標籤: Mr. Stranger

娛樂

《CHILL CLUB Keep Going》演唱會  許廷鏗:嚟緊第六波都要keep Going   教主:愈工作耐愈覺多問題,一定要堅持

CHILL CLUB推介榜年度推介21/22》頒獎典禮早前舉行,但因發生播放事故,令部分歌手演出受到影響。CHILL CLUB的製作團隊未有氣餒,今晚8時在同一個舞台舉行《CHILL CLUB Keep Going》演唱會「覆桌」,參與歌手包括Anson Lo(盧瀚霆)、許廷鏗、馮允謙、MC張天賦、陳蕾、Serrini、Dear Jane。早前電訊盈科媒體集團旗下全新網上串流直播平台MakeALive邀各位觀眾登記試玩,在應用程式內領取免費門票觀看直播,而演唱會將於6月11日晚9時30分喺ViuTV播出。

CHILL CLUB
《CHILL CLUB Keep Going》演唱會由Anson Lo打頭陣!

演唱會開始由Anson Lo打頭陣,教主唱出《Ego》、《Mr. Stranger》,之後教主冧現場觀眾說:「我好想嘗試逐個望吓大家!」令台下超興奮!接着他說:「 今次CHILL CLUB嘅主題叫 Keep Going,對我自己嚟講係好有關嘅topic,因為過去4年,尤其上年,俾我好深感受係愈工作得耐,愈覺得人生每一日有好多唔同嘅問題出現,但你都一定要堅持,呢個課題永遠都唔會完,你要堅持先可以向前望,大家一齊努力!」

教主一連跳唱3首快歌,勁!

教主又說:「學Keep Going呢個課題,其實自己有個好深刻嘅課題,就係溝通!」之後同觀眾做《Megahit》Uh-oh uh-oh uh-oh 手勢,之後他繼續說:「呢首歌係上年到今年學習嘅最大嘅課題,我同屋企人、同身邊工作人員,同我隊友,根本每日都學緊呢個課題,包括同你哋!」最後唱出《Megahit》,之後教主在IG留言:「希望大家喜歡今晚的表演,辛苦Rock Sir @rockinair 和dancer朋友們了,一連3首快歌實在好有挑戰性!現在要趕回去拍劇做『燈仔』跟自己說聲~奸巴爺!」

CHILL CLUB
之後教主在IG留言:「希望大家喜歡今晚的表演,辛苦Rock Sir @rockinair 和dancer朋友們了,一連3首快歌實在好有挑戰性!現在要趕回去拍劇做『燈仔』跟自己說聲~奸巴爺!」

許廷鏗上次在《Chill Club 推介榜年度推介21/22》演唱《修羅場》時,懷疑工作人員忘記關咪,因此有一男聲在背景說:「睇整體」、「成件事好正」、「Keep going」,事後他在IG寫感言:「睇返演出的直播,容許我真係有小小唔開心,唔係想怪責,但係花心機時間彩排演出,就係希望盡善盡美!」

CHILL CLUB
許廷鏗搞笑說:「其實我覺得今次自己接呢個騷呢,一聽到個名,係輕輕有啲陰影嘅!」

今次許廷鏗搞笑說:「其實我覺得今次自己接呢個騷呢,一聽到個名,係輕輕有啲陰影嘅!」令台下觀眾大笑!他又說:「Keep Going呢個字可圈可點,但對於我來講呢個除咗Gimmick之外,其實都好實在,希望可以用我哋嘅歌曲,用唔同歌手嘅精心揀俾大家嘅song list,去講一個道理,譬如話嚟緊第六波,唔知會唔會發生,就算會發生都好,我哋都要繼續keep Going!」台下拍掌!至於陳蕾就說:「估唔到距離上次嘅頒獎禮,我講過話想『覆桌』,咁快就俾機會我『覆桌』,我想講今晚成件事都好正,整體都好正,好Perfect!」

