標籤: Poki

娛樂

【專訪】曾追女孩3年被拒 保錡:佢覺得我差,可能我真係樣衰

宇宙天團ERROR成員吳保錡(Poki)入行3年,近日終於成功單飛推出首支派台歌《猥瑣》,Poki指新歌是一個外表猥瑣的人的自白書:「人哋唔鍾意你,覺得你猥瑣就係一世猥瑣,就算你幾努力,對對方幾好,你做嘅嘢都係令人討厭,連做兵都冇機會!」Poki接受《都市日報》專訪,大爆曾經追求一位女孩3年,但都慘遭女方拒絕:「佢覺得我差,可能我真係樣衰!」Poki又多謝ERROR兄弟不離不棄,還揚言:「如果可以的話,我哋玩到50歲時,做福祿壽都OK!」兄弟情深!

娛樂

入行3年終推處男歌《猥瑣》  保錡:真的忍不住淚水哭了 Pokimon 大叫感動 

宇宙天團ERROR成員吳保錡(Poki)入行3年,今年成功單飛,今日推出首支派台歌《猥瑣》,歌曲找來黃偉文(Wyman)填詞、Larry Wong作曲、舒文監製,當Poki聽到電台首播,忍不住哭了,他在IG寫道:「第一首聽自己的作品在電台首播,真的忍不住淚水,哭了!」

保錡
宇宙天團ERROR成員吳保錡(Poki)入行3年,今年成功單飛,今日推出首支派台歌《猥瑣》。
保錡
Poki在IG寫道:「第一首聽自己的作品在電台首播,真的忍不住淚水,哭了!」
保錡
保錡粉絲Pokimon紛紛感動力撐!

今晚播出《猥瑣》MV,Poki找來偶像李靜儀(Heidi)擔任MV女主角,打造最強慘情情歌,保錡粉絲Pokimon紛紛感動力撐:「恭喜保錡出第一首個人單曲好好聽,歌詞好感人加油啊!」、「保錡嘅努力大家都有目共睹,今日4月18日終於等到機會,等到出頭嘅一日,感動!」、「感情做得非常細膩,咬字好清晰,好好聽好impressive嘅第一首作品!」

保錡
今晚播出《猥瑣》MV,Poki找來偶像李靜儀(Heidi)擔任MV女主角,打造最強慘情情歌。

Poki指這個是難得機會去證明自己:「我嘅終極夢想係想成為一個歌手,但歌手唔係自己覺得,係要人哋話你係,你先係,所以今年嘅目標係想做好多大家唱K會唱、搭車時會聽,甚至係陪到大家成長嘅廣東歌。」《猥瑣》是一個外表猥瑣的人的自白書,Poki解釋:「猥瑣係人哋望你嘅一種感覺,人哋唔鍾意你,覺得你猥瑣就係一世猥瑣,就算你係一個正常人,就算你幾努力,對對方幾好,你做嘅嘢都係令人討厭。有啲人慘過做兵,因為連做兵都冇機會。」

保錡
Poki指這個是難得機會去證明自己:「我嘅終極夢想係想成為一個歌手,但歌手唔係自己覺得,係要人哋話你係,你先係。」

Poki特別感謝監製舒文:「錄歌之前,舒老闆用咗幾日時間搵我唱歌個Range,同埋用咩方法唱《猥瑣》會較好,繼而喺錄音時又會教我唱呢個年代嘅流行歌應有嘅態度同情緒,因為呢首歌好講究歌唱技巧同埋感情運用,但我本身咬字最弱,唱得又唔連貫,所以舒老闆今次特別同我就呢兩方面加強訓練。」

保錡
Heidi繼綜藝節目《ERROR自救TV》驚喜亮相後,二人首度合作。

至於MV女主角Heidi是繼綜藝節目《ERROR自救TV》驚喜亮相後,二人首度合作,Poki表示:「因為MV需要一個會演嘅演員擔任女主角,而Heidi近年都係一個公認嘅電影演員,大家都覺得佢非常適合。」但Poki未有自肥,最親密都是Heidi用雙手推Poki入浴缸:「我哋係用作品說話,所以一定係以歌曲同MV能表達當中意思行先,就好似我喺MV入面嘅造型係有疤痕,用以表達人生有好多傷痛都會留下瘡疤,只有自己先知,所以要走入教堂搵上帝哭訴。至於可以同Heidi合作係非常開心,因為我真係好崇拜佢,讀大專時已經係佢嘅小Fans,有聽佢嘅歌、睇佢嘅戲,可以同自己偶像合作,係難以形容嘅感動。」

保錡
Poki說:「可以同Heidi合作係非常開心,因為我真係好崇拜佢,可以同自己偶像合作,係難以形容嘅感動。」