前參加《全民造星》和一眾兄弟溫馨舊照應節。
姜濤
Anson Lo
姜濤
AK
姜濤
Ian

被貼黑圖的 大表哥Stanley留言:「弟,你為甚麼出賣我呢?你這樣對你的哥!」跟住在IG Story貼出姜Man將口罩當眼罩的睡覺相反擊:「口罩是這樣用的嗎?」阿Dee就轉發自己的黑圖說:「So I say I love you!」超爆笑!

姜濤
左起Lokman、Dee、Alton
姜濤
Stanley被姜Man貼黑圖。
姜濤
Stanley貼出姜Man將口罩當眼罩的睡覺相反擊,超爆笑!

姜Man又寫道:「今天見到很多人po兒時照片,我也試著找回從前過兒童節的記憶,可惜的是真的沒太多印象。而因為最近在做新歌,我今天想到的更多是那些身處不和平地區的兒童,不知道他們今天是否在廢墟中度過,是否能吃飽穿暖,是否仍對未來充滿希望。」難過十胎的主題正正是「身處不和平地區的兒童」?

姜濤
阿Dee就轉發自己的黑圖說:「So I say I love you!」


姜Man又鼓勵姜糖將他的生日應援集資用來幫助有需要的人:「知道最近有些粉絲開始為我籌備生日和新歌的應援,對此我非常感激。我想說,你們的心意我全部都收到了,但今年我希望你們把應援集資用來幫助身邊更多有需要的人。特別是現在疫情時期,社會上每一個人都過得不容易。所以,我們更應該傳遞我們的愛心和力量。」

姜濤
姜Man又鼓勵姜糖將他的生日應援集資用來幫助有需要的人。

姜糖紛紛表示收到:「你的說話我們收到了!」、「你的心意我哋都明白,你用心做好你的新歌。願天主祝福你的一切,像你這樣善良的人,加上你的影響力,你的作品,你的說話,一定是對世界美好的祝福!」、「運用你嘅影響力推動別人獻愛心,真心RESPECT!!」、「善良的你,今年有很多善良的糖做慈善應援呀!」事實上,姜糖近日正舉行慈善應援活動,將4間茶飲店變成主題生日店,同時有義賣活動,而知聖雅各福群會的「助學改變未來服務」,正是這次活動的受惠機構,為基層小朋友解困,好有意義!

娛樂

MIRROR 全團入選百大俊男   姜濤、AK、Ian、Jeremy、Lokman紅到去印尼

美國網站TC Candler每年都會舉行「全球百大俊男/美女」排行榜(The 100 Most Handsome Faces),早前已有11名MIRROR成員成功入圍角逐,最新連Alton(王智德)都榜上有名,MIRROR全團入選,為港爭光,恭喜!不只這樣,MIRROR成員近日亦紅到去印尼!

MIRROR
MIRROR人氣爆燈,成員多次衝出國際!
MIRROR
美國網站TC Candler每年都會舉行「全球百大俊男/美女」排行榜,早前已有11名MIRROR成員成功入圍角逐,最新連Alton都榜上有名,MIRROR全團入選。

繼近日姜濤連續兩年成為英文雜誌《Tatler》300位「亞洲最具影響力人士」之一後,《Tatler Indonesia》最近在官方IG和網頁以《Five watches worn by MIRROR, the rising Hong Kong Cantopop Boy Band》為題,介紹MIRROR五子姜濤、AK(江𤒹生)、Ian(陳卓賢)、Jeremy(李駿傑)、Lokman(楊樂文)戴過的名錶,又以「躍升的廣東歌男團」形容MIRROR!

MIRROR
《Tatler Indonesia》最近在官方IG和網頁介紹MIRROR五子戴過的名錶,包括姜濤!
MIRROR
還有Ian和Lokman。

其文章引言用印尼文寫道:「對於藝術家、運動員和公眾人物來說,豪華手錶似乎是日常活動中必須佩戴的配飾。從優雅的 Piaget Polo Blue Panda Automatic Chronograph, 到引人注目的 Santos de Cartier,這裏有一些亞洲人物佩戴的豪華手錶,如 Anson Kong、Keung To、Ian Chan、Lokman Yeung 和 Jeremy Lee。」認真威威,令五子的粉絲相當興奮,紛紛留言讚好!

