標籤: MV

娛樂

樂隊All For One 推新歌《末日現場》 蘇姍友情客串飾演母親

樂隊All For One 近日推出新歌《末日現場》,MV裏有五個單元故事,代表5種不同的「情」,親情、竉物之情、友情、愛情、父女情,隊長及MV編劇龔俊熏,希望觀眾感受到因疫情或戰亂與自己最珍貴的「人」分離的痛苦,由5位成員分別演繹。「今次MV拍攝最有挑戰性嘅係,我哋每人都要演戲,將每人心裏最珍貴嘅嘢用演戲方式表達出嚟。」

All For One
樂隊All For One 近日推出新歌《末日現場》。
All For One
MV裏有五個單元故事,代表5種不同的「情」,親情、竉物之情、友情、愛情、父女情。

今次拍攝,特別請來蘇姍友情客串,飾演母親一角,陳綺雯(Aki)飾演主音李建龍面臨分離的愛人,令觀眾份外感受到親情的感覺。「今次亦都要多謝我哋嘅拍攝團隊,佢哋真係好專業。不辭勞苦,就算當日通宵拍攝,佢哋嘅表現出專業嘅水準。」大家異口同聲的說。

All For One
今次拍攝,特別請來蘇姍友情客串,飾演母親一角。
All For One
大家異口同聲的說:「今次亦都要多謝我哋嘅拍攝團隊,佢哋真係好專業。不辭勞苦,就算當日通宵拍攝,佢哋嘅表現出專業嘅水準。」

拍攝當日更發生一件趣事,當天整個拍攝隊伍前往元朗下白泥的海灘拍攝,當拍攝完成之後,準備回程之際發現原來已經水漲到心口,全員被逼把攝影器材等等放在頭頂直接下水,鼓手Eric 劉宇霆更是差點整個人跌在水裏,幸好最後大家和埋器材都相安無事。

All For One
拍攝當日更發生一件趣事,當天整個拍攝隊伍前往元朗下白泥的海灘拍攝,當拍攝完成之後,準備回程之際發現原來已經水漲到心口,全員被逼把攝影器材等等放在頭頂直接下水。
娛樂

Jer 新歌 《自毀的程序》暗藏玄機 柳應廷:有第3首歌嘅線索喺入面 柳柳粉大讚有感染力聽到心碎

Jer(柳應廷)繼《離別的規矩》後,於《MIRROR.WE.ARE LIVE CONCERT 2022》 舉行前推出今年第二部曲《自毁的程序》,柳柳粉聽後大讚MM7(好正意思)和有感染力,又說:「Loop到心碎!」、「十級心痛之作!」新歌MV遊走現實與虛幻之間,更帶樂迷遊走一轉關西,不過Jer今次恨做配角,唔想做男主角!

Jer
Jer今日推出今年第二部曲《自毁的程序》。

今次新歌是《離別的規矩》的延續,不過時間線卻並非順序發展,Jer介紹歌曲道:「《自毁的程序》可能係好多年後發生喺男主角身上事情,但記憶深藏喺佢身體裡面。」這些埋藏在男主角內心深處的記憶,在《自毁的程序》MV中就以《離別的規矩》出現過的人、物,包括龍蝦、滅火筒、錄音帶,以及女主角的再度登場展現出來。

Jer
今次《自毁的程序》是《離別的規矩》的延續,不過時間線卻並非順序發展。

建基於這個設定,MV中男主角遊走於現實與虛幻之間,一時出現寫實的情節,一時又出現超現實畫面,但Jer這趟卻恨做百厭配角,他說:「今次MV幾好玩,因為好多得意元素,好似跳咗入仙境,遇見三個精靈,然後又會有藝伎出現,穿梭於京都與奈良之間。我幾鍾意古靈精怪嘅得意故事,所以我好Enjoy拍MV,但好可惜做唔到佢哋,我好恨可以做啲精靈跳嚟跳去,咁就可以超級多人注意,但而家成日都keep住唔開心情緒,以及發現奇怪事情時嘅好奇心。」近期Jer多了演戲的經驗,到了這次演出MV時只要保持同一個狀況就可以過關,所以他坦言這次角色演繹上沒有特別感到困難。

