標籤: Stanley

娛樂

母親節變「奶奶節」 同媽咪半島酒店慶祝 姜濤爆笑跟姜糖叫「奶奶」

昨日母親節,很多藝員紛紛貼媽咪相慶祝,好像MIRROR成員Anson Lo(盧瀚霆)就送蛋糕和錫錫給媽咪,並留言:「Happy Mother’s Day♥️#MyQueen」,Jer(柳應廷)就貼媽咪收花相,Stanley(邱士縉)就post細個和媽咪合照,很乖仔!至於姜濤昨晚就在IG上載短片和姜媽相,原來姜Man和媽咪去了半島酒店慶祝,拍片時姜媽媽還擺不同pose,十足專業model很開心,而姜Man還跟姜糖叫媽咪做「奶奶」,留言:「 我媽比我還專業…#母親節快樂 #姨媽壓力山大 #奶奶」相當爆笑!

姜濤
昨日母親人節,孝順仔姜濤和媽媽慶祝。
姜濤
姜濤在IG貼出姜媽相,姜Man和媽咪去了半島酒店吃飯,還留言:「 我媽比我還專業…#母親節快樂 #姨媽壓力山大 #奶奶」相當爆笑!
姜濤
姜濤亦有上載姜媽短片,拍片時姜媽媽還擺不同pose。
姜濤
姜媽媽很開心!

話說姜Man23歲生日,姜糖迫爆銅鑼灣慶祝姜濤誕,令銅鑼灣變「姜濤灣」,當日姜媽媽突然和友人現身港鐵站出口,姜糖即時衝向姜媽媽大叫:「奶奶!」勁搞笑!而姜媽媽以燦爛笑容答謝姜糖。姜濤前日出席活動時笑言知道姜糖叫媽咪做「奶奶」,又爆媽咪因為自己入行而多交朋友,還叫他買演唱會飛!想不到姜Man昨晚貼出媽咪靚相時就hashtag「奶奶」,冧爆姜糖,難怪姜糖紛紛留言:「奶奶節快樂!」、 「Happy Mother’s Day 奶奶,吖唔係…姜媽!」、「模特兒姜媽😆♥️ 媽媽節快樂~」、「姜媽有阿仔陪慶祝母親節~一定好開心!」、「國民奶奶!」

姜濤
姜Man23歲生日,姜糖令銅鑼灣變「姜濤灣」,當日姜媽媽突然和友人現身港鐵站出口,姜糖即時衝向姜媽媽大叫:「奶奶!」勁搞笑!(網上圖片)
姜濤
之後姜媽媽以燦爛笑容答謝姜糖。(網上圖片)
姜濤
Anson Lo(盧瀚霆)在母親節送蛋糕和錫錫給媽咪。
姜濤
Jer在IG貼媽咪收花相。
姜濤
Stanley在IG post細個和媽咪合照,sweet!
娛樂

姜濤晒《造星》兄弟舊照祝大家童心不泯   鼓勵姜糖將生日應援做慈善

姜濤正籌備十胎新歌,近日在IG透露新歌同樣跟湯令山合作:「每一首歌都有它的使命和靈魂,這一次,我為十胎,感到由衷的驕傲。@gareth_tong(湯令山)let’s go!」之後又表示:「歌詞完成!」令姜糖超期待!昨晚姜Man在將過兒童節前,貼出4年前參加《全民造星》和一眾兄弟,包括Anson Lo、AK、Ian、Lokman、Alton、Stanley、肥仔、阿Dee等溫馨舊照和黑圖留言:「祝大家童心不泯、永遠快樂!」

姜濤
昨晚姜Man在將過兒童節前,貼出4年前參加《全民造星》和一眾兄弟溫馨舊照應節。
姜濤
Anson Lo
姜濤
AK
姜濤
Ian

被貼黑圖的 大表哥Stanley留言:「弟,你為甚麼出賣我呢?你這樣對你的哥!」跟住在IG Story貼出姜Man將口罩當眼罩的睡覺相反擊:「口罩是這樣用的嗎?」阿Dee就轉發自己的黑圖說:「So I say I love you!」超爆笑!

姜濤
左起Lokman、Dee、Alton
姜濤
Stanley被姜Man貼黑圖。
姜濤
Stanley貼出姜Man將口罩當眼罩的睡覺相反擊,超爆笑!

