標籤: Twins

娛樂

阿Sa、阿嬌組Twins出道21周年 Mani貼9張舊相:堅信妳們會一直長久下去

8、90後的成長過程,或多或少由 Twins 陪你在《明愛暗戀補習社》經歷情竇初開、《戀愛大過天》嘗試無後顧之憂的Puppy Love、再到《眼紅紅》嚐到失戀之苦澀。不經不覺,阿Sa(蔡卓妍)和阿嬌(鍾欣潼)組成的Twins今日(5月18日)出道21年。今日凌晨時分,阿Sa在IG貼出與阿嬌的合照,寫道「Happy 21st Annuversary to us」,並Tag阿嬌再hashtag「有啲想聽日開個live」。而阿嬌則在微博Tag阿Sa:「21周年快樂 love u forever」。

Twins
阿Sa今日凌晨於Instagram貼出與阿嬌的合照,寫道「Happy 21st Anniversary to us」。

經理人Mani(霍汶希)亦貼出9張舊照加以百字文祝賀:「21年前決定讓妳們兩個女以Twins組合的身份一起出道時,就堅信妳們會一直長久下去,無比驕傲妳們經歷過這麼多的珍貴時刻依舊在一起,也無比幸運我們此時此刻還陪在彼此身邊!」之後表示「老母永遠做妳們堅強的後盾!老母愛你」,而阿Sa亦回覆:「老母Love u」。

Twins
經理人Mani亦在Instagram貼出9張舊照,以百字文祝賀二人。
Twins
Twins
阿Sa以「老母Love u」回覆Mani。
阿嬌則在微博Tag阿Sa:「21周年快樂love u forever」

二人在2000年簽約英皇娛樂,並於2001年5月18日正式出道。一出道就如歌曲《大紅大紫》一樣,人氣爆燈。除了唱歌外,兩位亦向電影、電視劇和廣播劇等發展。如阿Sa跟鄭伊健合演的《我老婆唔夠秤》系列,以及Twins二人出演電影《這個夏天有異性》、《千機變》系列、《見習黑玫瑰》,和首部參演的電視劇《齊天大聖孫悟空》,都深入民心。

阿Sa跟阿嬌共同經歷人生高低潮,絕對情比金堅,作品成為不少人的集體回憶,亦是青春見證。

娛樂

MIRROR紅到上《紐約時報》 蕭若元:Twins從來冇咁樣紅過, 唯一可以比係張國榮同譚詠麟!

人氣男團MIRROR爆紅,鏡粉不惜豪花萬金應援,鏡仔所到之處動輒有數千fans撐場,令12子成為各大品牌廣告寵兒,絕對是近年難得一見!近日MIRROR更揚威海外,繼韓國《首爾新聞》以《陷入香港12人男團『MIRROR』的妻子,絕望的丈夫們》為題報道後,連《紐約時報》亦以《This Boy Band Is the Joy That Hong Kong Needs Right Now》為題,分析稱香港人在過去兩年面對疫情等問題,急需尋回令人振奮的正能量,而12子亦成為香港年輕人追夢的象徵,令沮喪的年輕人作投射對象,報道還形容:「12名唱歌跳舞的年輕人似乎在一夜之間佔領了這座城市,並且在征服城市的同時為它注入了歡樂。」

曾經縱橫娛樂圈多年的蕭若元亦拍片談MIRROR,他說MIRROR在過去半年,接了香港七成廣告,在香港史上從未見過,估計他們的收入一年超過一億:「之前紅嘅叫Twins,但Twins唔係呢種紅,其實Twins從來冇咁樣紅過,甚至四大天王都冇咁樣紅過,劉德華、黎明係多Following,但去唔到呢種傾城嘅程度,對上唯一可以比就係張國榮同譚詠麟,大家知道佢兩個鬥足7、8年。」蕭生又說:「當然之前真係紅嘅人,雙方歌迷、影迷鬥得好犀利嘅,就係陳寶珠同蕭芳芳,就係有咁瘋狂,工廠妹永遠支持陳寶珠,番書女就鍾意蕭芳芳。當然許冠傑都好紅,但蓮花樂隊嗰種紅都唔係咁樣紅,因為當時嘅社會風氣唔係咁,許冠傑去到邊度,都唔會嚟幾千人!」

人氣男團MIRROR爆紅,12子成為各大品牌廣告寵兒,絕對是近年難得一見!
早前MIRROR和ERROR出席屯門市廣場的ViuTV《夏日電視賞》記者會,很多鏡粉和「404」(ERROR粉絲的專稱)通宵等待。
屯門市廣場活動吸引約5,000粉絲撐場,超級墟冚!
近日《紐約時報》以《This Boy Band Is the Joy That Hong Kong Needs Right Now》為題,分析MIRROR爆紅的原因。
曾經縱橫娛樂圈多年的蕭若元亦拍片談MIRROR。
蕭若元說MIRROR在過去半年,接了香港七成廣告,在香港史上從未見過:「之前紅嘅叫Twins,但Twins唔係呢種紅,其實Twins從來冇咁樣紅過。」
蕭生說:「對上唯一可以比就係張國榮同譚詠麟,大家知道佢兩個鬥足7、8年。」
蕭生又說:「當然許冠傑都好紅,但蓮花樂隊嗰種紅都唔係咁樣紅,因為當時嘅社會風氣唔係咁,許冠傑去到邊度,都唔會嚟幾千人!」