Jer
Jer說:「今次MV幾好玩,因為好多得意元素,好似跳咗入仙境。」

其實拍攝MV當日,正值颱風襲港前夕,但偏偏MV主要在戶外拍攝,製作組只好即時作出調動,在清晨拍攝這段訪問片段的Jer說:「打風落雨一定有影響,Schedule要前後調動,如果按計劃應該而家呢一刻已經拍完,但而家仲有一個場口仲未拍,要到朝早8點先拍到。」

Jer
MV當日,正值颱風襲港前夕,但偏偏MV主要在戶外拍攝。

細數今次拍攝的場景,另一個較為特別的就是在行人隧道內拍攝雪景,Jer自言十分喜愛,他說:「之前MIRROR《12》嘅MV已經玩過,都見識過個靚,所以一講話拍雪景,就算明天會整污糟個頭我都Keep噴雪效果,因為畫面上一定呈現到靚,但靚嘅背後我要閉氣,同埋啲雪會吹入眼球、鼻孔,大家睇到會發現『啊!乜原來係咁㗎?!』,但出到嚟畫面靚就OK啦!」另一個讓Jer十分難忘的場景,就是3個小精靈的出現,Jer說:「我係喺現場第一次見到3個小精靈,導演拍攝前冇講呢個MV有乜特別角色,造型係點,喺到現場見到會:『Wow!』幾得意喎,帶住鹿角,真係好似跳咗入去Alice in the Wonderland(愛麗斯夢遊仙境),係幾surprise。」另外還有藝伎的出現,製作組找來真正的藝伎參與演出,而Jer過去從未見過藝伎,所以見到時十分驚喜,更覺這些有趣的角色,令MV更加有型又有趣!

Jer
說到拍攝場景,較為特別的就是在行人隧道內拍攝雪景,Jer自言十分喜愛。
Jer
另一個讓Jer十分難忘的場景,就是3個小精靈的出現。
Jer
MV有藝伎的出現,製作組找來真正的藝伎參與演出。

說回《自毁的程序》一曲,繼《離別的規矩》出現洞蕭、笛等亞洲樂器後,今次《自毁的程序》也出現了另一種亞洲樂器,但Jer希望大家細心聆聽歌曲,更說:「一彈個樂器,就會Feel到首歌嘅vibe(氛圍 )。」此外,Jer也請大家留意第三段副歌,因為當中有鮮為人知的細節,但他透露道:「Chrous 3蘊含好多圖片,同時亦有嚟緊第3首歌嘅線索喺入面,如果想估下第3首歌係咩畫面,就可以留意Chorus 3。」

Jer
Jer也請大家留意第三段副歌:「Chrous 3蘊含好多圖片,同時亦有嚟緊第3首歌嘅線索喺入面。」
Jer
柳柳粉大讚新歌聽到心碎,很MM7!
Jer
亦有柳柳粉指是「十級心痛之作」!
娛樂

MIRROR 拍《Innerspace》MV人人變落湯雞 Tiger:好似海嘯   AK連夜趕劇凍到打冷震

MIRROR 最新派台作《Innerspace》的MV自推出以來反應熱烈,當中「水舞間」一幕更成為熱話。早前眾成員分享了拍攝這一幕的點滴,讓樂迷可以見識到眾人有多貪玩。
 
Lokman與AK今趟在《Innerspace》MV中成為了騷肌擔當,穿上背心展示強壯臂彎,為了顯示優美線條,二人在埋位前都狂做掌上壓,不過AK因為連夜趕拍劇又再拍MV,在水中起舞人也凍得打冷震,完成後更需要即時喝熱水。AK道:「拍親MV都好似同水分唔開,繼《特登》和《REBOUND》後,今次喺《Innerspace》又再濕身,但因為最近拍劇又冇乜食嘢,又俾件背心我著⋯⋯我都知我唔夠大隻,抵抗力差少少,仲要第3日拍到凌晨6點幾,攰都係正常,所以會覺得有少少凍。」而跳舞多年的Frankie對於今次「水舞間」一役則道:「我哋跳咗咁多年舞,但喺水裡面跳,好多人都係第一次,原來係非常困難,同埋好多隊友都好大力踏水!」愛乾淨的Alton被濺得全身濕透,但卻未有介懷,更說:「喺水上跳舞係最晚拍攝嘅最後一Part,但能量係幾何級數咁提升,加埋水花,大嘅腳步聲,令到個效果加成,第一次睇Playback嗰下,我哋自己都『嘩!』一聲。」