姜Man又寫道:「今天見到很多人po兒時照片,我也試著找回從前過兒童節的記憶,可惜的是真的沒太多印象。而因為最近在做新歌,我今天想到的更多是那些身處不和平地區的兒童,不知道他們今天是否在廢墟中度過,是否能吃飽穿暖,是否仍對未來充滿希望。」難過十胎的主題正正是「身處不和平地區的兒童」?

姜濤
阿Dee就轉發自己的黑圖說:「So I say I love you!」


姜Man又鼓勵姜糖將他的生日應援集資用來幫助有需要的人:「知道最近有些粉絲開始為我籌備生日和新歌的應援,對此我非常感激。我想說,你們的心意我全部都收到了,但今年我希望你們把應援集資用來幫助身邊更多有需要的人。特別是現在疫情時期,社會上每一個人都過得不容易。所以,我們更應該傳遞我們的愛心和力量。」

姜濤
姜Man又鼓勵姜糖將他的生日應援集資用來幫助有需要的人。

姜糖紛紛表示收到:「你的說話我們收到了!」、「你的心意我哋都明白,你用心做好你的新歌。願天主祝福你的一切,像你這樣善良的人,加上你的影響力,你的作品,你的說話,一定是對世界美好的祝福!」、「運用你嘅影響力推動別人獻愛心,真心RESPECT!!」、「善良的你,今年有很多善良的糖做慈善應援呀!」事實上,姜糖近日正舉行慈善應援活動,將4間茶飲店變成主題生日店,同時有義賣活動,而知聖雅各福群會的「助學改變未來服務」,正是這次活動的受惠機構,為基層小朋友解困,好有意義!

娛樂

Edan新歌首次挑戰跳唱多驚喜 爵屎:MV有教主、Jer、小儀好正

Edan(呂爵安)今天愚人節推出首支個人跳唱單曲,令爵屎超期待!他之前在IG叫大家估歌名,怎料轉頭被大表哥Stanley(邱士縉)以升降機符號劇透歌名,Jeremy(李駿傑)又說:「 見到都想唱個chorus(同E先生一樣的E字頭)。」令Edan無奈揭曉歌名《Elevator》:「Bala Bala Ba Bala Ba Ba,Elevator!Elevator!心愈急愈煩問題愈難拆~冇錯,出個post叫大家估歌名,然後6分鐘就俾姓邱 PK劇透 。」Stanley即解釋:「我有兜㗎 ,點知大家估得咁快,最衰係Jeremy(李駿傑)!」相當搞笑!

Edan
Edan今天愚人節推出首支個人跳唱單曲。

昨日Edan在IG上載新歌預告片說:「應該係最多surprise嘅MV,希望大家睇得開心!」新歌MV今晚8時在YouTube播出,結果畫面走了一隻鬼出來說:「愚人節快樂,八點三再返嚟睇啦,哈哈哈! 」搞到全部爵屎中伏大叫:「好衰㗎!」、「真係俾隻鬼嚇一嚇!」、「會唔會出MV都係假㗎?」、「Crazy Edan!」到8:15pm ,Edan終於出現,不過他又大笑說:「愚人節快樂,八點半再返嚟啦,哈哈哈!」有爵屎好冷靜說:「預咗啦!」有些忍不住叫「呂PK」,超爆笑!

Edan
《Elevator》MV今晚8時在YouTube播出,結果畫面走了一隻鬼出來說:「愚人節快樂,八點三再返嚟睇啦,哈哈哈! 」
Edan
到8:15pm ,Edan終於出現,不過他又大笑說:「愚人節快樂,八點半再返嚟啦,哈哈哈!」

幸好MV最後在8:30pm播出,Edan不但扮鬼扮馬,一時做自己,一時變身保安員、Model,期間又要吊威吔在升降機內被揈來揈去,絕對瞓身演出。此外,今次MV請來多位嘉賓客串,包括MIRROR隊友Anson Lo(盧瀚霆)和Jer(柳應廷)做維修員、正印小儀做鬼新娘,羅家英做的士司機,《闔家辣》導演Coby 做外賣員,令人驚喜!而Edan第一次挑戰跳唱和Rap同樣驚喜,爵屎看完紛紛留言大讚:​「超正,可以loop歌啦!」、「跳唱兒登世一!」、「​Dance嗰part,個髮型好jeng!」、「好多驚喜,勁多fd!」、「MV有教主同Jer及小儀好正!」、「你威啦你, 正印,官配,大叔配 都齊晒,有埋家英哥添!」、「真心多謝Lo Lo同Jer見證爵安第一首跳唱 !」