MIRROR
報道還有AK。
MIRROR
Jeremy亦有份。
MIRROR
《Tatler Indonesia》以《Five watches worn by MIRROR, the rising Hong Kong Cantopop Boy Band》為題,又形容MIRROR是「躍升的廣東歌男團」!
娛樂

十一子入選 Lokman虎仔齊入百大俊男 只爭Alton指日可待

美國網站TC Candler每年都會舉行「全球百大俊男/美女」排行榜(The 100 Most Handsome Faces),早前已有多名MIRROR成員成功入圍角逐,包括姜濤、Anson Lo(盧瀚霆)、AK(江𤒹生)、Edan(呂爵安)、Ian(陳卓賢)、Jer(柳應廷)、Jeremy(李駿傑)、Stanley(邱士縉)、Frankie(陳瑞輝),今日連隊長Lokman(楊樂文)和Tiger(邱傲然)都成功入圍,12子現時只差Alton(王智德)尚未入選,但鏡粉都相信只是時間問題 !

Lokman
美國網站TC Candler每年都會舉行「全球百大俊男/美女」排行榜,早前已有9名MIRROR成員成功入圍角逐。

鏡粉知道Lokman和Tiger入選後相當興奮,紛紛留言:「虎仔有型又靚仔! 」、「虎仔真係靚仔,化唔化妝都靚!」、「Congratulations to Lokman!」、「太開心啦,期待已久!」、「第一次姜濤、AK入圍時,我已經話全部12子入晒圍就皆大歡喜,唔需要拿來比較邊個靚仔啲!」 、「這班男孩子不單外表俊俏,內心也是優秀善良,所以他們12個入圍,也给外界知道香港的年經人多麽優良呀!」

Lokman
今日連隊長Lokman都成功入圍。
Lokman
成功入圍的還有Tiger。
Lokman
12子現時只差Tiger(王智德)尚未入選,但鏡粉都相信只是時間問題 !
娛樂

AK、Alton出合唱新歌《REBOUND》 生粉、蛋白粉:雙A組合無得輸,Rap好正

MIRROR成員AK(江𤒹生)和Alton(王智德),今日推出合唱新歌《REBOUND》,Alton還親填Rap詞,雖然MV今晚9時才有得看,但昨日兩人已經在社交平台上載新歌MV預告片,片中見AK和Alton挨着瞓覺,之後兩人和一班好友開派對,開心又熱鬧。AK留言:「希望可以係呢段艱難嘅日子裏面,俾到幾分鐘歡樂大家,無論情況有幾壞,最後一定會REBOUND。」Alton說:「最靚仔同最有型嘅人出現了」、「望君一笑!」新歌MV客串歌手陣容鼎盛,包括隊中兄弟Lokman(楊樂文)、Frankie(陳瑞輝)、C AllStar陳健安(On仔)、洪嘉豪、陳穎欣、「小薯茄」鄧麗英、組合ONE PROMISE和Nowhere Boys等,令粉絲超期待!

AK
MIRROR成員AK和Alton,今日推出合唱新歌《REBOUND》。

AK、Alton又跟粉絲大玩互動遊戲:「 準備好嘅你哋,跟住MV預告嘅呢段音樂,自創15秒嘅Rap詞等未Ready嘅朋友一齊迎接「REBOUND」,Post IG Story Tag返 @kisang @altonwongz @mirror.weare ,出色嘅作品我哋就會Repost,等大家一齊REBOUND!」AK的生粉和Alton的蛋白粉都很踴躍參加:「MIRROR AK加王勁,睇到生粉入晒定,聽歌loop歌無時停,新歌宣傳起世嚟,REBOUND過後,坐住跑車四圍Fing! 」、「聽日唔使出街,留喺屋企乖乖,坐等聽Live,唔使搵周公,九點較個鬧鐘,輕輕鬆鬆!」