MIRROR
人氣組合MIRROR最新派台作《Innerspace》的MV自推出以來反應熱烈,當中「水舞間」一幕更成為熱話。
MIRROR
AK因為著背心,當Stanley大力踏水時,水便由AK的腋下濺入到胸前,難怪AK會凍得打冷震。

今次在水舞間起舞一幕,如要數到最貪玩的,應該非Edan、Stanley及Jer莫屬。Edan笑言出盡力起舞都多得Stanley,Edan解釋道:「嗰個景大家見到都好興奮,因為好靚,而喺水裡跳有水花都好有型。咁喺水裡面都要全力以赴,隻腳嘅力量都要全力以赴,而我係師承Stanley嘅大力踩水。」Stanley聽罷Edan的話,即道:「拍鏡頭水花大先好睇,咁為咗好睇,當然要出盡全力踏水。最後嗰幕Jeremy喺我後面,每次一完擰轉頭望住Jeremy,都係由頭濕到落腳。我有問佢使唔使細力啲,佢話唔使㗎!」Jeremy指為了有型又要靚,也未有阻止Stanley的「惡行」,並說:「冇理由叫Stanley細力啲就我嘛,只不過最尾Ending Pose,我成塊面流晒水,但都要Keep住有型。」

落湯雞
Lokman與AK今趟在《Innerspace》MV中成為了騷肌擔當。

其實當災的不只Stanley,AK因為著背心,當Stanley大力踏水時,水便由AK的腋下濺入到胸前,難怪AK會凍得打冷震。另外,Jer鏟草式的舞技也令人很傷腦筋,事關其中一幕他要跣入中間位置,但AK、Ian、Lokman及Edan當時要踎低,結果Jer未有收掣直接鏟入,AK笑指「啲水有浪㗎!每次內心都不其然Wow一聲!」Lokman更將Jer這一鏟為「狂人踩」。Jer聽到大家的形容後,都不禁失笑說:「咁好玩嘛!」本來未有加入討論的Ian都開聲道:「我踎低㗎,你咁樣飛埋嚟,你就好玩囉!」眾人你一言我一語的,人人氣氛高漲,結果Jer打圓場道:「我太投入件事,大家都要濕下身啦!」

MIRROR
今次在水舞間起舞一幕,如要數到最貪玩的,應該非Edan、Stanley及Jer莫屬。

未有發言的Tiger,則表示這次拍攝上了人生寶貴一課:千萬別行差踏錯!他說:「個Intro本身好有氣勢好大力咁跳,咁啱嗰下係跪喺度,但音樂一起太細聲聽唔到,大家起晒身又好大力好有氣勢,我一不留神,就好似有個海嘯湧埋嚟一樣,嗰下就即刻醒咗!」但Anson Lo卻道:「我幾Surprise自己冇食到水。」Tiger聽到即突破盲腸說:「我知點解佢跳舞咁大力,可以擋返啲水出去。」

此外,今次姜濤首度在歌曲中唱Rap,更要用英文演繹,他直言要「用英文說話」,這跟他的Solo作品《作品的說話》一樣,姜濤希望能從作品中說出MIRROR的心聲。

MIRROR
Anson Lo說:「我幾Surprise自己冇食到水。」


 

娛樂

【新歌訪問】《信之卷》MV化身動漫主角 AK:搵返童年初心勇往直前

AK(江𤒹生)今日推出推出新歌《信之卷》,以J-Rock曲風配合他自細已十分鍾愛的動漫作為歌曲主題,AK在MV中更化身動漫主角,非常突破,一圓童年夢想之餘,也藉此向樂迷推廣香港創作及文化藝術工作者,難怪花姐在IG留言:「睇完個MV,講咗一句『係咪痴線㗎!』」

AK
AK今日推出推出新歌《信之卷》,以J-Rock曲風配合他自細已十分鍾愛的動漫作為歌曲主題,AK在MV中更化身動漫主角,非常突破!