Edan
Edan新歌首次挑戰跳唱,爵屎看完紛紛留言大讚:​「超正,可以loop歌啦!」、「跳唱兒登世一!」
Edan
今次MV請來多位嘉賓客串,包括MIRROR隊友Anson Lo(盧瀚霆)和Jer(柳應廷)做維修員。

問Edan《Elevator》歌詞是否自己嘅寫照,Edan坦言對很多時都順其自然,因為覺得這種價值觀很舒服,能夠自我安慰同時又夠positive,所以很多時候都只想做好本份,不過Edan都有心急一面:「唱歌阿Sir成日話我好急,例如佢教我一個Exercise,我就會係咁做,我個人係鍾意用死力,死衝爛衝,但喺其他處事方面,我又唔係咁急嘅!」

Edan
正印小儀做鬼新娘。
Edan
羅家英做的士司機。
Edan
《闔家辣》導演Coby 做外賣員。
Edan
今次Edan找來肥仔排舞。
娛樂

【考古】有父愛鍾意撩「女」 姜濤3年前問妹妹:係咪最鍾意我?

姜濤 近日和大表哥Stanley拍攝ViuTV新劇《季前賽》,早前姜Man上載片段,片中他問在劇中飾演Stanley囡囡的小演員阿Bean:「妹妹,我係邊個呀?」妹妹答:「Anson Lo!」又要阿Bean在他與Anson Lo之間選擇一個,最後要Stanley解圍!

今日姜Man又在IG Story上載和阿Bean的對話錄音,還Tag了Stanley示威說:「晴晴(阿Bean)是愛我的!你睇到啦!」但Stanley立即上載對話錄音反擊,原來阿Bean早過姜濤一分鐘找大表哥,很搞笑!Stanley說過:「姜濤好想生女㗎嘛,佢好有父愛,係咁撩我個女!」我們找到一條大約3年前的考古片,當時姜Man問一個妹妹:「係咪最鍾意姜濤?」又帶她去化妝間,看得出他真的很喜歡小朋友,一起看看!

娛樂

MIRROR 開Live抗疫  姜濤爆阿媽有潔癖唔煮飯 大表哥:佢想生女好有父愛

第5波疫情失控,很多人都留家抗疫,MIRROR繼早前擔任抗疫大使拍攝宣傳片,為大家打氣外,由昨晚開始《Mirror FB Live From Home》,一連四個星期五晚,派出不同成員在Viu官方fb開live,和鏡粉見面聊天,而頭炮就是姜濤、隊長Lokman和大表哥Stanley 。

MIRROR
MIRROR由昨晚開始,一連四個星期五晚,派出不同成員在Viu官方fb開live,和鏡粉見面聊天。

一開始Lokman說:「最近疫情都好嚴峻,所以我哋諗住開live同喺屋企嘅大家傾吓偈!」之後Stanley問姜濤和Lokman:「有冇多咗叫外賣?平時煮唔煮嘢食?」Lokman說初時叫外賣多,但叫外賣太多頂不順,最後唯有自己煮,姜濤卻自爆家中不煮飯:「 叫外賣,我都係長期叫外面,自己唔識煮,阿媽有潔癖,又係唔鍾意煮飯!」Stanley說:「我搵到你容易肥嘅原因喇,可能太重油同鹽!」姜Man說:「冇辦法啦,都冇人煮。我鍾意食但唔鍾意煮,可能由細到大阿媽都話污糟,對煮嘢食有好污糟嘅概念!」

MIRROR
頭炮就是姜濤、隊長Lokman和大表哥Stanley 。

Stanley說:「咁你咪食緊啲唔係好熱嘅嘢囉,成日都只係暖暖哋?」姜Man回答:「有時買麵返嚟,都係叮完先食!」Lokman忍不住說:「好慘,有啲陰公!」Lokman問到叫外賣會不會試不同餐廳,姜Man說:「我都係keep住嗌嗰幾間外賣,我每次想試新嘢嘅時候就會諗,如果間嘢唔好食咁點算呢?每次都好掙扎,但最後都係嗌番之前嗰間!」