CHILL CLUB
陳蕾說:「估唔到距離上次嘅頒獎禮,我講過話想『覆桌』,咁快就俾機會我『覆桌』,我想講今晚成件事都好正!」
CHILL CLUB
MC唱《小心地滑》,反應不俗!
CHILL CLUB
Serrini
Dear Jane
CHILL CLUB
馮允謙
娛樂

Anson Lo 剖白近況講「奸巴爺」 Edan以「奸媽嫲」爆笑回應   神徒:登爺在玩命

Anson Lo(盧瀚霆)近日忙於拍攝新劇《百萬同居計劃》,又親自執導新歌MV、出席品牌活動,超級忙碌,昨晚他在IG出post交代近況。教主宣布增肥成功,但要繼續努力增肌,又提及新劇角色:「近日開始新劇拍攝嘅第18日,『燈仔』哩一個角色對自己而言新鮮感好高,而且同其他演員前輩對戲好好玩今次唔劇透太多喇🤫角色性格總括為…『隨性』?!希望可以為大家帶來不一樣嘅感覺!」

Anson Lo
Anson Lo(盧瀚霆)近日忙於拍攝新劇《百萬同居計劃》,又親自執導新歌MV,超級忙碌。

教主又多謝新歌MV拍攝團隊:「隨住《Mr. Stranger》嘅宣傳結束,預早咗準備嘅新歌錄音同MV拍攝完成,開始後期剪接階段~ 今次第一次自己做MV導演,除咗自己諗主題之外,比以往要落嘅決定都多咗好多好多,好想預先同拍攝團隊同各單位講一聲『辛苦晒!』知道大家已經日以繼夜準備,為求呈現到我腦海中嘅畫面,多謝你哋!🙏🏻」

Anson Lo
昨晚教主在IG出post交代近況。
Anson Lo
教主說︰「最近好似Chill Club頒獎禮所講,有少少『疲乏』嘅感覺,屋企人都比以前擔心我。」

教主最後提到最近有少少疲乏感覺︰「最近好似Chill Club頒獎禮所講,有少少『疲乏』嘅感覺,屋企人都比以前擔心我,因為有好多事情都係『摸索』當中,拍劇角色性格嘅摸索;新歌執行嘅摸索;待人接物嘅摸索;好想喺工作同生活之間攞到一個平衡,奈何時間永遠都唔夠用,有時都避免唔到做錯決定,但我信『Everything works out eventually』而你哋生活當中遇到嘅難題,一定唔會比我少,一齊繼續摸索,繼續努力啦!#一齊講聲奸巴爺  #日常更新一下

Anson Lo
Edan見教主不是寫「奸巴爹」而是寫「奸巴爺」,即刻爆笑留言說:「奸媽嫲!」
Anson Lo
登神互動有愛又鬼馬!

教主出完post,最近貼完姜濤、Stanley、肥仔黑圖的Edan(呂爵安)又出招,他見教主不是寫「奸巴爹」而是寫「奸巴爺」,即刻爆笑留言說:「奸媽嫲!」教主回覆Edan:「你還好嗎?」登神互動有愛又鬼馬!之後神徒紛紛留言:「依個gag搞唔掂啊!」、「教主,呢排登爺超活躍,一直在玩命呢😂😂!」、「燈仔:一齊奸巴爺,登爺:一齊奸媽嫲~ So Q😚😚」、「奸巴爺咪襯返奸媽嫲囉!😚😚❤️♥️」、「一個奸爸爺!一個奸媽嫲!一齊奸奸爸媽爺嫲😂🔥 撈豬難得爵安幫你嘅奸爸爺搵到另一半,你應該多謝佢!☺️」教主加油呀!