今次《信之卷》AK邀來Van@Nowhere Boys作曲、Oscar Lee填詞、王雙駿監製新歌,歌曲風格雖然也如《黑之呼吸》一樣以J-Rock作招徠,但相比《黑之呼吸》的暗黑風,今次《信之卷》卻予人很陽光的感覺。而一向鍾情動漫的AK,更特別喜歡《龍珠》及《數碼暴龍》,所以他邀來香港本地動漫師崔氏兄弟及Tommy Ng兩個單位,攜手炮製新歌MV,講述男主角經歷低潮後,集合眾人力量,戰勝心魔的故事。

AK
新歌MV講述男主角經歷低潮後,集合眾人力量,戰勝心魔的故事。

AK說:「我由細到大都好鍾意動畫、動漫,一直都被當中的美好世界、主角吸引住,更會幻想自己就係動漫男主角。今次新歌歌詞係講大家可以搵返童年時嘅初心,好似動漫男主角一樣勇往直前乜都唔怕,成件事整合起上嚟,就好似動漫主題曲,好適合做埋動漫MV,然後問咗公司又肯俾我做,所以就極度自肥,將自己鍾意嘅動漫元素,擺晒落去,例如裡面會有好多《數碼暴龍》嘅元素,男主角會有一隻好似神獸但又似寵物嘅物體做陪伴。」

AK
AK說:「我由細到大都好鍾意動畫、動漫,一直都被當中的美好世界、主角吸引住,更會幻想自己就係動漫男主角。」

由於AK自小已很渴望成為動漫男主角,所以動漫師亦應要求,把男主角畫得很像AK本人,AK說:「動漫MV可以將所有想像嘅嘢天馬行空放晒落去,我同動漫師講我好想做一次動漫男主角,佢哋就幫我畫到個男主角好似我之外,角色身邊又會出現好多我平時生活上成日會出現嘅物件,成為咗彩蛋,就好似人哋睇Marvel電影咁,大家睇MV時都可以搵下啲彩蛋喺邊。我都未知彩蛋喺邊,要同大家一齊搵,好似尋寶一樣。」

AK
AK說:「裡面會有好多《數碼暴龍》嘅元素,男主角會有一隻好似神獸但又似寵物嘅物體做陪伴。」
AK
畫面很美!

經過今次MV製作,AK見識到香港動漫師的功架,AK不禁讚嘆道:「睇咗Rough Cut(粗剪)成品已經好開心。其實香港都有好犀利嘅人,睇到動漫師做嘅過程,同佢哋開會,知道佢哋點樣畫,所有嘢都非常專業,所以再一次多謝佢哋,同時希望多啲人發現,香港有好多藝術工作者,不同嘅創作或文化藝術都係非常優秀。」

AK
AK早前為單曲拍攝封面,也展現了樂天的一面,他說:「影嘅時候想似小朋友,可以傻笑望住個天空發白日夢一樣!」

為了貫徹整體概念,AK早前為單曲拍攝封面,也展現了樂天的一面,他說:「影嘅時候想似小朋友,可以傻笑望住個天空發白日夢一樣,因為好多時動漫俾我嘅最大感覺,就係咁樣。」粉絲們今次可以同時擁有動漫與真身兩個AK陪伴在旁聽新歌《信之卷》,絕對是雙重福利!

AK
像不像AK?
娛樂

《作品的說話》獲高度評價  新歌提醒要保持心中愛與善  姜濤:一定還會繼續努力

姜濤 自編自導自演新歌《作品的說話》,講述反戰,宣揚愛與和平,4月30日23歲生日推出以來,大受歡迎,MV上架48小時突破200萬點擊,至今已超過268萬觀看次數,成績驕人!除了MV反應理想,新歌更獲不少名人高度評價,學者沈旭暉指新歌承接前人反戰價值觀:「新一代音樂人能夠carry這視野,又能點到為止地啟發樂迷思考,在這個時代,無論是否『虛火』,都已功德無量,令人看到未來的希望!」導演張堅庭亦在fb寫道:「看了姜濤的最新MV《作品的說话》,細讀歌詞,今時今日你好難不喜歡這小伙子,姜濤團隊的作品,悲天憫人,讓世人同聲一哭,這名香港歌手飛越香港,讓一些人當下沉淪。」

姜濤
姜濤自編自導自演新歌《作品的說話》,講述反戰,宣揚愛與和平,4月30日推出以來,大受歡迎!
姜濤
導演張堅庭在fb寫道:「看了姜濤的最新MV《作品的說话》,細讀歌詞,今時今日你好難不喜歡這小伙子。」

今日凌晨一時多,姜濤在IG上載MV煞科短片,片中姜濤和一眾工作人員拍手歡呼,叫人感動!姜Man發長文感謝製作團隊:「忙碌的四月終於過去了,回想這次十胎的創作過程,可謂困難重重,時間非常倉促,我只能在緊湊的拍劇日程中儘量利用休息時間去完成新歌所有錄音、排舞、MV拍攝以及和各製作單位的溝通,也全賴各單位的鼎力支持、配合,大家終於如期完成了這項艱巨的任務,相信我們的付出是值得的!」

姜濤
今日凌晨一時多,姜濤在IG上載MV煞科短片,片中姜濤和一眾工作人員拍手歡呼,叫人感動!

