MIRROR 演唱會事故，有3個舞蹈員受傷，包括COLLAR成員So Ching男友阿Mo（李啟言）、阿Fung（張梓峯）、Zisac， 其中阿Fung轉院繼續留醫。而阿Mo仍然在伊利沙伯醫院深切治療部留醫，情況危殆。事發後，COLLAR 暫停一切活動，今日她們現身商台節目《叱咤樂壇》宣傳新歌，但獨缺So Ching。
COLLAR隊長 Gao 多謝大家關心：「我哋OK嘅！」至於今日生日的Ivy，坦言希望身邊人健康平安，而第二個願望就是：「想送平安俾So Ching同傷者！」昨日So Ching被發現其社交網取消追蹤MIRROR經理人花姐、公司MakerVille、ViuTV、魯庭暉和排舞總監Rock Sir等帳號，令人擔心其事業去向。
由Marf邱彥筒、Gao沈貞巧、Day許軼、Soching蘇芷晴、Candy王家晴、Winka陳泳伽、Ivy 蘇雅琳及Sumling李芯駖組成的新生代女團COLLAR，自年初成軍後短短半年，推出年度第四支團歌《OFF/ON》，跳唱歌曲節奏澎湃，內容講述8位成員經食吹波糖後，就好似「撻着」靈感一樣，由現實的納悶生活，走進充滿幻想的空間，從而帶出活出真我的主題。
日前COLLAR為新歌《OFF/ON》拍攝MV，為演繹沉悶與幻想世界，拍攝期間8位成員交足戲，以不同的酷爆造型亮相，當中 Ivy着住火辣吊帶紅裙最性感，搞到粉絲「蘇蝦」留言：「爆鼻血了！」Candy則以浸浴造型上陣、Marf着婚紗、芯駖要瞓「男友」大腿、Gao被綑綁車尾箱等，對於披上婚紗造型亮相，Marf表示並非首次着婚紗：「之前都着過婚紗拍嘢，不過第一次戴頭紗，同埋第一次咁凝重要攞花球，我覺得呢個主題好襯我，結婚結到好納悶，因為我本身對結婚冇乜幻想。我係咪不婚主義？冇特別幻想，人生to do list冇呢個剔剔。」
Candy浸浴當消暑
至於以浸浴Look示人的Candy，雖然要在水中浸一個鐘，但她表示很享受：「比想像中舒服，可能天氣熱，加上係暖水，唔會浸到打冷震，喺一個好舒服狀態拍攝。」而瞓在「男友」大腿的芯駖，透露「男友」大腿是女工作人員所扮，笑言瞓到對方血液不循環。
每次拍MV，COLLAR都有不少趣事發生，今次亦不例外，為了營造納悶氣氛，導演要求8位成員就算跳舞都要木口木面、毫無表情，對此Winka、Soching表示被考起，Soching說：「以為唔畀表情跳舞會容易啲，但原來比平時跳舞難，更容易甩step。」Winka直言不許有表情，反而更會手腳不協調，不過Day就笑言是做回「自己」：「平時戴口罩跳舞都唔會有表情，所以都係做番自己。」
Ivy被讚食吹波膠耍家
此外，提到在MV中，8位成員要食吹波糖吹波，眾人一致認為Ivy食吹波膠最耍家，不過Gao就踢爆Ivy「出貓」：「人哋食兩粒吹波糖，佢食咗八粒，用八粒嚟吹。」Marf幫Ivy改花名：「其實我都食咗八粒嘅，但係都唔係好吹到，你係波波小姐！」Ivy欣然接受：「多謝！」Day說：「細個成日玩，不過好耐冇吹過波膠！」提到想唱甚麼歌，Day說：「我想唱甜甜嘅情歌，但未去到可愛嗰種，有初戀嘅感覺！」
COLLAR 今年1月12日正式出道，3個多月已推出《Call My Name﹗》和《Never-never Land》兩首歌，成績不錯！她們第三首團歌《Gotta Go!》今晚8點亦在各大音樂平台上架，MV同步首播。8位成員Marf（邱彥筒）、Gao（沈貞巧）、Day（許軼）、Soching（蘇芷晴）、Candy（王家晴）、Winka（陳泳伽）、Ivy （蘇雅琳）、Sumling（李芯駖），着小背心，露腰露腿，青春無限，活力十足，歌詞「Get up! Get up! Get up! Get up! We gotta go!」勁洗腦！
新歌由C. Y. Kong作曲、Oscar填詞，C. Y. Kong和謝國維監製，粉絲看完MV紛紛大讚：「 今次呢個形象好好，個個顏值都爆燈！」、「COLLAR加油，相信每一首歌會愈嚟愈好!」、「Wow ~ Like 爆，COLLAR三首歌都好有驚喜！」、「年輕真好，有活力，精力充沛！」不過就有網有指 《Gotta Go！》抄襲《夜に駆ける》：「根本中文版夜に駆ける！」、「YOASOBI ??」、「真係好似囉！」、「不過佢都唔係完全攞哂成首，唔可以話抄，不過本人認為有參考囉！」
但COLLAR粉絲反擊：「已經估到一定有好事者周圍帶風向話首歌抄《夜に駆ける》，其實頂多得一句叫比較似，有成首聽一次就知完全兩回事。」、「一啲都唔似！」亦有粉絲講反話寸網民：「 這首歌有音樂，一定係抄。有音符，又抄。MV有人跳舞，再抄。我係打手或PR，謝謝。」、「請大家理性少少🙏🏻COLLAR只係負責唱～ 完全唔關佢哋事！」
人氣女團COLLAR繼處女歌《Call My Name！》成功推出後，上周推出新歌《Never-never Land》，歌曲以白日夢世界為主題，希望在疫情下喚醒大家輕鬆愉快的心情。
新歌MV昨晚首播，8位成員Marf（邱彥筒）、Gao（沈貞巧）、Day（許軼）、Soching（蘇芷晴）、Candy（王家晴）、Winka（陳泳伽）、Ivy （蘇雅琳）Sumling（李芯駖），一洗在《Call My Name！》Cool爆形象，露腰露腿上陣，散發青春氣息！
問到拍攝前可有收到經理人Wing（戴穎）的「禁食令」？大家笑言長期都收到Wing「禁食令」，Candy還說：「其實我覺得好辛苦，講起就有啲辛酸！」