Anson Lo
登神十分老友,一直互相扶持!
Anson Lo
教主加油!
娛樂

Anson Lo 成功激增14磅  爆笑戴帽扮殭屍   AK、Jer正錄新歌  

MIRROR一連四個星期五晚,派出不同成員在ViuTV官方fb開live,和留家抗疫的鏡粉聊天,昨晚是最後一次,三位成員包括Anson Lo(盧瀚霆)、Jer(柳應廷)同AK(江𤒹生)。Anson Lo透露自己增肥成功:「2022年1月真係瘦咗好多,最瘦試過128磅!我由拍完《Mr. Stranger》MV之後就開始增肥,成功由一月時嘅128磅增到依家142磅,每日堅持食三餐,中間食小食,好似飯卷,每日飲兩支protein milk shake!」Jer踢爆教主平日飲齋啡瘦面,AK透露其實三個都有飲齋啡:「不過有時飲得齋啡多會胃痛,所以有時會飲黑豆水!」Jer就自豪說:「我瘦咗5kg,依家148磅。」Anson Lo驚訝:「咁叻,前幾日我見你都瘦咗好多!」

Anson Lo
MIRROR 成員一連四個星期五晚開live,昨晚是最後一次,三位成員包括Anson Lo、Jer和AK,教主透露成功增肥14磅!

三子早前都出了新歌,大家互讚對方MV,談到教主新歌《Mr. Stranger》以吸血鬼做主題,AK提議他可以扮殭屍:「點解唔試吓做殭屍呢,古代中國嗰隻!」Jer接着說:「戴住嗰啲帽,喺度跳嗰啲!」教主笑說:「下次試吓囉!」然後拿出帽子調轉放在頭上扮殭屍, AK亦將自己的帽調轉戴,場面搞笑!

Anson Lo
談到教主新歌《Mr. Stranger》以吸血鬼做主題,AK提議他可以扮殭屍:「點解唔試吓做殭屍呢,古代中國嗰隻!」
Anson Lo
教主笑說:「下次試吓囉!」然後拿出帽子調轉放在頭上扮殭屍, AK亦將自己的帽調轉戴,場面搞笑!

之後AK大爆MIRROR準備推出新歌,大家正在排舞,不過因為疫情關係,所以未拍MV,他說很喜歡新歌,因為編舞很有型,教主忽然提議每人劇透新歌舞步和動作,令鏡粉超興奮!除了團歌,三子亦為自己新歌做準備,AK新歌和另一朋友合寫,是正能量和開心的情歌,已經開始錄音。

Anson Lo
AK大爆MIRROR準備推出新歌,大家正在排舞,教主忽然提議每人劇透新歌舞步和動作,令鏡粉超興奮!

Jer透露已錄新歌第一個section,但由於難度很高,所以要再練習和揣摩。教主就正在揀歌中:「搵到一隻幾鍾意,但有少少保留,因為每次做跳唱歌,究竟揀一隻好pop嘅歌定唔同啲呢,可以表達多啲深層意思,我自己想今年第二隻玩多少少深層意思,今次《Mr. Stranger》大家俾咗一個勇氣我,可以試多啲。」

Anson Lo
除了團歌,三子亦為自己新歌做準備,AK新歌和另一朋友合寫,是正能量和開心的情歌,已經開始錄音。
Anson Lo
Jer透露已錄新歌第一個section,但由於難度很高,所以要再練習和揣摩。
Anson Lo
教主正在揀歌中。
娛樂

Anson Lo:繼續努力工作養教母 白色情人節推《Mr. Stranger》Dance Version

Anson Lo (盧瀚霆)上月25日推出新歌《Mr. Stranger》,MV在YouTube上架至今,已累積超過500萬觀看次數,成績超好!教主還在今日白色情人節,為神徒送上《Mr. Stranger》MV的Dance Version,MV今晚8才有得看,不過昨日教主已經在IG上載Dance Version黑白預告片,片中他做出招牌吸血鬼爪牙手勢,令神徒超級期待!