姜Man又指新歌的創作目的很純粹:「這首歌的創作目的其實很純粹,就是想提醒大家無論在甚麼情況下都要保持心中的愛和善。」又感謝填詞的小克:「很感謝小克老師 @diuhak 精彩的詞作,讓我大開眼界,原來流行歌詞還可以這樣寫,當中文字的排列由散亂到工整,句尾由不押韻到部分押韻再到全部押韻,都象徵著世界由混亂、無序到和平、安寧的過程,最後『人類有靈』像兩隻腳撐起整個歌詞架構。如果再細心點,甚至會發現歌詞中出現兩次的「路程」二字,間隔縮短了,意在提醒我們如果能找回心中的愛,那到達和平的路程就會變得越來越短。而小克老師亦下足心思,運用頂真令副歌更朗朗上口。」

姜濤
姜Man指新歌的創作目的很純粹:「就是想提醒大家無論在甚麼情況下都要保持心中的愛和善。」

他又謙稱今次執導MV只算半個導演:「至於這次MV,我充其量只能算半個導演,因為我也只是提供了內容的構思和運鏡的建議,其他專業部分全靠 @maggieslays_ @shengwong_ 和團隊的幫忙。在繼《鏡中鏡》後再一次合作的 @maximilianfu 、 @cean827 ,還有師傅 @fatboyip ,感謝你們在極短的時間內完成了所有舞蹈的編排,且在現場對近百人進行舞蹈指導,這絕對不是一件容易的事。而這也是第一次動用了大量演員和舞者,你們動情的演繹令mv具有強烈的感染力。還有,要特別感謝 @fen_yuen 和 @kearenpang 的指導,無論在準備期間還是現場袁導都給了很多實用的建議,而彭導也是在拍攝現場陪伴到深夜。」

姜濤
他謙稱今次執導MV只算半個導演。

姜Man又多謝金像獎最佳美指張兆康帶領團隊通宵趕工,完成整個場景和設計百多套演員服飾。最後他寫道:「當然,十胎離不開其他台前幕後每一位參與人員,請原諒篇幅有限,無法一一致謝。對於這份23歲生日回禮,我盡力了,但一定還會繼續努力,令之後的作品更趨完美。」

姜濤
最後他寫道:「對於這份23歲生日回禮,我盡力了,但一定還會繼續努力,令之後的作品更趨完美。」
娛樂

銅鑼灣變「姜濤灣」 姜Man23歲生日開腔答謝粉絲:姜糖們永遠幸福

姜濤 生日快樂!今日(30日)是姜Man 23歲生日,MIRROR兄弟Edan(呂爵安)、ERROR成員阿Dee(何啟華)、導演彭秀慧等紛紛祝賀,而姜濤香港後援會除了請全港市民免費搭電車,還準備慶生電車巡遊,令大批姜糖聚集銅鑼灣打卡,沿途歡呼不斷,場面墟冚,將銅鑼灣變身「姜濤灣」!

姜濤
今日(30日)是姜Man 23歲生日,生日快樂!
姜濤
姜濤香港後援會除了請全港市民免費搭電車,還準備慶生電車巡遊。(姜濤香港後援會影片截圖 )
姜濤
大批姜糖聚集銅鑼灣打卡,場面墟冚,將銅鑼灣變身「姜濤灣」!(tinkerbell_cl影片截圖)

姜Man為了答謝姜糖支持,特意拍片給姜濤香港後援會︰「Hello,大家好,我係姜濤, 首先好多謝大家一直以嚟,我入行以嚟對我生日嘅應援,尤其今次見到大家好用心準備我嘅23歲生日,所以發自內心好多謝大家。其實我嘅生日願望好簡單,我諗同好多人一樣,希望疫情快啲過,每個人快啲回復返正常生活。疫情期間,希望大家都充滿愛,都可以互相幫助,一齊度過艱難時候,咁我哋可以快啲去旅行,所以再次希望所有人身體健康,所有支持我嘅fans姜糖們你哋都可以永遠幸福!」姜糖聽完一定甜到漏!