MIRROR
姜濤自爆家中不煮飯:「 叫外賣,自己唔識煮,阿媽有潔癖,又係唔鍾意煮飯!」

Lokman問大家在家中除了吃東西外,還會做甚麼?姜Man豎起手指公說:「頭先啱啱睇完Anson Lo(盧瀚霆)嘅新歌《Mr. Stranger》MV,我覺得佢今次首歌好好聽!」Stanley亦讚教主:「好聽、好睇、好有型!」還指看了隊友Jeremy(李駿傑)新歌《半》的MV:「我覺得《半》拍得好好,好簡單直接,所有嘢都係恰到好處!」早前姜Man在IG限時動態寫道:「十胎,靈感來了!」Lokman問他甚麼時候出新歌,他說:「最近拍劇,冇乜太多時間做歌,個構思喺度,逐步逐步嚟!」Stanley大爆姜Man的歌都是跑步想出來,姜Man立即說:「係呀!嚟緊十胎都係跑步諗出嚟!」

MIRROR
Anson Lo昨日推出第八首個人單曲《Mr. Stranger》,今次以吸血鬼做主題。
MIRROR
姜Man豎起手指公說:「頭先啱啱睇完Anson Lo嘅新歌《Mr. Stranger》MV,我覺得佢今次首歌好好聽!」

最近姜Man和Stanley拍攝ViuTV新劇《季前賽》,早前姜Man上載片段,片中他問小妹妹:「妹妹,我係邊個呀?」妹妹答:「Anson Lo!」場面搞笑,而這位小演員在劇中飾演Stanley的女兒。Stanley大爆:「個小妹妹真係好得意,姜濤好想生女㗎嘛,佢好有父愛,係咁撩我個女!」可愛的姜Man邊聽邊笑!姜Man自爆拍劇時不會吃東西:「拍劇有件趣事,前幾日啱啱拍咗場戲,講我喺麥當勞炒薯條,好多麥當勞嘅職員諗住教我炒,點知我一埋位自己即刻開爐喺度炒,炒完第二日就放假,我食晒入邊啲薯條,劇組嘅人全部好surprise咁望住我,因為佢哋係第一次見我喺劇組入面食嘢!」Stanley就笑着澄清:「唔係我哋唔俾飽飯姜濤食,係姜濤自己選擇唔食嘢,絕對唔關我哋大家事!」

MIRROR
早前姜Man上載片段,片中他問小妹妹:「妹妹,我係邊個呀?」妹妹答:「Anson Lo!」場面搞笑。
MIRROR
這位小妹妹在《季前賽》飾演Stanley的女兒。
MIRROR
Stanley大爆:「姜濤好有父愛,係咁撩我個女!」
娛樂

Jeremy 等到頸長終出處男歌《半》 Stanley3年前激讚係唱將:MIRROR好彩有你

26歲的MIRROR成員Jeremy(李駿傑)等了3年,今日終於推出處男Solo歌《半》,Jeremy在IG表達心情:「我同你哋一樣好心急,不過好嘅嘢,係需要等待的,一切都是最好的安排!」他的粉絲Unicorn就大讚Jeremy唱得好聽、MV很型很大膽:「唔係一首普普通通嘅歌,係藝術品!」、「高音王!」

Jeremy曾經在《全民造星》時爆喊跟花姐說,無論自己有多努力,但永遠都要站在最側面位置:「點解我唔想做個隱形人,都係要變個隱形人!」感動不少粉絲。其實梁祖堯在節目《調教你MIRROR》讚過Jeremy是眾多成員中最溫柔,而且很有魅力,好期待Jeremy的單飛作品。而和Jeremy一起開設YouTube頻道 《巨龍與豬仔》的隊友Stanley(邱士縉),在2018年11月的考古直播片,已經大讚幸好MIRROR有Jeremy,何解?一起聽聽!

娛樂, 熱話

《IT狗》大結局    Never爆笑發威:我係Touchwood創辦人呀  魯庭暉讚Frankie: 佢係一位演員

IT狗》由凌文龍、陳漢娜、岑珈其、陳湛文、MIRROR成員Lokman(楊樂文)、Frankie(陳瑞輝)、Stanley(邱士縉)、余逸思等主演,劇集開播以來大受歡迎,演員表現出色,網民大讚飾演葉念信的凌文龍好戲,含淚食麵一幕觸動不少網民,Lokman飾演「星之子Tony」亦有不錯表現,至於處男拍劇的Frankie,其扮演放負的Never可愛爆笑,令人驚喜,在昨晚(4日》播出大結局後,還被ViuTV董事及總經理魯庭暉大讚:「 係一位演員。」

IT狗
ViuTV原創劇《IT狗》開播以來大受歡迎,演員表現出色。
IT狗
Frankie扮演放負的Never可愛爆笑,令人驚喜!