Anson Lo
Anson Lo(盧瀚霆)上月25日推出新歌《Mr. Stranger》。
Anson Lo
《Mr. Stranger》MV在YouTube上架至今,累積超過500萬觀看次數,教主在IG多謝神徒!
Anson lo
教主今日又在IG Story上載在洗手間拍MV一幕。
Anson Lo
還畫了公仔送給神徒!
Anson Lo
教主在今日白色情人節,為神徒送上《Mr. Stranger》MV的Dance Version。

教主昨晚還在IG Story上載教母為他炮製的愛心晚飯相,大讚媽咪廚藝:「最近有種感覺,教母應該要開餐廳!」不過之後他又寫道:「然後這想法一閃即逝,教母繼續享受退休生活比較好,繼續努力工作養教母!」很孝順! 教主和教母感情相當好,早前教母生日,他就在IG感性留言:「教母,知道最近的日子你很擔心我,擔心我太夜歸家,擔心我拍電影的情緒,擔心我對新歌的著緊,每一晚你也依然堅持在我踏入家門口時,走出客廳見我,哪怕只是閒聊幾句!新一年,但願你不用再為我太操心,我會好好照顧自己,努力做好表現給你看,讓你自豪!生日快樂,我愛你,My Queen!」母子情深!

Anson Lo
教主昨晚還在IG Story上載教母為他炮製的愛心晚飯相,大讚媽咪廚藝:「最近有種感覺,教母應該要開餐廳!」
Anson Lo
不過之後他又寫道:「然後這想法一閃即逝,教母繼續享受退休生活比較好,繼續努力工作養教母!」很孝順!
Anson Lo
教主和教母感情相當好,早前教母生日,他就在IG感性留言。
Anson Lo
教主寫道:「新一年,但願你不用再為我太操心,我會好好照顧自己,努力做好表現給你看,讓你自豪!生日快樂,我愛你,My Queen!」母子情深!
娛樂

去年壓力爆煲 坦承消瘦好多 Anson Lo:為愛我嘅人更有勇氣去行落去

Anson Lo (盧瀚霆)上星期五(25日)推出以吸血鬼做主題的新歌《Mr. Stranger》,MV在YouTube上架,至今已累積超過280萬觀看次數,成績超好!教主今日接受商台節目《叱咤樂壇》主持謝茜嘉訪問,他說新歌最大壓力是要做一隻和《Megahit》完全不同風格的歌:「因為《Megahit》俾我感覺係一首Bright啲、Party feel啲嘅歌,所以今次搵一啲暗黑啲少少嘅歌!」

Anson Lo
Anson Lo 上星期五推出以吸血鬼做主題的新歌《Mr. Stranger》,MV在YouTube上架,至今已累積超過280萬觀看次數,成績超好!

謝茜嘉話監製Edward Chan 大讚教主:「今次高音部分叻仔,一啲激烈嘅字眼好夠膽用聲,今次係你好開放嘅一次,你自己同唔同意?」教主笑着回應:「我好少聽Edward 咁樣讚我,今次錄《Mr. Stranger》好好玩,有好多唔同部分,我用咗唔同程度嘅憤怒,或者唔同程度嘅沙啞,用自己把聲玩多啲!」

Anson Lo
教主今日接受商台節目《叱咤樂壇》主持謝茜嘉訪問,做吸血鬼的爪牙手勢。

教主希望透過《Mr. Stranger》將自己另一面讓人看,事前打了千字文給首次合作的填詞人王樂儀:「講自己嘅黑暗面,自己喺2021年嘅掙扎,上年年尾我喺精神上經歷一啲咩狀態!」他說上年年尾意識到自己壓力爆煲:「上年踏入11月嘅時候,我喺IG上載咗一個貼文,話近排壓力爆煲,但我會繼續努力嘅,但嗰時我冇好detail講點解,或者冇同大家講我嘅狀態,因為我唔想大家擔心,嗰陣時未係好想講住,不如喺新歌講,我好鍾意喺表演、音樂裏面去抒發自己一啲諗法,我覺得呢個過程好爽,喺做緊自己最鍾意做嘅嘢嘅時候,又可以表達自己好想同大家講,但平時冇機會講嘅嘢,我自己覺得最過癮!」