姜濤
姜Man為了答謝姜糖支持,特意拍片給姜濤香港後援會︰「姜糖們你哋都可以永遠幸福!」(姜濤香港後援會影片截圖)

姜Man除了答謝姜糖支持,今晚9時還會推出第十胎新歌《作品的說話》,他在IG上載新歌預告片,片中姜Man跑到室內角落,神色驚慌,大力喘氣,令姜糖超期待,紛紛留言支持:「十分期待的好作品!」、「睇MV好似睇電影咁😍#用作品說話」、「演技非常好!眼神、面部嘴部表情、喘氣聲!感受到嗰種逃難式恐慌!」

姜濤
姜Man今晚9時推出第十胎新歌《作品的說話》。
姜濤
他在IG上載新歌預告片,片中姜Man跑到室內角落,神色驚慌,大力喘氣,令姜糖超期待。
姜濤
姜濤生日,MIRROR兄弟Edan在IG貼相祝賀!
姜濤
導演彭秀慧亦有在IG留言祝賀。
姜濤
彭導說:『有千千萬萬個人祝你生日快樂,我就多謝你為千萬人帶來歡樂!」
姜濤
ERROR成員阿Dee,以姜濤《鏡中鏡》伴奏,跳舞祝賀。
姜濤
阿Dee留言:「今年你生日~我就送個親手㩒嘅emoji 🎂,加隻舞俾你算啦~好嗎?」
娛樂

COLLAR新歌《Gotta Go!》被指抄襲 粉絲反擊:頂多得一句似,完全兩回事

COLLAR 今年1月12日正式出道,3個多月已推出《Call My Name﹗》和《Never-never Land》兩首歌,成績不錯!她們第三首團歌《Gotta Go!》今晚8點亦在各大音樂平台上架,MV同步首播。8位成員Marf(邱彥筒)、Gao(沈貞巧)、Day(許軼)、Soching(蘇芷晴)、Candy(王家晴)、Winka(陳泳伽)、Ivy (蘇雅琳)、Sumling(李芯駖),着小背心,露腰露腿,青春無限,活力十足,歌詞「Get up! Get up! Get up! Get up! We gotta go!」勁洗腦!

COLLAR
COLLAR第三首團歌《Gotta Go!》今晚8點在各大音樂平台上架,MV同步首播!
COLLAR
8位成員着小背心,露腰露腿,青春無限,活力十足。

新歌由C. Y. Kong作曲、Oscar填詞,C. Y. Kong和謝國維監製,粉絲看完MV紛紛大讚:「 今次呢個形象好好,個個顏值都爆燈!」、「COLLAR加油,相信每一首歌會愈嚟愈好!」、「Wow ~ Like 爆,COLLAR三首歌都好有驚喜!」、「年輕真好,有活力,精力充沛!」不過就有網有指 《Gotta Go!》抄襲《夜に駆ける》:「根本中文版夜に駆ける!」、「YOASOBI ??」、「真係好似囉!」、「不過佢都唔係完全攞哂成首,唔可以話抄,不過本人認為有參考囉!」

COLLAR
粉絲看完MV紛紛大讚:「 今次呢個形象好好,個個顏值都爆燈!」
COLLAR
不過就有網有指 《Gotta Go!》抄襲《夜に駆ける》。

但COLLAR粉絲反擊:「已經估到一定有好事者周圍帶風向話首歌抄《夜に駆ける》,其實頂多得一句叫比較似,有成首聽一次就知完全兩回事。」、「一啲都唔似!」亦有粉絲講反話寸網民:「 這首歌有音樂,一定係抄。有音符,又抄。MV有人跳舞,再抄。我係打手或PR,謝謝。」、「請大家理性少少🙏🏻COLLAR只係負責唱~ 完全唔關佢哋事!」

COLLAR
COLLAR粉絲反擊:「已經估到一定有好事者周圍帶風向話首歌抄《夜に駆ける》,其實頂多得一句叫比較似,有成首聽一次就知完全兩回事。」
COLLAR
Marf
COLLAR
Ivy
COLLAR
Candy
COLLAR
Day
COLLAR
Winka
COLLAR
Soching
COLLAR
Gao
COLLAR
Sumling
娛樂