大結局講述阿信等人要揭發萬鈞AI Moby的陰謀,Frankie和Lokman要協助阿信潛入AI Moby發布會,兩人要拖延時間,於是在門口白撞想入會場,當保安問他們是誰時,Lokman便說:「Never,你話俾佢聽我係邊個?」 Never說:「星之子你都唔識。」Lokman叫Never有氣勢些, 一直負能量爆燈,說話陰聲細氣的Never竟然大發神威說:「唔識得佢唔緊要,都識得我呀嘛,我係Touchwood創辦人Never呀呀呀呀!」令人爆笑!

IT狗
萬鈞為AI Moby舉行發布會。
IT狗
阿信等人要揭發萬鈞AI Moby的陰謀。
IT狗
Frankie和Lokman要協助阿信潛入AI Moby發布會,兩人要拖延時間,於是在門口白撞想入會場。
IT狗
當保安問他們是誰時, 一直負能量爆燈,說話陰聲細氣的Never竟然大發神威說:「我係Touchwood創辦人Never呀呀呀呀!」
IT狗
之後兩人忽忽跳舞,超爆笑!

之後魯庭暉在IG寫道:「當然,Frankie 嘅演技唔係乜嘢神級。但我覺得,佢今次,係一位演員。啲人話因為佢個性格都似Never,所以咪做得好囉;我唔贊成。任何一個人對住鏡頭,背住對白,做第二個人,就算你嘅性格同嗰個角色好似,你估咁就好易呀?係,係易啲啲,但當中一定需要有努力、沉澱、投入…先至會令人知道,嗰個係Never。呢一點,證明佢今次,係一位演員。」

IT狗
之後魯庭暉(右)在IG寫道:「當然,Frankie 嘅演技唔係乜嘢神級。但我覺得,佢今次,係一位演員。」
IT狗
魯庭暉寫道:「啲人話因為佢個性格都似Never,所以咪做得好囉;我唔贊成。」

魯生又說:「呢篇嘢,冒着生命危險寫:一陣花姐又話我做乜淨係講一個唔講埋另外嗰啲Mirror囝囝;金生又話我做乜唔讚下製作團隊;仲有呀藝人部主管又投訴我唔提吓其他artists。咁呀,唔講唔讚唔提,唔代表唔上心,咁唔通呀,《IT狗》裏面其中兩位演員,拍咗另一套嘢,我睇完rough cut (演員未睇)之後我覺得嗰套嘢一出街有機會令人眼前一亮我又周圍話俾人聽咩。講、讚、提….不如做啦。」之後Frankie回覆魯生:「多謝魯生,我會繼續裝備自己㗎!Never say never!」而花姐亦轉載魯生個貼文寫道:「Never say never!」 相信花姐沒有詐型!

IT狗
之後Frankie回覆魯生:「多謝魯生,我會繼續裝備自己㗎!Never say never!」
IT狗
花姐轉載魯生個貼文寫道:「Never say never!」 相信花姐沒有詐型!

33歲的Frankie為人低調,曾經被經理人花姐指他存在感不高,早前他接受美國華語節目《偶像名人堂》越洋訪問,就坦言曾經因為發展步伐比其他MIRROR 成員慢而不開心:「因為我性格嘅問題,我都要爭取多啲嘢嘅時候,可能力度唔夠大,自己久而久之會有少少唔開心嘅係,我努力咗可能公司未睇到。」魯生這一讚,證明Frankie的努力,公司已經看見了,加油呀!