Anson Lo
教主希望透過《Mr. Stranger》將自己另一面讓人看。

教主覺得王樂儀的歌詞寫得很中:「佢最中係除咗講我2021年嘅嘢,依家我用咩方法去解決呢? 歌詞『真實 為了你我更勇敢 』,依一句說話概括到依家我搵到一個出口,為咗所有支持我、愛我嘅人,我會更有勇氣去行落去,更有勇氣show多啲唔同嘅一面,接受多啲自己唔同工作上嘅形象,或者自己內心世界感受最真嘅一面,都冇以前咁驚咁大壓力!」

Anson Lo
教主覺得王樂儀的歌詞寫得很中:「佢最中係除咗講我2021年嘅嘢,依家我用咩方法去解決呢? 歌詞『真實 為了你我更勇敢 』,依一句說話概括到依家我搵到一個出口。」

教主又透露壓力好轉是因為2022年1月中接了一部電影:「因為電影裏面我個角色叫張子傑,呢角色係學習點樣放低同釋懷,我走入呢個角色嘅心路歷程,都教我放低一啲對自己過分嘅執着,或者過分嘅要求,其實會舒服啲,一月中開始自己個腦慢慢諗通!」

Anson Lo
教主又透露壓力好轉是因為2022年1月中接了一部電影:「因為電影裏面我個角色叫張子傑,呢角色係學習點樣放低同釋懷!」
Anson Lo
教主今年一月中開始慢慢想通!

談到新歌MV有四個造型,教主說最喜歡有腰封的吸血鬼嘅造型:「嗰個腰封令我諗起我一開始出道嘅時候我成日着嘅嘢,好似回到以前自己最舒服嘅一個形象,而且for跳舞係最好睇!」主持問拍MV前要不要節食?教主話:「 唔使,因為我本身瘦底,其實自己消瘦咗好多,呢個係一個秘密,嗰條Belt對我嚟講係太鬆,好多次拍跳舞場景嘅時候, NG係因為條Belt甩咗,因為太鬆,我要用雙面膠紙黐實佢,我條腰太幼喇!」

Anson Lo
教主坦承:「 其實自己消瘦咗好多,呢個係一個秘密,嗰條Belt對我嚟講係太鬆,好多次拍跳舞場景嘅時候, NG係因為條Belt甩咗!」
娛樂

Anson Lo 新歌剖白去年壓力爆煲  不能再裝作正常:為神徒不再懼怕

Anson Lo (盧瀚霆)上星期五(25日)推出以吸血鬼做主題的新歌《Mr. Stranger》,MV在YouTube上架,至今已累積超過160萬觀看次數,成績亮麗!教主昨日寫千字文多謝製作團隊,預告兩星期後推出dance version外,又剖白今次「膽粗粗」決定自己由頭到尾構思整首歌的主題和MV劇情,雖然很冒險,但很想以一個最personal的作品去開始2022年的音樂。

anson lo
Anson Lo上星期五推出以吸血鬼做主題的新歌《Mr. Stranger》,MV在YouTube上架,至今已累積超過160萬觀看次數,成績亮麗!
Anson Lo
教主昨日寫千字文多謝製作團隊,預告兩星期後推出dance version外,又剖白心路歷程!

他分享心路歷程:「這首歌對自己而言的『Strange』,在於第一次坦承自己內心的真實精神狀態……今次希望用這首歌跟大家分享2021年年尾自己壓力的來源。記得上年年尾和大家草草透露過自己爆煲,其實是因為愈來愈多目光投放在自己身上,害怕達不到大家的期望,亦害怕走歪了一直大家接受的形象。可能這些的『害怕』只是自己幻想岀來的,但就鑽進了這一個牛角尖,令自己長期處於崩緊的狀態。」

Anson Lo
Anson Lo指今次決定自己由頭到尾構思整首歌的主題和MV劇情,雖然很冒險,但很想以一個最personal的作品去開始2022年的音樂。

教主又指:「這首歌以一隻『怪物』的第一身去講述自己 #不能再裝作正常,要向世界披露自己不同面向,哪怕其中的會令人恐懼。踏入岀道第四年,有時侯看著自己也會感到頗『陌生』。這個世界變得很快,而自己變得更快,包括作品、形象或風格喜好。有時回看一兩年前的自己,也會覺得好驚訝為何當時會有那些決定、舉動。現在一刻可能和《一所懸命》時的自己很不同,但同樣是很熱愛自己正在推出的音樂,只是真的『成長/改變』了。」