Anson Lo 成功激增14磅  爆笑戴帽扮殭屍   AK、Jer正錄新歌  

MIRROR一連四個星期五晚,派出不同成員在ViuTV官方fb開live,和留家抗疫的鏡粉聊天,昨晚是最後一次,三位成員包括Anson Lo(盧瀚霆)、Jer(柳應廷)同AK(江𤒹生)。Anson Lo透露自己增肥成功:「2022年1月真係瘦咗好多,最瘦試過128磅!我由拍完《Mr. Stranger》MV之後就開始增肥,成功由一月時嘅128磅增到依家142磅,每日堅持食三餐,中間食小食,好似飯卷,每日飲兩支protein milk shake!」Jer踢爆教主平日飲齋啡瘦面,AK透露其實三個都有飲齋啡:「不過有時飲得齋啡多會胃痛,所以有時會飲黑豆水!」Jer就自豪說:「我瘦咗5kg,依家148磅。」Anson Lo驚訝:「咁叻,前幾日我見你都瘦咗好多!」

Anson Lo
MIRROR 成員一連四個星期五晚開live,昨晚是最後一次,三位成員包括Anson Lo、Jer和AK,教主透露成功增肥14磅!

三子早前都出了新歌,大家互讚對方MV,談到教主新歌《Mr. Stranger》以吸血鬼做主題,AK提議他可以扮殭屍:「點解唔試吓做殭屍呢,古代中國嗰隻!」Jer接着說:「戴住嗰啲帽,喺度跳嗰啲!」教主笑說:「下次試吓囉!」然後拿出帽子調轉放在頭上扮殭屍, AK亦將自己的帽調轉戴,場面搞笑!

Anson Lo
談到教主新歌《Mr. Stranger》以吸血鬼做主題,AK提議他可以扮殭屍:「點解唔試吓做殭屍呢,古代中國嗰隻!」
Anson Lo
教主笑說:「下次試吓囉!」然後拿出帽子調轉放在頭上扮殭屍, AK亦將自己的帽調轉戴,場面搞笑!

之後AK大爆MIRROR準備推出新歌,大家正在排舞,不過因為疫情關係,所以未拍MV,他說很喜歡新歌,因為編舞很有型,教主忽然提議每人劇透新歌舞步和動作,令鏡粉超興奮!除了團歌,三子亦為自己新歌做準備,AK新歌和另一朋友合寫,是正能量和開心的情歌,已經開始錄音。

Anson Lo
AK大爆MIRROR準備推出新歌,大家正在排舞,教主忽然提議每人劇透新歌舞步和動作,令鏡粉超興奮!

Jer透露已錄新歌第一個section,但由於難度很高,所以要再練習和揣摩。教主就正在揀歌中:「搵到一隻幾鍾意,但有少少保留,因為每次做跳唱歌,究竟揀一隻好pop嘅歌定唔同啲呢,可以表達多啲深層意思,我自己想今年第二隻玩多少少深層意思,今次《Mr. Stranger》大家俾咗一個勇氣我,可以試多啲。」

Anson Lo
除了團歌,三子亦為自己新歌做準備,AK新歌和另一朋友合寫,是正能量和開心的情歌,已經開始錄音。
Anson Lo
Jer透露已錄新歌第一個section,但由於難度很高,所以要再練習和揣摩。
Anson Lo
教主正在揀歌中。
娛樂

Anson Lo:繼續努力工作養教母 白色情人節推《Mr. Stranger》Dance Version

Anson Lo (盧瀚霆)上月25日推出新歌《Mr. Stranger》,MV在YouTube上架至今,已累積超過500萬觀看次數,成績超好!教主還在今日白色情人節,為神徒送上《Mr. Stranger》MV的Dance Version,MV今晚8才有得看,不過昨日教主已經在IG上載Dance Version黑白預告片,片中他做出招牌吸血鬼爪牙手勢,令神徒超級期待!