AK
昨日兩人已經在社交平台上載新歌MV預告片,片中見AK和Alton挨着瞓覺。
AK
之後兩人和一班好友開派對,開心又熱鬧。
AK
MV還有辣跑鏡頭。

《REBOUND》1時在各大音樂平台上架後,生粉和蛋白粉都大讚:「王智德、江𤒹生雙A組合無得輸!」、「好新鮮,Rap好正!」、「正呀,正能量滿晒,好期待今晚嘅MV!」、「Lets dance and clap your hands!」、「好party feel!」、「你今次真係顛倒眾生嘅王勁!」、「個vibe好正呀!」、「首歌好正喎!受疫情折磨緊,聽佐心情會放鬆一些!」、「歌詞:『平時九龍過海我都會坐飛機』勁型!」

AK
今次終於等到Alton出歌,蛋白粉超開心!
AK
AK、Alton又跟粉絲大玩互動遊戲:「 準備好嘅你哋,跟住MV預告嘅呢段音樂,自創15秒嘅Rap詞等未Ready嘅朋友一齊迎接「REBOUND」!」
AK
AK的生粉和Alton的蛋白粉都很踴躍參加。
娛樂

MIRROR 開Live抗疫  姜濤爆阿媽有潔癖唔煮飯 大表哥:佢想生女好有父愛

第5波疫情失控,很多人都留家抗疫,MIRROR繼早前擔任抗疫大使拍攝宣傳片,為大家打氣外,由昨晚開始《Mirror FB Live From Home》,一連四個星期五晚,派出不同成員在Viu官方fb開live,和鏡粉見面聊天,而頭炮就是姜濤、隊長Lokman和大表哥Stanley 。

MIRROR
MIRROR由昨晚開始,一連四個星期五晚,派出不同成員在Viu官方fb開live,和鏡粉見面聊天。

一開始Lokman說:「最近疫情都好嚴峻,所以我哋諗住開live同喺屋企嘅大家傾吓偈!」之後Stanley問姜濤和Lokman:「有冇多咗叫外賣?平時煮唔煮嘢食?」Lokman說初時叫外賣多,但叫外賣太多頂不順,最後唯有自己煮,姜濤卻自爆家中不煮飯:「 叫外賣,我都係長期叫外面,自己唔識煮,阿媽有潔癖,又係唔鍾意煮飯!」Stanley說:「我搵到你容易肥嘅原因喇,可能太重油同鹽!」姜Man說:「冇辦法啦,都冇人煮。我鍾意食但唔鍾意煮,可能由細到大阿媽都話污糟,對煮嘢食有好污糟嘅概念!」

MIRROR
頭炮就是姜濤、隊長Lokman和大表哥Stanley 。

Stanley說:「咁你咪食緊啲唔係好熱嘅嘢囉,成日都只係暖暖哋?」姜Man回答:「有時買麵返嚟,都係叮完先食!」Lokman忍不住說:「好慘,有啲陰公!」Lokman問到叫外賣會不會試不同餐廳,姜Man說:「我都係keep住嗌嗰幾間外賣,我每次想試新嘢嘅時候就會諗,如果間嘢唔好食咁點算呢?每次都好掙扎,但最後都係嗌番之前嗰間!」

MIRROR
姜濤自爆家中不煮飯:「 叫外賣,自己唔識煮,阿媽有潔癖,又係唔鍾意煮飯!」

Lokman問大家在家中除了吃東西外,還會做甚麼?姜Man豎起手指公說:「頭先啱啱睇完Anson Lo(盧瀚霆)嘅新歌《Mr. Stranger》MV,我覺得佢今次首歌好好聽!」Stanley亦讚教主:「好聽、好睇、好有型!」還指看了隊友Jeremy(李駿傑)新歌《半》的MV:「我覺得《半》拍得好好,好簡單直接,所有嘢都係恰到好處!」早前姜Man在IG限時動態寫道:「十胎,靈感來了!」Lokman問他甚麼時候出新歌,他說:「最近拍劇,冇乜太多時間做歌,個構思喺度,逐步逐步嚟!」Stanley大爆姜Man的歌都是跑步想出來,姜Man立即說:「係呀!嚟緊十胎都係跑步諗出嚟!」