IT狗
33歲的Frankie為人低調,曾經被經理人花姐指他存在感不高。
IT狗
早前他接受美國華語節目《偶像名人堂》越洋訪問,就坦言曾經因為發展步伐比其他MIRROR 成員慢而不開心。
IT狗
魯生這一讚,證明Frankie的努力,公司已經看見了,加油呀!
IT狗
Frankie和一眾《IT狗》演員在大結局後開live,還騷出《大台理論》。
IT狗
導演彭秀慧開live時大爆阿信父親是導演羅永昌,曾擔任《鎗火》、《暗戰》執行導演。
娛樂

連登仔還原Lokman被起底情節 《IT狗》向《英雄本色》致敬超爆笑

ViuTV劇集《IT狗》由凌文龍、陳漢娜、岑珈其、陳湛文、MIRROR成員Lokman(楊樂文)、Frankie(陳瑞輝)、Stanley(邱士縉)等人主演,播出以來討論度超高,該劇不時狂寸香港社會現象,雖然劇情推進有些慢和鬆散,但網民覺得膠得來很好笑,還大讚Lokman飾演「星之子Tony」做得好,Frankie扮演的放負Never相當爆笑!

Lokamn
ViuTV劇集《IT狗》由凌文龍、陳漢娜、岑珈其、陳湛文、MIRROR成員Lokman(楊樂文)、Frankie(陳瑞輝)、Stanley(邱士縉)等人主演,播出以來討論度超高。
Lokman
網民大讚Lokman飾演「星之子Tony」做得好,前財政司長曾俊華(左)亦有驚喜登場。

昨晚一集都相當精彩,劇情講述倪晨曦(Elva)客串飾演的「環保KOL」Charlotte,為了舉行一場環保婚禮,避免親友用利是封破壞環境生態,於是找葉念信創立的人情電子支付平台「PayPayDuck」合作,還由星之子Tony和Charlotte接受傳媒訪問,之後Tony就被網民開Post狂寸:「覺唔覺得呢條左膠Tony好煩?」又說:「用利是封都係罪,咩世界?」、「聽完條左膠講嘢之後,決定以後用兩個利是封入錢!」、「PayPayDuck全部起底!」因此Tony要刪除IG不環保的相,包括食牛扒、用紙巾等!怎料有連登仔看完之後真的用「覺唔覺得呢條左膠Tony好煩?」開post搞Gag寸Tony,留言:「決定以後用兩個利是封入錢!」還抵死到走去Lokman現實中的IG找他用飲管的相,指他不環保,還完劇中情節,相當爆笑,可見劇集成功吸引網民!有連登仔大讚Lokman:「好想同Lokman互動,佢演得太正!」、「X,套嘢幾好睇!」

Lokman
昨晚一集劇情講述倪晨曦客串飾演的「環保KOL」Charlotte,為了舉行一場環保婚禮,避免親友用利是封破壞環境生態,於是找葉念信創立的人情電子支付平台「PayPayDuck」合作。
Lokman
星之子Tony和Charlotte接受傳媒訪問。
Lokamn
之後Tony就被網民開Post狂寸:「覺唔覺得呢條左膠Tony好煩?」
Lokman
劇中網民要將PayPayDuck全部起底!
Lokman
因此Tony要刪除IG不環保的相,包括食牛扒、用紙巾等!
Lokman
怎料有連登仔看完之後真的用「覺唔覺得呢條左膠Tony好煩?」還完劇中情節,相當爆笑!
Lokman
有連登仔留言:「決定以後用兩個利是封入錢!」
Lokamn
連登仔抵死到走去Lokman現實中的IG找他用飲管的相,指他不環保。
Lokman
連凌文龍都玩埋!

昨晚《IT狗》還向周潤發主演的《英雄本色》致敬,話說飾演男B的陳湛文辭職後扮Mark哥跛下跛下在停車場吃飯盒,之後凌文龍飾演的阿信見到男B這麼潦倒,相當激動,兩人相擁,盡顯兄弟情!網民大讚無論鏡頭、服裝和造型跟《英雄本色》幾乎一模一樣,神還原周潤發、狄龍的經典場面,令人好笑又驚喜!陳湛文昨晚亦有在fb留言:「呢一幕係簡導由衷想向《英雄本色》致敬嘅一筆。能夠成為向經典致敬嘅一員,喺感動萬分之餘,伴隨住嘅係見到一種曙光……因為曾經有一段時間,紛紛眾說『青黃不接』,我唔敢講我哋接到/接咗棒,但我想講而家已有一班傻佬傻婆不繼咁開拓、探索緊一個未知嘅新世界。」