Anson Lo
教主又指今次希望用這首歌,跟大家分享2021年年尾自己壓力的來源。
Anson Lo
教主說:「這首歌以一隻『怪物』的第一身去講述自己不能再裝作正常,要向世界披露自己不同面向。」

他又引述歌詞「真實 為了你我更勇敢 捲起千種陌生」當中的「你」,是指每一位一直支持自己的神徒、家人和觀眾:「現在的我願意接受和揭露更多自己的不同面向,不再懼怕!」神徒看完撈撈豬的千字文,紛紛表示:「好開心見到你愈嚟愈開放自己內心,會一直支持你的!」、「接受自己唔同嘅一面, 因為無論如何我哋都會永遠喺你身邊支持你, 一齊面對!」、「Proud of you,好鍾意今次嘅concept,期待你未來更多作品!」

Anson Lo
教主與MV中的小妹妹合照,一起做模仿吸血鬼爪牙形態的「Mr. Stranger」手勢,很Sweet!
娛樂

MIRROR 開Live抗疫  姜濤爆阿媽有潔癖唔煮飯 大表哥:佢想生女好有父愛

第5波疫情失控,很多人都留家抗疫,MIRROR繼早前擔任抗疫大使拍攝宣傳片,為大家打氣外,由昨晚開始《Mirror FB Live From Home》,一連四個星期五晚,派出不同成員在Viu官方fb開live,和鏡粉見面聊天,而頭炮就是姜濤、隊長Lokman和大表哥Stanley 。

MIRROR
MIRROR由昨晚開始,一連四個星期五晚,派出不同成員在Viu官方fb開live,和鏡粉見面聊天。

一開始Lokman說:「最近疫情都好嚴峻,所以我哋諗住開live同喺屋企嘅大家傾吓偈!」之後Stanley問姜濤和Lokman:「有冇多咗叫外賣?平時煮唔煮嘢食?」Lokman說初時叫外賣多,但叫外賣太多頂不順,最後唯有自己煮,姜濤卻自爆家中不煮飯:「 叫外賣,我都係長期叫外面,自己唔識煮,阿媽有潔癖,又係唔鍾意煮飯!」Stanley說:「我搵到你容易肥嘅原因喇,可能太重油同鹽!」姜Man說:「冇辦法啦,都冇人煮。我鍾意食但唔鍾意煮,可能由細到大阿媽都話污糟,對煮嘢食有好污糟嘅概念!」

MIRROR
頭炮就是姜濤、隊長Lokman和大表哥Stanley 。

Stanley說:「咁你咪食緊啲唔係好熱嘅嘢囉,成日都只係暖暖哋?」姜Man回答:「有時買麵返嚟,都係叮完先食!」Lokman忍不住說:「好慘,有啲陰公!」Lokman問到叫外賣會不會試不同餐廳,姜Man說:「我都係keep住嗌嗰幾間外賣,我每次想試新嘢嘅時候就會諗,如果間嘢唔好食咁點算呢?每次都好掙扎,但最後都係嗌番之前嗰間!」

MIRROR
姜濤自爆家中不煮飯:「 叫外賣,自己唔識煮,阿媽有潔癖,又係唔鍾意煮飯!」

Lokman問大家在家中除了吃東西外,還會做甚麼?姜Man豎起手指公說:「頭先啱啱睇完Anson Lo(盧瀚霆)嘅新歌《Mr. Stranger》MV,我覺得佢今次首歌好好聽!」Stanley亦讚教主:「好聽、好睇、好有型!」還指看了隊友Jeremy(李駿傑)新歌《半》的MV:「我覺得《半》拍得好好,好簡單直接,所有嘢都係恰到好處!」早前姜Man在IG限時動態寫道:「十胎,靈感來了!」Lokman問他甚麼時候出新歌,他說:「最近拍劇,冇乜太多時間做歌,個構思喺度,逐步逐步嚟!」Stanley大爆姜Man的歌都是跑步想出來,姜Man立即說:「係呀!嚟緊十胎都係跑步諗出嚟!」