MIRROR
Anson Lo昨日推出第八首個人單曲《Mr. Stranger》,今次以吸血鬼做主題。
MIRROR
姜Man豎起手指公說:「頭先啱啱睇完Anson Lo嘅新歌《Mr. Stranger》MV,我覺得佢今次首歌好好聽!」

最近姜Man和Stanley拍攝ViuTV新劇《季前賽》,早前姜Man上載片段,片中他問小妹妹:「妹妹,我係邊個呀?」妹妹答:「Anson Lo!」場面搞笑,而這位小演員在劇中飾演Stanley的女兒。Stanley大爆:「個小妹妹真係好得意,姜濤好想生女㗎嘛,佢好有父愛,係咁撩我個女!」可愛的姜Man邊聽邊笑!姜Man自爆拍劇時不會吃東西:「拍劇有件趣事,前幾日啱啱拍咗場戲,講我喺麥當勞炒薯條,好多麥當勞嘅職員諗住教我炒,點知我一埋位自己即刻開爐喺度炒,炒完第二日就放假,我食晒入邊啲薯條,劇組嘅人全部好surprise咁望住我,因為佢哋係第一次見我喺劇組入面食嘢!」Stanley就笑着澄清:「唔係我哋唔俾飽飯姜濤食,係姜濤自己選擇唔食嘢,絕對唔關我哋大家事!」

MIRROR
早前姜Man上載片段,片中他問小妹妹:「妹妹,我係邊個呀?」妹妹答:「Anson Lo!」場面搞笑。
MIRROR
這位小妹妹在《季前賽》飾演Stanley的女兒。
MIRROR
Stanley大爆:「姜濤好有父愛,係咁撩我個女!」
娛樂

Anson Lo :下雨天更加要笑著過 MIRROR拍宣傳片鼓勵居家抗疫

早前電訊盈科主席李澤楷透露,已請旗下MIRROR 擔任抗疫大使拍攝宣傳片,鼓勵市民居家抗疫,19秒宣傳片昨晚已經上架,12子齊齊戴口罩,當中有5子發言,隊長Lokman (楊樂文)先說:「最近疫情嚴峻,大家一定要記住加強個人衛生,戴口罩,勤洗手。」之後副隊長AK(江𤒹生)說:「冇咩事就留喺屋企,唔好出街喇!」姜濤就特別關心老人家和小朋友:「身邊有老人家同小朋友,要特別多加照顧。」Edan(呂爵安)說:「我哋每個人都做好自己。」Anson Lo(盧瀚霆)多謝醫護人員:「亦都好想多謝醫護人員,對大家的付出。」最後12子一起說:「齊心抗疫。」

Anson Lo
早前電訊盈科主席李澤楷透露,已請旗下MIRROR 擔任抗疫大使拍攝宣傳片,鼓勵市民居家抗疫,19秒宣傳片昨晚已經上架。
Anson Lo
姜濤特別關心老人家和小朋友:「身邊有老人家同小朋友,要特別多加照顧。」
Anson Lo
Anson Lo多謝醫護人員:「亦都好想多謝醫護人員,對大家的付出。」

第5波疫情失控,相信很多人都笑不出,一向暖男的Anson Lo便在IG上載露齒短片寫道:「跟我露齒笑一個可以嗎? #下雨天更加要笑著過!」為大家打氣!教主又在IG Story留然關心神徒:「最近天氣好凍,大家記得着夠衫!」相當寵粉!神徒留言回應教主露齒短片:「你的牙齒很美唷!」、「有冇咁可愛!」、「當然可以!」最搞笑是,有不少神徒覺得教主露齒笑勁似他的愛犬Amber:「有啲似Amber笑!」、「我諗起amber!」

Anson Lo
Anson Lo在IG上載露齒短片寫道:「跟我露齒笑一個可以嗎? #下雨天更加要笑著過!」為大家打氣!
Anson Lo
教主又在IG Story留言關心神徒:「最近天氣好凍,大家記得着夠衫!」
Anson Lo
有不少神徒覺得教主露齒笑勁似他的愛犬Amber:「有啲似Amber笑!」
娛樂