Lokman
昨晚《IT狗》還向周潤發主演的《英雄本色》致敬。
Lokman
話說飾演男B的陳湛文辭職後扮Mark哥跛下跛下在停車場吃飯盒。
lokman
神還原《英雄本色》經典場面。
Lokman
之後凌文龍飾演的阿信見到男B這麼潦倒,相當激動,兩人相擁,盡顯兄弟情!
Lokman
網民大讚無論鏡頭、服裝和造型跟《英雄本色》幾乎一模一樣。
時尚

MIRROR 成員Stanley試戴Ray-Ban新鏡 經典款加入時尚元素

知名眼鏡品牌Ray-Ban向來是不少大學生和上班族追捧的品牌,最近他們於經典款式中加入流行元素推出新一季產品,令原創設計永不過時。今季更請來本地人氣男團MIRROR成員 Stanley(邱士縉)試戴4款新鏡,各位TeamStanley準備好入手新產品了嗎?(詳情:https://www.ray-ban.com/hongkong/

MIRROR
RX6413 AVIATOR CONTEMPORARY ($1,200):黑灰色調充滿時尚感,輕巧結構減輕負擔。

娛樂

MIRROR十二子互選最佳老公 邊個最多人揀?

人氣男團MIRROR爆紅,鏡粉無數,12子各有支持者,未知選擇老公又如何?鏡仔曾經在《MIRROR 100問》,被問到:「如果你有個妹,你想邊個成員做佢老公?」到底哪一個最多人選擇?是否萬人迷姜濤呢?Ian就選擇自己!最好笑是有鏡仔說一定不會選擇Edan,何解呢?結果最佳老公有三個鏡仔同分,分別是Ian、 Jeremy和Lokman,聽聽他們說的理由。

揀Ian

Ian(陳卓賢)二話不說選擇自己:「因為我應該係一個幾好嘅老公。 」又爆笑說:「我唔放心交我個妹俾佢哋。」

MIRROR

Anson Kong(江𤒹生)說:「感情上我會揀Ian,因為我同佢熟啲,我知佢會對阿妹好,但理性上我梗係揀姜濤,佢有100萬喎!」

MIRROR

Tiger(邱傲然)亦都選擇Ian:「 我個妹好喜歡彈琴、好喜歡音樂,我覺得Ian應該同佢幾啱傾! 」

MIRROR

揀Jeremy

姜濤選擇Jeremy:「因為佢好識照顧人,唔會斤斤計較。」

MIRROR

Alton(王智德)的答案超爆笑:「一定唔係Edan先啦,做朋友都擔心,淨係遲到已經死啦。揀Jeremy,佢幾細心檢點。」有趣,難道其他成員不檢點?

MIRROR

Edan(呂爵安)現實中有個可愛妹妹小如豬,他盛讚Jeremy:「佢識做家務、識煮嘢食、識通廁所,佢個樣最唔喊濕,應該唔會亂咁嚟。」有這樣的老公,的確不錯!

MIRROR
MIRROR
Edan現實中有個可愛妹妹小如豬,兩兄妹很似樣。

揀Lokman

Jer(柳應廷)大讚Lokman:「因為佢好Take care人,都好溫柔體貼嘅,仲要風趣幽默! 」

MIRROR

Frankie(陳瑞輝)說很想自薦,但最後選擇AK或Lokman:「佢哋都好識照顧人。」

MIRROR

Jeremy(李駿傑)知道自己受歡迎,他說:「 我知大家都會揀我,所以我都唔知揀邊個好,Lokman或者Stanley,因為其實佢哋都好識照顧人嘅,都係好大哥哥形象。」

MIRROR

至於第二名都有兩人同分,因為Jeremy都有選擇Stanley,所以Stanley和Alton平手。

Anson Lo(盧瀚霆) 說:「 我揀Alton,好忠厚正直,身體好厚實,好男人!」

MIRROR

Lokman(楊樂文)鍾情Alton:「因為佢有潔癖,所以佢做家頭細務做得妥妥當當,咁阿妹就唔使做家務喇!」有道理!

MIRROR

Stanley(邱士縉)很有自信說:「梗係自己啦,如果我係女仔,我都會鍾意自己,因為我高大威猛、靚仔有型、有才華、跳舞又叻,搵唔到!」

MIRROR

最後完全沒有人選擇的有Edan、Anson Lo、Tiger、Jer、Frankie,你是否覺得合理?

MIRROR
View More