MIRROR
Anson Lo昨日推出第八首個人單曲《Mr. Stranger》,今次以吸血鬼做主題。
MIRROR
姜Man豎起手指公說:「頭先啱啱睇完Anson Lo嘅新歌《Mr. Stranger》MV,我覺得佢今次首歌好好聽!」

最近姜Man和Stanley拍攝ViuTV新劇《季前賽》,早前姜Man上載片段,片中他問小妹妹:「妹妹,我係邊個呀?」妹妹答:「Anson Lo!」場面搞笑,而這位小演員在劇中飾演Stanley的女兒。Stanley大爆:「個小妹妹真係好得意,姜濤好想生女㗎嘛,佢好有父愛,係咁撩我個女!」可愛的姜Man邊聽邊笑!姜Man自爆拍劇時不會吃東西:「拍劇有件趣事,前幾日啱啱拍咗場戲,講我喺麥當勞炒薯條,好多麥當勞嘅職員諗住教我炒,點知我一埋位自己即刻開爐喺度炒,炒完第二日就放假,我食晒入邊啲薯條,劇組嘅人全部好surprise咁望住我,因為佢哋係第一次見我喺劇組入面食嘢!」Stanley就笑着澄清:「唔係我哋唔俾飽飯姜濤食,係姜濤自己選擇唔食嘢,絕對唔關我哋大家事!」

MIRROR
早前姜Man上載片段,片中他問小妹妹:「妹妹,我係邊個呀?」妹妹答:「Anson Lo!」場面搞笑。
MIRROR
這位小妹妹在《季前賽》飾演Stanley的女兒。
MIRROR
Stanley大爆:「姜濤好有父愛,係咁撩我個女!」
娛樂

Anson Lo 新歌《Mr. Stranger》做吸血鬼  神徒聽完嗌救命:直入心臟的感覺

Anson Lo(盧瀚霆)今日推出第八首個人單曲《Mr. Stranger》,前日教主率先公開新歌造型照說:「今次是吸血鬼主題~你們期待嗎?」昨晚又上載14秒預告片 ,教主以黑色西裝登場,又戴上紅色隱形眼鏡,做吸血鬼都帥過人,令一眾神徒High爆:「呼吸困難!」、「快來吸我血!」、「着晒火!」連將會和教主開「神の拉闊」音樂會的鄭欣宜都忍不住留言:「Oh. My. God. Stoppit!!! 」

雖然MV今晚9點才有得看,但教主新歌在下午1時已經於各大音樂平台上架,歌詞Rap的部分由教主親自操刀,其中「Hey Mr. Stranger,Get ready for the stranger,wee woo wee woo.」相當洗腦!神徒紛紛留言:「 太好聽啦!直入心臟的感覺!」、「每次出新歌都睇到撈撈嘅進步,今次嘅英文Rap超好聽, 仲要自己寫好叻,又一首洗腦歌誕生,要瘋狂loop爆!」、「痴線!救命!首歌勁正!勁期待今晚MV!」、「歌詞密集,但教主咬字超清楚,好顛!」、「超級正呀,好Powerful, 一開頭已經跟住Move !」

ANSON LO
Anson Lo今日推出第八首個人單曲《Mr. Stranger》,今次以吸血鬼做主題。
Anson Lo
昨晚教主上載14秒預告片 ,見他以黑色西裝登場,又戴上紅色隱形眼鏡,做吸血鬼都帥過人!
Anson Lo
一眾神徒看完預告片High爆說:「呼吸困難!」、「快來吸我血!」
Anson Lo
新歌Rap詞部分由教主親自操刀。
Anson Lo
連將會和教主開「神の拉闊」音樂會的鄭欣宜看完都忍不住留言:「Oh. My. God. Stoppit!!!