「荃灣豬肉檔AK」 劉宋威（阿威）近日爆紅，之後殺出個「葵盛賣魚MC」，令一班師奶靚太心心眼，有網民說要集齊12位紅人，組合成「Supermarket」！近日有網民找到在兩餸飯舖工作、貌似女神李佳芯 ( Ali ) 的「兩餸飯Ali」。
有網友指「兩餸飯Ali」未除罩前的確有幾分似Ali，不過除罩後就完全不似，反而似陳靜（DaDa）。「兩餸飯Ali」被網民公開後，火速在自己的Twitter承認真身，她說自己不似Ali：「我咁嘅樣都叫翻版Ali？有眼耳口鼻都話似！」又說：「唔係成日返鋪頭，但係竟然都俾人影到。如果紅咗，想做搞笑藝人，好似亞視阿儀！」她在個人簡介上寫道：「我唔係靚女我樣殘，所有圖&片有過分P圖美化」，相當坦白可愛！
「荃灣豬肉檔AK」 劉宋威（阿威）近日爆紅，每日都有不少靚太排隊買豬肉和打卡，「威威豬」（阿威粉絲名稱）幫他開的fb群組「荃灣鮮肉威威應援團」，現時粉絲人數已超過1.5萬，阿威還火速為SKECHERS拍攝工作鞋系列廣告。上星期四（19日）阿威正式出道，以「威威劉宋威Samuel」之名開設三個社交平台，拍片教大家煲湯煮餸和分享日常生活，直至截稿前阿威IG有13.1K 人follow，fb有8,131人追縱，YouTube有4,320人訂閱，成績不俗！
不過阿威最近出現勁敵，近日有網民在「荃灣人」FB群組轉載「葵盛海鮮檔Alton」的靚仔相說：「海鮮仔，靚仔過豬肉威多多聲啦！」有網民在抖音搵到原片段，拍片的女網民透露「葵盛海鮮檔Alton」今年28歲，在葵盛街市工作，又讚他靚仔很多，每次光顧對方都會送海鮮給她！有網民指他貌似MIRROR成員Alton、MC張天賦 和陳柏宇：「青靚白淨C9一定like，之前嗰個太粗獷！」、「今次呢個堅靚仔，起碼青靚白淨，一定好過豬肉榮！」、「唔知除罩咩樣，但暫時睇取代MIRROR下弦係冇問題！」
早前有網民提議一班街市靚仔可以組成組合「Supermarket」，因此有網民說：「Supermarket就快齊章！」、「想入娛樂圈可以去街市見工！」不過有「威威豬」反擊說：「威威對blink blink眼，識得笑咁㗎，全勝！佢嘅親和力先至係最殺食，型又得，可愛又得！」