AK、Alton新歌MV工作人員確診  同場歌手傳中招  《聲夢》潘靜文初步陽性

疫情失控,確診數字屢創新高。MIRROR成員AK(江𤒹生)今日在IG Story貼出戴口罩的Emoji,令不少生粉擔心,之後他解釋是眼不舒服要覆診。AK新歌和隊友Alton(王智德)合作,兩人在2月11日為新歌拍攝MV,不過今日傳出拍攝MV的兩名工作人員確診。MV拍攝當日有超過100人在場,甚至傳出已經有數名歌手染疫。據知除了AK外,還有多名歌手參與拍攝,包括MIRROR的Lokman、Frankie、陳穎欣(Yanny)、陳健安、洪嘉豪、ONE PROMISE、Nowhere Boys等,MIRROR經理人花姐向傳媒表示:「得悉有工作人員確診,已經即時自行做快速檢測呈陰性,為確保大家安全,同時已安排去進行檢測,MIRROR、 ERROR成員呢兩日都安排檢測。」

AK
AK日在IG Story貼出戴口罩的Emoji,令不少生粉擔心。
AK
之後AK解釋是眼不舒服要覆診。
AK
AK新歌和隊友Alton合作,兩人在2月11日為新歌拍攝MV,不過今日傳出拍攝MV的兩名工作人員確診。
AK
MV拍攝當日有多名歌手參與拍攝,包括Lokman。
AK
Frankie亦有參與MV拍攝。

無綫《聲夢傳奇》學員潘靜文(Sherman)今日參與《勁歌金曲》錄影前進行病毒快速測試,結果初步陽性,之後Sherman在家人陪同下前往醫院作進一步檢測。曾經和Sherman接觸的《勁歌金曲》台前幕後,快速測試全部呈陰性。無綫證實消息:「事件對公司運作未有構成影響,會繼續與衞生防護中心作出緊密聯繫,全面配合中心的防疫指引及安排。」近日Sherman和其他《聲夢》學員姚焯菲(Chantel)、張馳豪 (Aska)都有合作,據知無綫為免病毒蔓延。正安排與她有緊密接的同事作快速檢測。

AK
《聲夢傳奇》學員Sherman今日參與《勁歌金曲》錄影前進行病毒快速測試,結果初步陽性。
AK
近日Sherman和同是《聲夢》學員姚焯菲有合作。
AK
Sherman近日亦有和張馳豪合作。
娛樂

Lokman 教跳舞愈搵愈少差啲轉行  憑《造星》扭轉命運

32歲的Lokman(楊樂文)是 人氣男團 MIRROR的隊長,他除了口才好、跳舞叻之外還很盡責,經常挺身保護兄弟,深受粉絲頭巾兵團喜愛 。其實Lokman做戲也不錯, 他在剛剛播完的《IT狗》飾演星之子Tony,其中一幕哭着以300萬將親生仔「智能水杯」賣給Moby救PayPayDuck,多層次的演技獲網民大讚!

我們找到一條Lokman2019年1月的直播考古片,當時他大爆教跳舞收入愈嚟愈少,差點想轉行,幸好有一起跳舞的好兄弟阿Dee和Alton力勸他參加《全民造星》,才將命運改寫,所以只要肯追夢,凡事皆有可能!

娛樂, 熱話

《IT狗》大結局    Never爆笑發威:我係Touchwood創辦人呀  魯庭暉讚Frankie: 佢係一位演員

IT狗》由凌文龍、陳漢娜、岑珈其、陳湛文、MIRROR成員Lokman(楊樂文)、Frankie(陳瑞輝)、Stanley(邱士縉)、余逸思等主演,劇集開播以來大受歡迎,演員表現出色,網民大讚飾演葉念信的凌文龍好戲,含淚食麵一幕觸動不少網民,Lokman飾演「星之子Tony」亦有不錯表現,至於處男拍劇的Frankie,其扮演放負的Never可愛爆笑,令人驚喜,在昨晚(4日》播出大結局後,還被ViuTV董事及總經理魯庭暉大讚:「 係一位演員。」

IT狗
ViuTV原創劇《IT狗》開播以來大受歡迎,演員表現出色。
IT狗
Frankie扮演放負的Never可愛爆笑,令人驚喜!