Anson Lo
Anson Lo(盧瀚霆)上月25日推出新歌《Mr. Stranger》。
Anson Lo
《Mr. Stranger》MV在YouTube上架至今,累積超過500萬觀看次數,教主在IG多謝神徒!
Anson lo
教主今日又在IG Story上載在洗手間拍MV一幕。
Anson Lo
還畫了公仔送給神徒!
Anson Lo
教主在今日白色情人節,為神徒送上《Mr. Stranger》MV的Dance Version。

教主昨晚還在IG Story上載教母為他炮製的愛心晚飯相,大讚媽咪廚藝:「最近有種感覺,教母應該要開餐廳!」不過之後他又寫道:「然後這想法一閃即逝,教母繼續享受退休生活比較好,繼續努力工作養教母!」很孝順! 教主和教母感情相當好,早前教母生日,他就在IG感性留言:「教母,知道最近的日子你很擔心我,擔心我太夜歸家,擔心我拍電影的情緒,擔心我對新歌的著緊,每一晚你也依然堅持在我踏入家門口時,走出客廳見我,哪怕只是閒聊幾句!新一年,但願你不用再為我太操心,我會好好照顧自己,努力做好表現給你看,讓你自豪!生日快樂,我愛你,My Queen!」母子情深!

Anson Lo
教主昨晚還在IG Story上載教母為他炮製的愛心晚飯相,大讚媽咪廚藝:「最近有種感覺,教母應該要開餐廳!」
Anson Lo
不過之後他又寫道:「然後這想法一閃即逝,教母繼續享受退休生活比較好,繼續努力工作養教母!」很孝順!
Anson Lo
教主和教母感情相當好,早前教母生日,他就在IG感性留言。
Anson Lo
教主寫道:「新一年,但願你不用再為我太操心,我會好好照顧自己,努力做好表現給你看,讓你自豪!生日快樂,我愛你,My Queen!」母子情深!
娛樂

AK、Alton出合唱新歌《REBOUND》 生粉、蛋白粉:雙A組合無得輸,Rap好正

MIRROR成員AK(江𤒹生)和Alton(王智德),今日推出合唱新歌《REBOUND》,Alton還親填Rap詞,雖然MV今晚9時才有得看,但昨日兩人已經在社交平台上載新歌MV預告片,片中見AK和Alton挨着瞓覺,之後兩人和一班好友開派對,開心又熱鬧。AK留言:「希望可以係呢段艱難嘅日子裏面,俾到幾分鐘歡樂大家,無論情況有幾壞,最後一定會REBOUND。」Alton說:「最靚仔同最有型嘅人出現了」、「望君一笑!」新歌MV客串歌手陣容鼎盛,包括隊中兄弟Lokman(楊樂文)、Frankie(陳瑞輝)、C AllStar陳健安(On仔)、洪嘉豪、陳穎欣、「小薯茄」鄧麗英、組合ONE PROMISE和Nowhere Boys等,令粉絲超期待!

AK
MIRROR成員AK和Alton,今日推出合唱新歌《REBOUND》。

AK、Alton又跟粉絲大玩互動遊戲:「 準備好嘅你哋,跟住MV預告嘅呢段音樂,自創15秒嘅Rap詞等未Ready嘅朋友一齊迎接「REBOUND」,Post IG Story Tag返 @kisang @altonwongz @mirror.weare ,出色嘅作品我哋就會Repost,等大家一齊REBOUND!」AK的生粉和Alton的蛋白粉都很踴躍參加:「MIRROR AK加王勁,睇到生粉入晒定,聽歌loop歌無時停,新歌宣傳起世嚟,REBOUND過後,坐住跑車四圍Fing! 」、「聽日唔使出街,留喺屋企乖乖,坐等聽Live,唔使搵周公,九點較個鬧鐘,輕輕鬆鬆!」

AK
昨日兩人已經在社交平台上載新歌MV預告片,片中見AK和Alton挨着瞓覺。
AK
之後兩人和一班好友開派對,開心又熱鬧。
AK
MV還有辣跑鏡頭。

《REBOUND》1時在各大音樂平台上架後,生粉和蛋白粉都大讚:「王智德、江𤒹生雙A組合無得輸!」、「好新鮮,Rap好正!」、「正呀,正能量滿晒,好期待今晚嘅MV!」、「Lets dance and clap your hands!」、「好party feel!」、「你今次真係顛倒眾生嘅王勁!」、「個vibe好正呀!」、「首歌好正喎!受疫情折磨緊,聽佐心情會放鬆一些!」、「歌詞:『平時九龍過海我都會坐飛機』勁型!」

AK
今次終於等到Alton出歌,蛋白粉超開心!
AK
AK、Alton又跟粉絲大玩互動遊戲:「 準備好嘅你哋,跟住MV預告嘅呢段音樂,自創15秒嘅Rap詞等未Ready嘅朋友一齊迎接「REBOUND」!」
AK
AK的生粉和Alton的蛋白粉都很踴躍參加。
View More