大結局講述阿信等人要揭發萬鈞AI Moby的陰謀,Frankie和Lokman要協助阿信潛入AI Moby發布會,兩人要拖延時間,於是在門口白撞想入會場,當保安問他們是誰時,Lokman便說:「Never,你話俾佢聽我係邊個?」 Never說:「星之子你都唔識。」Lokman叫Never有氣勢些, 一直負能量爆燈,說話陰聲細氣的Never竟然大發神威說:「唔識得佢唔緊要,都識得我呀嘛,我係Touchwood創辦人Never呀呀呀呀!」令人爆笑!

IT狗
萬鈞為AI Moby舉行發布會。
IT狗
阿信等人要揭發萬鈞AI Moby的陰謀。
IT狗
Frankie和Lokman要協助阿信潛入AI Moby發布會,兩人要拖延時間,於是在門口白撞想入會場。
IT狗
當保安問他們是誰時, 一直負能量爆燈,說話陰聲細氣的Never竟然大發神威說:「我係Touchwood創辦人Never呀呀呀呀!」
IT狗
之後兩人忽忽跳舞,超爆笑!

之後魯庭暉在IG寫道:「當然,Frankie 嘅演技唔係乜嘢神級。但我覺得,佢今次,係一位演員。啲人話因為佢個性格都似Never,所以咪做得好囉;我唔贊成。任何一個人對住鏡頭,背住對白,做第二個人,就算你嘅性格同嗰個角色好似,你估咁就好易呀?係,係易啲啲,但當中一定需要有努力、沉澱、投入…先至會令人知道,嗰個係Never。呢一點,證明佢今次,係一位演員。」

IT狗
之後魯庭暉(右)在IG寫道:「當然,Frankie 嘅演技唔係乜嘢神級。但我覺得,佢今次,係一位演員。」
IT狗
魯庭暉寫道:「啲人話因為佢個性格都似Never,所以咪做得好囉;我唔贊成。」

魯生又說:「呢篇嘢,冒着生命危險寫:一陣花姐又話我做乜淨係講一個唔講埋另外嗰啲Mirror囝囝;金生又話我做乜唔讚下製作團隊;仲有呀藝人部主管又投訴我唔提吓其他artists。咁呀,唔講唔讚唔提,唔代表唔上心,咁唔通呀,《IT狗》裏面其中兩位演員,拍咗另一套嘢,我睇完rough cut (演員未睇)之後我覺得嗰套嘢一出街有機會令人眼前一亮我又周圍話俾人聽咩。講、讚、提….不如做啦。」之後Frankie回覆魯生:「多謝魯生,我會繼續裝備自己㗎!Never say never!」而花姐亦轉載魯生個貼文寫道:「Never say never!」 相信花姐沒有詐型!

IT狗
之後Frankie回覆魯生:「多謝魯生,我會繼續裝備自己㗎!Never say never!」
IT狗
花姐轉載魯生個貼文寫道:「Never say never!」 相信花姐沒有詐型!

33歲的Frankie為人低調,曾經被經理人花姐指他存在感不高,早前他接受美國華語節目《偶像名人堂》越洋訪問,就坦言曾經因為發展步伐比其他MIRROR 成員慢而不開心:「因為我性格嘅問題,我都要爭取多啲嘢嘅時候,可能力度唔夠大,自己久而久之會有少少唔開心嘅係,我努力咗可能公司未睇到。」魯生這一讚,證明Frankie的努力,公司已經看見了,加油呀!

IT狗
33歲的Frankie為人低調,曾經被經理人花姐指他存在感不高。
IT狗
早前他接受美國華語節目《偶像名人堂》越洋訪問,就坦言曾經因為發展步伐比其他MIRROR 成員慢而不開心。
IT狗
魯生這一讚,證明Frankie的努力,公司已經看見了,加油呀!
IT狗
Frankie和一眾《IT狗》演員在大結局後開live,還騷出《大台理論》。
IT狗
導演彭秀慧開live時大爆阿信父親是導演羅永昌,曾擔任《鎗火》、《暗戰》執行導演。
View More